STILfotball

02/10/2026

📣 Miniputtlag i STIL, sjå her! ⚽🚲

NFF Sogn og Fjordane inviterer alle miniputtlag til fotokonkurransen «Trafikksikre miniputtar»!

Send inn eit bilete og ein kort tekst om korleis laget arbeider med trafikktryggleik i fotballkvardagen.

📅 Frist: 5. oktober
🏆 Premiar på 4 000 kr, 2 000 kr og 300 kr

Bli med på fotokonkurranse «Trafikksikre miniputtar!"

I samband med den siste Kongleriket Miniputt-turneringane i 2026, inviterte vi alle miniputtlag i NFF Sogn og Fjordane til ein fotokonkurranse! Minner om at de sender inn eit bidrag, så blir de med i trekninga av premie til ditt lag!

Premiar:
1.plass kr.4000,-
2.plass kr. 2000,-
3.plass kr. 3000,-

Send oss bilete og ein kort rapport på kva ditt lag/klubb gjer for å rette fokus på trafikktryggleik i fotballkvardagen. Det kan t.d. vere bruk av hjelm, vestar, organisering av køyring, bilbeltefokus, gjennomgang av trafikkreglar, m.m.

Dette sendast til [email protected] , innan 5.oktober 2026, merk med namn på lag, klubb og kontaktinformasjon.

02/10/2026

Årets STIL-humle 2026 er kåra!

Ho stiller opp, tek ansvar, ser menneska rundt seg og får ting til å skje. Med eit stort engasjement for spelarane, laget og klubben har ho gjennom fleire år lagt ned ein uvurderleg frivillig innsats i STIL Fotball.

Gratulerer så mykje til årets STIL-humle – May-Britt Sægrov!

I takketalen var May-Britt sjølv tydeleg på at dette er ein pris ho deler med det gode lagsapparatet rundt Jenter 12.
Les meir om årets STIL-humle og kvifor prisen går til May-Britt i saka på nettsida vår her https://www.sandanetil.no/news-article/F175538CF7A3419DB31ABF2C5FEFF4DC

Og samtidig: Ein stor takk til alle dei fantastiske frivillige som legg ned tid, engasjement og hjarte for STIL Fotball. Utan dykk – ingen klubb!

01/10/2026

STORSIGER FOR DAMELAGET! 💙⚽️

Sandane/Jølster vann 6–1 heime mot Førde 2 etter å ha gått til pause med heile 5–1!

Malene Utheim opna målshowet etter 15 minutt, før Anne Aune Neerland dobla leiinga. Førde reduserte til 2–1, men jentene svarte med tre mål før pause. Sofia Vie sette inn 3–1, før Anne scora to til og sikra seg hattrick allereie i første omgang! 🔥

I andre omgang fastsette Sofia sluttresultatet til 6–1 med sitt andre mål for kvelden.

⚽️ Anne Aune Neerland ×3
⚽️ Sofia Vie ×2
⚽️ Malene Utheim

Med tre nye poeng står vi med 30 poeng etter 15 kampar og ligg øvst på tabellen. Laga bak har kampar til gode, så det blir ein spennande innspurt!

Takk til Førde 2 og dommartrioen Muhamet Barlla, Ragnar Åmot og John Geir Søgnen for kampen. Takk også til alle som kom og heia på jentene! 💙

Ekstra takk til dagens kampsponsor Nordfjord Laks AS 🤩

Foto: Haugenfotball.no 📷

01/10/2026

Sesongens siste heimekamp for damene i kveld!

30/09/2026

Official website for Sandane Turn og Idrettslag

29/09/2026

Sandane 3 med 4–1-SIGER MOT EID 2! 💙

Vi snudde 0–1 til 4–1 og sikra oss tre poeng mot Eid 2! 👏

Gjestane tok leiinga etter 20 minutt, men Sivert Gloppestad utlikna ti minutt før pause. Dermed gjekk laga til kvilen på 1–1.

I andre omgang kom Sivert verkeleg i målhumør! Med scoringar i det 72. og 76. minuttet fullførte han hattricket sitt og sende oss opp i 3–1. Joel Eyanuolu Boboye sette punktum med 4–1 i det 90. minuttet. ⚽️

Vi takkar Eid 2 og dommar Asbjørn Kjetil Grinde Håre for kampen! 💙

Foto: haugenfotball.no

28/09/2026

25/09/2026

Med 4 sigrar på dei 5 siste kampane er herrelaget i flytsona! I dag ventar Dale til ein svært viktig kamp for begge lag. Vi treng publikum i ryggen – kom på kamp og støtt gutane! 💙