Abaim

16/06/2026

Fet lamizik pe koste! 🎶

Nou anvi tann zot! Ki linstriman lamizik zot pli kontan zwe? 👇

11/06/2026

Nou pou zwenn vandredi le 12 zin lor RM1, depi 10h ziska 11h, avek Cristèle de Spéville dan emision Habiter notre île. Pa mank sa !

10/06/2026

RIP ! Let a Josiane Cassambo!

Anvole Josiane ! Depi to tipti laz to konn anvole.

Avek kouraz, avek pasion, to pa finn zame arete bers nou avek lamizik. Mem avek revolt - pou to gagn drwa zwe sega. Pa nimport ki sega, me seki ena enn lam, seki rakont listwar - Sega Tipik! Mersi pou kontribision enorm avek group Zanfan Ti Rivier!!

Isi dan lasosiasion ABAIM, dan lekol Ravann, to bann sante inspir nou. E pou kontinie inspir nou bann zanfan pou lontan - Ena dis pie divan nou laport !

Nou prezant nou kondoleans a to garson Enrico, belfi Ginette, lafami avek ki nou pe milite ansam dan Lasosiasion Pratikan SegaTipik.
Nou prezant sinpati a tou seki pratik Sega Tipik avek respe, Kouma to finn fer li toultan - avek ravann lapo.

Tangale li finn ale, Tangale pou res touzour dan nou leker. Mersi pou gran leritaz to finn kite!

Anba, ekout Josiane so lavwa, so lavayb, so zistwar!

08/06/2026

Zordi nou selebre Zourne Internasional Losean 🌊

Losean fer parti nou lidantite e nou bizin protez li. Dan nou Repiblik, losean kouver enn siperfisi plis ki 2.3 milyon km². Li bien pli gran ki siperfisi nou later, me parfwa nou pa realize ki kantite sa rises natirel-la inportan pou nou.

Enn zoli moman partaz dan zoli landrwa O’Morn, kot nou zwenn sak Dimans dan Sunday Care pou sante, danse ek apresie bote losean.

02/06/2026

Kifer Abaim pe pran viraz dizital?

Parski nou krwar ki dizital kapav rann nou travay pli efikas, fasilit partaz nou bann resours pedagozik, ek permet nou prezerv ek arsiv tou bann travay ki nou pe fer depi plizier lane.

Get video-la pou konn plis lor sa demars-la ek kouma nou pe prepar lavenir.

Swiv nou lor Facebook, Instagram, YouTube ek byento lor LinkedIn!

28/05/2026

Ant Partaz ek REZONANS - Li ti la! Enn linvite, avek enn lam - kouma bann linvite ki nou kontan!

Nawal! Fam sinp me avek enn GRAN lespri. Ki finn rakont nou so zistwar FAM; so zistwar LAMIZIK; so zistwar avek so pei, COMORRES.

Bann zistwar Rezistans, Bann zistwar REZILIANS. Bann zistwar RAR. Ki dir zame pa dekouraze !

Enn rankont, Enn sware memorab gras a Shaheen Saliahmohammed, enn ex zelev Lekol Ravann.

Mersi zot tou ki ti partaz sa moman-la!!

22/05/2026

Bonnfet ! 🌸 Enn fet pou selebre avek rekonesans ek lamour. seki finn matern nou !
Mama, papa, gramer, granper, matant, tonton, ankadrer, vwazin -vwazinn …
Selebre seki okip nou. Protez nou.

Bann gardien nou zistwar. Seki ed transmet nou kiltir. Atraver enn lamour vivan. Toulezour. 💛

Dekouver bann kado inspiran depi Abaim — tas, ‘tote bag’, kousin, ravann ek boukou lezot trezor pei — sorti depi profonder nou lidantite Morisien.

Fer plezir avek enn kado ki ena sans, enn kado ki koz ar leker.

Vizit http://www.abaim.mu pou dekouver plis ek pas ou komann.

14/05/2026

Viv enn lesanz kiltirel India-Oseanik!
Enn artis mister pe pare pou desann kot Abaim... e Zot ousi!

Devine kisanla sa ? Pou partisipe:

Like nou paz

Koment to repons

5 gagnan pou seleksione apre o-azar.

Zot ena ziska mardi 19 Me 2026 16:00 pou partisipe.

Bonn sans.

01/05/2026

Fet Travay! Nou zouti, Nou lanvironnman, Lanatir, tou melanze, tou inportan! Bon kouraz sirtou avek kriz ki pe tom lor latet tou travayer antie lemond.

11 likes. "ABAIM : Nou Travay"