Kummissjoni Zghazagh Palmisti Banda Santa Venera

09/11/2026

Illum saret l-ewwel laqgħa tal-Kummissjoni, li matulha nħatru l-membri l-ġodda li se jkunu qed jiffurmaw parti mill-Kummissjoni għas-snin 2026–2028.

Il-karigi ġew assenjati kif ġej:

* Chairman: Clyde Mallia
* Assistent Chairman: Tyrone Grech
* Segretarju: Kyle Micallef
* Kaxxier: Kyle Micallef
* Direttur tal-Brijju: Dylan Giordimaina
* Assistent Direttur tal-Briju: Tyrone Grech
* Direttur tal-Avvenimenti: Maria Buġeja
* Assistent Direttur tal-Avvenimenti: Josephine Zarb

Nawguraw lill-membri kollha kull suċċess f’dan l-irwol ġdid u nirringrazzjawhom tal-impenn u d-dedikazzjoni tagħhom.

01/09/2026

Illum, 1 ta’ Settembru 2026, saret l-aħħar laqgħa tal-Kummissjoni Żgħażagħ Palmisti fi ħdan is-Soċjetà Filarmonika Santa Venera V.M. għat-terminu 2024/2026.

F’isem iċ-Chairman, is-Segretarju, il-Kaxxier, id-Direttur tal-Brijju u l-membri kollha, nixtiequ nirringrazzjaw lil kull min ta’ l-għajnuna u s-sostenn tiegħu sabiex il-Kummissjoni setgħet taħdem u twettaq l-attivitajiet u l-ħidma tagħha għall-festa tant għażiża ta’ Santa Venera V.M.

Grazzi lil dawk kollha li taw is-sostenn finanzjarju tagħhom bħala sponsors, kif ukoll lil dawk l-individwi kollha li kienu preżenti u ħadu sehem fl-attivitajiet organizzati mill-Kummissjoni.

Ringrazzjament speċjali jmur lill-fergħat l-oħra tal-istess Soċjetà, kif ukoll lill-Kumitat Ċentrali, għall-għajnuna, il-kollaborazzjoni u l-kuraġġ li tawna sabiex dawn iż-żgħażagħ setgħu jaslu għal dak kollu li ħadmu għalih.

Fl-aħħar nett, nixtiequ nirringrazzjaw lill-Vendriżi kollha u lill-għaqdiet kollha tar-raħal għall-kollaborazzjoni tagħhom u għal kull darba li ħdimna flimkien sabiex inkomplu nkabbru u nsaħħu l-isem ta’ raħalna.

Il-ħidma tkompli.

Niltaqgħu fit-terminu li jmiss, 2026/2028.

Tislijiet,

KŻP

10/08/2026

30/07/2026

Il-Kummissjoni Żgħażagħ Palmisti Santa Venera V. M. tixtieq tirringrazzja lil dawn l-isponsors għall-appoġġ tagħhom fil-festa 2026 tal-patruna tagħna Santa Venera V. M. Grazzi mill-qalb.

28/07/2026

Pasta Night bit-tombla fil-ġnien Romeo Romano.

26/07/2026

Memorji tal-passat li kull Vendriż jiftakar bil-frażi “Irridu l-ilma!” 💦

Din is-sena, is-Sur David Rapinett reġa’ qajjem dawn il-memorji sbieħ, hekk kif wara ħafna snin reġgħet ħadet il-ħajja t-tradizzjoni tat-tfigħ tal-ilma minn fuq il-bjut.

Tradizzjoni li tibqa’ tgħix fil-qalb ta’ kull Vendriż ❤️

Socjeta' Filarmonika Santa Venera V.M.

26/07/2026

F’isem il-Kumitat Ċentrali, il-Kummissjoni Żgħażagħ Palmisti flimkien mas-sottokumitati tas-Soċjetà, nawguraw il-Festa t-tajba lill-għaqdiet kollha tar-raħal u lill-Vendriżi kollha.

Nawguraw li din il-festa tkun waħda mimlija għaqda, ferħ u devozzjoni lejn il-Patruna tagħna.

Viva Santa Venera V.M.

Socjeta' Filarmonika Santa Venera V.M.

24/07/2026

Il-marċ beda' u s-sorpriża grandjuża daqt tinkixef. Narakhom quddiem il-każin tagħna għal dak li ġej...

22/07/2026

Ingħaqdu magħna għal spettaklu tan-nar organizzat mill-Kumissjoni Żgħażagħ Palmisti nhar il-Ġimgħa waqt il-marċ tagħna. Narawkhom!

21/07/2026

Ilbieraħ, 20 ta’ Lulju, tajna bidu għall-festi kbar organizzati mis-Socjeta' Filarmonika Santa Venera V.M.. flimkien mal-Kummissjoni tagħna u l-għaqdiet kollha tar-raħal.

Nawguraw festa sabiħa mimlija għaqda, ferħ u devozzjoni lejn il-Patruna tagħna.

Festa 2026 – Festa Vendriża! ❤️

Viva Santa Venera V.M.