World Health Organization Myanmar

02/12/2024

သင်သိပါသလား?

ချစ်သူ/ခင်ပွန်းအစရှိတဲ့ ရင်းနှီးကျွမ်းဝင်သော လက်တွဲဖော်မှ အကြမ်းဖက်ခြင်း (Intimate Partner Violence) က စိတ်ကျန်းမာရေးအပေါ် ဘယ်လိုသက်ရောက်နိုင်တယ်ဆိုတာကို သင်သိပါသလား?

IPV ဟာ ရုပ်ပိုင်းဆိုင်ရာ ပြဿနာသက်သက်မဟုတ်ပါ။ နစ်နာသူများတွင် စိတ်ဓါတ်ကျခြင်း၊ စိုးရိမ်ပူပန်မှုများခြင်း၊ စိတ်ဒါဏ်ရာ၏ နောက်ဆက်တွဲရောဂါတစ်မျိုးဖြစ်သည့် Post-Traumatic Stress Disorder (PTSD) ခံစားရခြင်း၊ မူးယစ်စွဲလမ်းစေတတ်သော ပစ္စည်းများ သုံးစွဲလာခြင်း စသည့် စိတ်ပိုင်းဆိုင်ရာ နောက်ဆက်တွဲ ဆိုးကျိုးများပါ ခံစားရနိုင်ပါတယ်။

IPV ဟာ ဘာကြောင့် စိတ်ကျန်းမာရေးအပေါ် သက်ရောက်မှုများတာလဲ -
• ရေရှည်အကြမ်းဖက်မှုဖြစ်ခြင်း - ဤအကြမ်းဖက်မှုပုံစံသည် ရေရှည် ထပ်ခါတလဲလဲပြန်ဖြစ်နေသည့် အကြမ်းဖက်မှုမျိုုး ဖြစ်လေ့ရှိသည်။
• ထိန်းချုပ်ခံရခြင်း၊ သီးသန့်ခွဲထားခံရခြင်း - နှိပ်စက်သူများသည် သူတို့၏ လက်တွဲဖော်များကို အများနှင့် မထိတွေ့အောင် ထိန်းချုပ်ပြီး ခွဲထားလေ့ရှိသည်။ ထို့ကြောင့် နစ်နာသူအတွက် အကူအညီရယူရန် ခက်ခဲ၏။
• မိမိကိုယ် မိမိတန်ဖိုးထားမှု ပျောက်ဆုံးသွားခြင်း - တောက်လျှောက် ထိန်းချုပ်လှည့်ဖျား နှိပ်စက်ခံရခြင်းကြောင့် မိမိကိုယ်မိမိ တန်ဖိုးထားသည့် စိတ်၊ မိမိဆိုသည့် ကိုယ်ပိုင်ဘဝပျောက်ဆုံးသွားပြီး အရာရာကို အဆိုးပဲမြင်တတ်လာကြ၏။
• ကိုယ်ထိလက်ရောက် နှိပ်စက်ခံရခြင်း - ကိုယ်ထိလက်ရောက် နှိပ်စက်ခံရသည့် ဒါဏ်ရာများကြောင့် ဦးနှောက်နှင့် စိတ်ပိုင်းဆိုင်ရာပါထိခိုက်နိုင်ပြီး ခံစားချက်ထိန်းကြောင်းသည့်စနစ်၊ ဆုံးဖြတ်ချက်ချနိုင်သည့်စနစ် စသည့် ဦးနှောက်လုပ်ငန်းစဉ်များပါထိခိုက်လာနိုင်ပါသည်။
• မူးယစ်စွဲလမ်းစေတတ်သော ပစ္စည်းများ သုံးစွဲလာခြင်း - အချို့သော နစ်နာသူများသည် နည်းလမ်းမမှန်သည့် စိတ်ထွက်ပေါက်အနေဖြင့် အရက်၊ မူးယစ်ဆေးစသော ပစ္စည်းများ သုံးစွဲလာနိုင်ပြီး ထိုမှတဆင့် စိတ်ကျန်းမာရေးပါ ထပ်မံထိခိုက်နိုင်ပါသည်။

01/12/2024

World AIDS Day 2024 “Take the rights path: My health, my right!️”
မိမိကိုယ်ကို HIV ကူးစက်မှု အန္တရာယ်မှ ကာကွယ်ပါ။

HIV ပိုးရှိခဲ့လျှင်လည်း စောစောသိပြီး ကုသမှုကို မှန်မှန်ခံယူပါက ပိုးမရှိတဲ့သူများကဲ့သို့ ကျန်းမာ အသက်ရှည်တဲ့ဘ၀ကို ပိုင်ဆိုင်နိုင်မှာဖြစ်ပါတယ်။

သွေးထဲမှာ HIV ပိုးကောင်ရေ ရှာမတွေ့နိုင်လောက်အောင် ထိန်းချုပ်ထားခြင်းဖြင့် မိမိကိုယ်တိုင်လည်း ကျန်းမာပြီး အခြားသူများသို့လည်း မကူးစက်နိုင်တော့ပါ။

= zero risk of HIV transmission

01/12/2024

ကမ္ဘာပေါ်မှာ လူပေါင်း သန်း ၄၀ နီးပါးဟာ HIV ပိုးနဲ့ ရှင်သန်နေထိုင်နေကြပါတယ်။

၂၀၂၃ တစ်နှစ်အတွင်း လူပေါင်း ၆၃၀,၀၀၀ ခန့် HIV ကြောင့် သေဆုံးခဲ့ပြီး ၁.၃ သန်းခန့်ဟာ HIV ပိုး ကူးစက်ခံခဲ့ရပါတယ်။

လူကြီး၊ ကလေး၊ ကျား/မ၊ လူအုပ်စုမရွေး ကျန်းမာရေးစောင့်ရှောက်မှုကို ရယူနိုင်ခွင့်ဟာ အခြေခံကျတဲ့ အခွင့်အရေးဖြစ်ပါတယ်။

World AIDS Day 2024 “Take the rights path: My health, my right!”

29/11/2024

အချိန် တစ်မိနစ်ခွဲလောက်ပေးပြီး ဗီဒီယိုလေးကြည့်ကြည့်ကြပါ..


မမနှင်းဆီဆိုတဲ့ အမျိုးသမီးတစ်ယောက်ရဲ့ စိတ်ဓါတ်ကြံ့ခိုင်မှုကိုပြထားတဲ့ စိတ်အားတက်ရဖွယ် ဗီဒီယို တိုလေးတစ်ခုမျှဝေထားပါတယ်။


မမနှင်းဆီဟာ အသက်ငယ်ငယ်လေးတည်းကနေစပြီး လိင်အကြမ်းဖက်မှုကို အကြိမ်ကြိမ်ခံခဲ့ရတဲ့ အမျိုးသမီးတစ်ယောက်ပါ။


ဒါပေမယ့် သူဟာ သူ့ဒါဏ်ရာတွေကို သူများတွေအတွက် အင်အားအဖြစ် ပြောင်းလဲခဲ့ပါတယ်။ သူဖြစ်ခဲ့တာကိုမျှဝေရင်း တခြားအလားတူကြုံတွေ့နေရတဲ့ အမျိုးသမီးငယ်လေးတွေကို ထုတ်ဖော်ပြောကြားကြဖို့၊ အကူအညီတောင်းကြဖို့နဲ့ ဆိတ်ဆိတ်မနေဖို့ အားပေးနေပါတယ်။


ခုတော့သူဟာ သူ့ဘဝကို အလားတူအမျိုးသမီးလေးတွေကို ကူညီပေးဖို့ မြှုပ်နှံထားပါတယ်။ သူ့အကြောင်းဟာ လူသားတွေရဲ့ စိတ်ဝိညာဉ် ဘယ်လောက်ခွန်အားကြီးတယ်ဆိုတဲ့ သက်သေတစ်ခုပါ။


ဒီဗီဒီယိုကနေ စိတ်အားတက်စရာတင်မကပဲ အကြမ်းဖက်ခံရမှုက လွတ်မြောက်လာတဲ့သူတွေကို ပံ့ပိုးပေးဖို့၊ သူတို့ဘဝပြန်လည်လုံခြုံနွေးထွေးစေဖို့ ဘယ်လောက်အရေးကြီးတယ်ဆိုတာကိုလည်း သတိပေးနေပါတယ်။

28/11/2024

Providing essential NCD medicines during cyclone Mocha health emergency response

On midday of 14 May 2023, an extremely severe Cyclone Mocha crossed the western coast of Myanmar near Sittwe in Rakhine state with wind speed of between 190 to 250 km per hour, making it as one of the strongest cyclones to hit Myanmar. This cyclone brought heavy rains, floodings, and winds across the coast of Rakhine state and headed northeast to Chin, Magway, Sagaing and Kachin.

According to Cyclone Mocha Flash Appeal 2023, the cyclone and flooding that followed hit the area of high preexisting vulnerability, with large numbers of people displaced, returned, stateless and deeply affected by the crisis. Health facilities in cyclone affected areas including those from displaced camps, particularly those in capital of Rakhine state, were damaged, disrupting both the health service delivery and medicine supply chain. Health services in Rakhine state were able to resume only 3 days after the cyclone....

Further details:

On midday of 14 May 2023, an extremely severe Cyclone Mocha crossed the western coast of Myanmar near Sittwe in Rakhine state with wind speed of between 190 to 250 km per hour, making it as one of the strongest cyclones to hit Myanmar. This cyclone brought heavy rains, floodings, and winds across th...

28/11/2024

“သဘောတူညီမှု မပါခြင်း” ဟာ အမျိုးမျိုးသော ကျား/မအခြေပြု အကြမ်းဖက်မှုတွေရဲ့ အဓိက အကြောင်းရင်းဖြစ်ပြီး တကယ့် သဘောတူညီမှုဆိုတာ ဘာလဲဆိုတာကို နားလည်ထားဖို့ အရေးကြီးပါတယ်။

ဒီလိုသာဆိုရင် “ဟုတ်ကဲ့” လို့ပြောတိုင်းဟာ “ဟုတ်ကဲ့” မဟုတ်ပါ။

❌တစ်ဖက်လူက အခြေအနေကို ရှင်းရှင်းလင်းလင်းမသိထားခဲ့ရင်…
❌အဲ့ဒီ “ဟုတ်ကဲ့” ဟာ ဖိအား ဒါမှမဟုတ် လိမ်ညာလှည့်ဖျားမှုတစ်ခုခုကြောင့် ပေးခဲ့တာဆိုရင်…. သဘောတူညီခြင်းမဟုတ်ပါ။

✔️“သဘောတူညီမှု” ကို အကြိမ်တိုင်း အခေါက်တိုင်းအတွက် ရရှိရန်လိုပါတယ်။

အောက်ပါတုံ့ပြန်မှုတွေဟာ “သဘောတူခြင်း” မဟုတ်ပါ။

❌“ဟုတ်သလိုလိုဘဲ”❌
❌“မသိဘူး၊ မပြောတတ်ဘူး”❌
❌ဆိတ်ဆိတ်နေတာ❌

ဒါ့အပြင် အရင်က လက်ခံခဲ့ဘူးတာသည် ခုအတွက် “သဘောတူညီခြင်း” မဟုတ်ပါ။

အကယ်၍ မသေချာဘူးဆိုရင် သူအဆင်ပြေရဲ့လားဆိုတာ ထပ်မေးပါ ⁉️

27/11/2024

ကမ္ဘာပေါ်ရှိ သန်းပေါင်းများစွာသော ဆယ်ကျော်သက် မိန်းကလေးများသည် ရင်းနှီးကျွမ်းဝင်သော လက်တွဲဖော်ထံမှ အကြမ်းဖက်မှုကို တွေ့ကြုံခံစားနေရပါသည်။

ဆယ်ကျော်သက် မိန်းကလေးတို့အား ရင်းနှီးကျွမ်းဝင်သော လက်တွဲဖော်၏ အကြမ်းဖက်မှုများမှ ကာကွယ်ရန် အောက်ပါတို့ကို ယခုပင် လုပ်ဆောင်ပါ!

✔️အန္တရာယ်ရှိသော ဓလေ့ထုံးတမ်းများ ကိုပြောင်းလဲပစ်ပါ။
✔️ကလေးသူငယ်/အရွယ်မရောက်မီ အဓမ္မအိမ်ထောင်ချပေးမှုတို့ကို အဆုံးသတ်ပါ။
✔️ကျားမရေးရာ တန်းတူညီမျှမှု၊ အခွင့်အရေးနှင့် မိန်းကလေးများ၏ ပညာရေးတို့ကို ပံ့ပိုးမြှင့်တင်ပါ။

ယခုနှစ် ၂၀၂၄ ခုနှစ်၏ ‘ကျားမရေးရာအခြေပြု အကြမ်းဖက်မှု ဆန့်ကျင်ရေး ၁၆ ရက်တာ လှုပ်ရှားမှု’ အတွက် ဆောင်ပုဒ်မှာ - “ #အကြောင်းပြချက်မရှိ - အမျိုးသမီးနှင့် မိန်းကလေးများအပေါ် အကြမ်းဖက်မှုများ အဆုံးသတ်ဖို့ အားလုံးပူးပေါင်း ဆောင်ရွက်စို့” ဖြစ်ပါသည်။

အမျိုးသမီးများနှင့် မိန်းကလေးငယ်များအပေါ် အကြမ်းဖက်မှုသည် ကြိုတင်ကာကွယ်နိုင်သော အရာဖြစ်သည်။ ယင်းတို့အား အဆုံးသတ်နိုင်ရန် ကျွန်ုပ်တို့အားလုံးတွင် တာဝန်ရှိပါသည်။

26/11/2024

ကမ္ဘာပေါ်ရှိ အမျိုးသမီး ၃ ဦးလျှင် ၁ ဦးသည် ရုပ်ပိုင်းဆိုင်ရာနှင့် လိင်ပိုင်းဆိုင်ရာ အကြမ်းဖက်မှုများခံစားနေရသည်။ အများစုမှာ သူတို့၏ အနီးစပ်ဆုံး ခင်ပွန်း/ချစ်သူများထံမှ ဖြစ်ပါသည်။

မြန်မာနိုင်ငံတွင်လည်း အိမ်ထောင်ရှိ အမျိုးသမီး ၅ ဦးလျှင် အနည်းဆုံး ၁ဦးသည် ၄င်းတို့၏ ရင်းနှီးသော လက်တွဲဖော်များ၏ ရုပ်ပိုင်းဆိုင်ရာ၊ လိင်ပိုင်းဆိုင်ရာ သို့မဟုတ် စိတ်ပိုင်းဆိုင်ရာ အကြမ်းဖက်မှုများကို ဘဝသက်တမ်းတစ်လျှောက်တွင်ကြုံတွေ့ခဲ့ရဖူးပါသည်။ (မြန်မာနိုင်ငံ လူနေမှုဘဝနှင့် ကျန်းမာရေးဆိုင်ရာ အခြေခံအချက်အလက်စစ်တမ်း DHS 2015-2016)

ဤကဲ့သို့ ရင်းနှီးကျွမ်းဝင်သော လက်တွဲဖော်မှ အကြမ်းဖက်မှုနှင့် လိင်ပိုင်းဆိုင်ရာ အကြမ်းဖက်မှုတို့သည် အမျိုးသမီးများနှင့် မိန်းကလေးများ အများဆုံး တွေ့ကြုံခံစားရလေ့ရှိသော အကြမ်းဖက်မှုပုံစံဖြစ်ပါသည်။

ယခုနှစ် ၂၀၂၄ ခုနှစ်၏ ‘ကျားမရေးရာအခြေပြု အကြမ်းဖက်ဆန့်ကျင်ရေး ၁၆ ရက်တာ လှုပ်ရှားမှု’ အတွက်ဆောင်ပုဒ်မှာ “ #အကြောင်းပြချက်မရှိ - အမျိုးသမီးနှင့် မိန်းကလေးများအပေါ် အကြမ်းဖက်မှုများ အဆုံးသတ်ဖို့ အားလုံးပူးပေါင်း ဆောင်ရွက်စို့” ဖြစ်ပါသည်။

အမျိုးသမီးများနှင့် မိန်းကလေးများအပေါ် အကြမ်းဖက်မှုသည် ကြိုတင်ကာကွယ်နိုင်သောအရာ ဖြစ်ပါသည်။

ယင်းတို့အားအဆုံးသတ်နိုင်ရန် ကျွန်ုပ်တို့အားလုံးတွင် တာဝန်ရှိပါသည်။

25/11/2024

16 Days of Activism (၁၆ရက်တာလှုပ်ရှားမှု)

နိုဝင်ဘာလ ၂၅ ရက်နေ့ မှဒီဇင်ဘာလ ၁၆ ရက်နေ့ …

ကမ္ဘာတစ်ဝှမ်းလှုပ်ရှားမှုတစ်ခုဖြစ်တဲ့ 16 Days of Activism ၁၆ရက်တာလှုပ်ရှားမှုဟာ ယနေ့စတင်ပြီဖြစ်ပါတယ်။

နှစ်စဉ် ဒီကမ်ပိန်းကို နိုဝင်ဘာလ ၂၅ ရက်နေ့ကနေ ဒီဇင်ဘာလ၁၀ ရက်နေ့ထိ ၁၆ ရက်တာ ကျင်းပတာဖြစ်ပါတယ်။

ပထမဦးဆုံးအနေနဲ့ ဘာကြောင့်များ အဆိုပါ ကမ်ပိန်းကို အမြဲတမ်း နိုဝင်ဘာ ၂၅ ရက်နေ့မှာ စတင်ပြီး ဒီဇင်ဘာ ၁၀ ရက်နေ့မှာ အဆုံးသတ်လဲသိပါသလား ?

နိုဝင်ဘာလ၂၅ရက်ဟာအမျိုးသမီးများအပေါ်အကြမ်းဖက်မှုပပျောက်ရေးဆိုင်ရာနိုင်ငံတကာနေ့ဖြစ်ပြီး ဒီဇင်ဘာလ ၁၀ ရက်နေ့ကတော့ ကမ္ဘာ့လူအခွင့်အရေးနေ့ပဲဖြစ်ပါတယ်။

အမျိုးသမီးများအပေါ် အကြမ်းဖက်ခြင်းသည် ကမ္ဘာ့သမိုင်းတစ်လျှောက် သက်တမ်းအရှည်ဆုံး လူအခွင့်အရေးချိုးဖောက်ခံရမှု ဖြစ်သည့်အတွက် ဤရက်စွဲနှစ်ခုကြား ၁၆ ရက်တာကို ကမ်ပိန်းကာလအဖြစ် ကမ္ဘာတစ်ဝန်း၌ ကျင်းပကြတာဖြစ်ပါတယ်..

22/11/2024

ဖိတ်ကြားအပ်ပါသည်။

ကျန်းမာရေးဆိုင်ရာ ပေါ်လစီချမှတ်သူများ၊ အကောင်အထည်ဖော်သူများနှင့် စီမံကိန်း စီမံချက် မန်နေဂျာများ၊ ကျန်းမာရေး ပညာရှင် အသင်းအဖွဲ့များ၊ NGO နှင့် အခြားအဖွဲ့စည်းများ၊ ဆရာဝန်များ၊ သူနာပြုဆရာမများ၊ သားဖွားဆရာမများ အပါအဝင် ကျန်းမာရေးစောင့်ရှောက်မှုပေးသူအားလုံးအတွက် ......

ကမ္ဘာ့ကျန်းမာရေးအဖွဲ့ WHO ၏ မိခင်၊မျိုးဆက်ပွါး၊မွေးကင်းစ ၊ ကလေးနှင့် ဆယ်ကျော်သက် ကျန်းမာရေးဆိုင်ရာ လစဉ် Webinar ဆွေးနွေးပွဲ သို့ နွေးထွေးစွာဖိတ်ကြားအပ်ပါသည်။

Webinar အား

🗓️ (၂၀၂၄) ခုနှစ်၊ နိုဝင်ဘာလ (၂၉) ရက်နေ့၊

🕐 နေ့လည် ၂ နာရီမှ ၃နာရီခွဲ အချိန်ထိ ကျင်းပမည်ဖြစ်ပြီး မြန်မာ ၊ အင်္ဂလိပ်နှစ်ဘာသာဖြင့် နားထောင်နိုင်ပါသည်။

⬇️ အောက်ပါ Link (သို့မဟုတ်) QR Code မှတဆင့် Register ပြုလုပ်၍ Webinar ID နှင့် Passcode အား ရယူလိုက်ပါ။

Link: https://bit.ly/RMNCAHWebinar11

အလားတူ မိခင် ၊ မျိုးဆက်ပွား ၊ မွေးကင်းစ ၊ ကလေးနှင့် ဆယ်ကျော်သက် ကျန်းမာရေးဆိုင်ရာ Webinar များအား (၂၀၂၄) ခုနှစ်အတွင်း လစဉ်ဆက်လက်ကျင်းပသွားမည်ဖြစ်ပါသည်။

18/11/2024

ပဋိဇီဝဆေးယဉ်ပါးခြင်းသည် မျက်စိဖြင့် မမြင်နိုင်ပါ။
"ပဋိဇီဝဆေးယဥ်ပါးမှုကင်းစင်ဖို့ ပညာပေးကာမြှင့်တင်လို့ ယနေ့ဆောင်ရွက်ကြပါစို့"
ပဋိဇီဝဆေးယဥ်ပါးမှု တိုက်ဖျက်ရေး ရက်သတ္တပတ်

World AMR Awareness Week 2024
Educate. Advocate. Act now.
Handle antimicrobials with care

14/11/2024

"ပဋိဇီဝဆေးယဥ်ပါးမှုကင်းစင်ဖို့ ပညာပေးကာမြှင့်တင်လို့ ယနေ့ဆောင်ရွက်ကြပါစို့"

World AMR Awareness Week 2024
Educate. Advocate. Act now.

ပဋိဇီဝဆေးယဥ်ပါးမှု တိုက်ဖျက်ရေး ရက်သတ္တပတ်
Handle antimicrobials with care

13/11/2024

"ပဋိဇီဝဆေးယဥ်ပါးမှုကင်းစင်ဖို့ ပညာပေးကာမြှင့်တင်လို့ ယနေ့ဆောင်ရွက်ကြပါစို့"

World AMR Awareness Week 2024
Educate. Advocate. Act now.

ပဋိဇီဝဆေးယဥ်ပါးမှု တိုက်ဖျက်ရေး ရက်သတ္တပတ်

30/10/2024

ရင်သားကင်ဆာကို ရာဇဝင်ထဲမှာ ထားခဲ့ကြပါစို့ !

ရင်သားကင်ဆာဆိုတာ စောစီးစွာသိရှိပြီး လုံလောက်တဲ့ ကုသမှုရရှိနိုင်လျှင် အလွန်ပျောက်ကင်းနိုင်ချေများတဲ့ ရောဂါဖြစ်ပါတယ်။
၂၀၂၂ ခုနှစ်အတွင်း အမျိုးသမီး ၂.၃ သန်းမှာ ရင်သားကင်ဆာရောဂါ ဖြစ်ပွားခဲ့ကြပြီး ဒါဟာ
တစ်မိနစ်မှာ အမျိုးသမီး ၄ ဦးနှုန်းဖြစ်နေတာပါ။
အကြမ်းအားဖြင့် အဆိုပါ ရင်သားကင်ဆာ ဖြစ်ပွားမှု တွေရဲ့ (၉၉%) က အမျိုးသမီးတွေမှာ ဖြစ်ပြီး (၀.၅%) ကနေ (၁%) ကတော့ အမျိုးသားတွေမှာဖြစ်တာ တွေ့ရပါတယ်။ အမျိုးသားတွေမှာ ရင်သားကင်ဆာဖြစ်ရင် ကုသရတဲ့ ကုထုံးတွေကတော့ အမျိုးသမီးတွေနဲ့ အတူတူပါပဲ။

ဝင်ငွေမြင့်မားတဲ့နိုင်ငံများမှ အမျိုးသမီးများမှာ ဝင်ငွေအလယ်အလတ်နှင့် ဝင်ငွေနည်းပါးတဲ့ နိုင်ငံများမှ အမျိုးသမီးများနှင့် နှိုင်းယှဉ်လျှင် ရင်သားကင်ဆာ ဖြစ်ပွားပြီးနောက် အသက်ရှင်ရန် ရာခိုင်နှုန်း ၆၀ ကျော် ပိုများတာတွေ့ရပါတယ်။
ကျန်းမာရေးစနစ်နှင့်ပတ်သက်သော အတားအဆီးများ၊ လူမှုပတ်ဝန်းကျင် ၏ မကောင်းသော ထင်မြင်ယူဆချက်များ၊ ကြောက်ရွံ့စိုးထိတ်မှုတွေက အမျိုးသမီးများရင်သားကင်ဆာကို စောစီးစွာသိရှိနိုင်ဖို့ စစ်ဆေးမှုခံယူရာမှာ အဟန့်အတားများဖြစ်စေပါတယ်။

ရင်သားမှာ ပုံမှန်မဟုတ်တဲ့ အကျိတ်တွေ့တာနဲ့ နာကျင်မှုမရှိလျှင်တောင် ကျန်းမာရေးစောင့်ရှောက်မှု/စစ်ဆေးမှု ကို အမြန်ခံယူသင့်ပါတယ်။
ရင်သားအကျိတ်အများစုက ကင်ဆာမဟုတ်ကြပါ။
ရင်သားကင်ဆာ အကျိတ်တွေက အရွယ်သေးငယ်နေတုန်းအချိန်နဲ့၊ အနီးကပြန်ရည်အကျိတ်တွေဆီ မပျံ့နှံ့သေးခင်မှာဆိုရင် ပျောက်ကင်းအောင်ကုသနိုင်ဖို့ ပိုပြီး အခွင့်အလမ်းများပါတယ်။

ရင်သားကင်ဆာရဲ့ လက္ခဏာတွေကတော့
• ရင်သားတွင် အလုံး အကျိတ်တွေ့ခြင်း (များသောအားဖြင့် နာကျင်မှုမရှိတတ်ပါ)
• ရင်သားအရွယ်အစား၊ ပုံသဏ္ဍာန်ပြောင်းလဲလာခြင်း
• ရင်သားအရေပြားချိုင့်ဝင်ခြင်း၊ နီရဲခြင်းနှင့် အခြားသော အရေပြားပြောင်းလဲမှုများ
• နို့သီးခေါင်းနှင့် နို့သီးခေါင်းတဝိုက် ပုံသဏ္ဍာန်၊ အရောင် ပြောင်းလဲလာခြင်း
• နို့သီးခေါင်းမှ ပုံမှန်မဟုတ်သောအရည် သို့မဟုတ် သွေးထွက်လာခြင်းတို့ဖြစ်ပါတယ်။

ယနေ့ သင့်ရဲ့ ရင်သားကို တစ်ခေါက်လောက် ပြန်ကြည့်ပြီးစစ်ဆေးလိုက်ပါ၊

မိမိရင်သားကို ကိုယ်တိုင်စမ်းသပ်နည်း သေသေချာချာမသိပါက ဒီ link တွင် သွားရောက်လေ့လာနိုင်ပါတယ်
https://screening.iarc.fr/breastselfexamination.php

သင့်ရဲ့ ရင်သားနှစ်ဖက်လုံးကို စမ်းကြည့်ပါ၊ အလုံးအကျိတ် တစ်ခုခု စမ်းမိသလား ..
တကယ်လို့ ပုံမှန်မဟုတ်တဲ့ အလုံးအကျိတ် စမ်းမိတယ်ဆိုရင်၊ နာတာကျင်တာတွေမရှိဘူးဆိုရင်တောင်မှ အမြန်ဆုံး ကျန်းမာရေးစောင့်ရှောက်မှု/စစ်ဆေးမှုကို ခံယူပါ။

ရင်သားကင်ဆာ ကုသမှု ကုထုံးများကတော့
• ခွဲစိတ်ကုသခြင်း
• ဓာတ်ရောင်ခြည်ဖြင့် ကုသခြင်းနှင့်
• ဆေးဝါးများဖြင့် ကုသခြင်း တို့ဖြစ်ပါတယ်

ရင်သားကင်ဆာ ကုသမှု ကုထုံးများသည် စောစီးစွာနှင့် အပြည့်အဝ ကုသနိုင်လျှင် ပိုမိုထိရောက်မှုရှိပြီး ကင်ဆာဝေဒနာရှင်ကလည်း ကုသမှုဒဏ်ကို ပိုပြီးခံနိုင်ရည်ရှိတတ်ကြပါတယ်။



#ရင်သားကင်ဆာ
#မိခင်နှင့်ကလေးကျန်းမာရေး

25/10/2024

ဖိတ်ကြားအပ်ပါသည်။

ကျန်းမာရေးဆိုင်ရာ ပေါ်လစီချမှတ်သူများ၊ အကောင်အထည်ဖော်သူများနှင့် စီမံကိန်း စီမံချက် မန်နေဂျာများ၊ ကျန်းမာရေး ပညာရှင် အသင်းအဖွဲ့များ၊ NGO နှင့် အခြားအဖွဲ့စည်းများ၊ ဆရာဝန်များ၊ သူနာပြုဆရာမများ၊ သားဖွားဆရာမများ အပါအဝင် ကျန်းမာရေးစောင့်ရှောက်မှုပေးသူအားလုံးအတွက် ......

ကမ္ဘာ့ကျန်းမာရေးအဖွဲ့ WHO ၏ “ရင်သားကင်ဆာ ရှိမရှိ ပုံမှန်စစ်ဆေးခြင်း၊ ကာကွယ်ခြင်းနှင့် ကုသခြင်းဆိုင်ရာ ဆွေးနွေးပွဲ” သို့ နွေးထွေးစွာဖိတ်ကြားအပ်ပါသည်။

Webinar အား
🗓️ (၂၀၂၄) ခုနှစ်၊ အောက်တိုဘာလ (၃၁) ရက်နေ့၊
⏰ နေ့လည် ၂ နာရီမှ ၃နာရီခွဲ အချိန်ထိ ကျင်းပမည်ဖြစ်ပြီး မြန်မာ ၊ အင်္ဂလိပ်နှစ်ဘာသာဖြင့် နားထောင်နိုင်ပါသည်။

⬇️ အောက်ပါ Link (သို့မဟုတ်) QR Code မှတဆင့် Register ပြုလုပ်၍ Webinar ID နှင့် Passcode အား ရယူလိုက်ပါ။

Link: https://bit.ly/RMNCAHWebinar10

အလားတူ မိခင်၊ မျိုးဆက်ပွား၊ မွေးကင်းစ၊ ကလေးနှင့် ဆယ်ကျော်သက် ကျန်းမာရေးဆိုင်ရာ Webinar များအား (၂၀၂၄) ခုနှစ်အတွင်း လစဉ်ဆက်လက်ကျင်းပသွားမည်ဖြစ်ပါသည်။

24/10/2024

ယနေ့ အောက်တိုဘာလ (၂၄) ရက်မှာ ကျရောက်တဲ့ အထိမ်းအမှတ်အဖြစ် ပိုလီယိုရောဂါနှင့် ပတ်သက်ပြီး ကမ္ဘာ့ကျန်းမာရေးအဖွဲ့ (World Health Organization) ၏ Director General - Dr. Tedros Adhanom Ghebreyesus ပြောကြားထားတဲ့ ဗီဒီယိုတစ်ပုဒ်ကို မျှဝေလိုက်ပါတယ်။

📌 ကလေးငယ်တိုင်း ပိုလီယိုရောဂါကင်းဝေးစေဖို့ အတူတကွ ဆောင်ရွက်ကြပါစို့။

21/10/2024

“ခဲ” နှင့် ပတ်သက်၍ သိထားသင့်သော အချက် (၄) ချက်

၁။ ခဲသည် အဆိပ်သင့်နိုင်ပြီး ကလေးငယ်များကို ကျန်းမာသော အနာဂတ်မှ သွေဖယ်စေနိုင်ပါသည်။
၂။ ခဲ ပါဝင်နိုင်သော အရင်းအမြစ်များစွာရှိပါသည်။
၃။ ကလေးငယ်များအတွက် စိတ်ချစွာ ထိတွေ့နိုင်သည်ဟု သတ်မှတ်ထားသော “ခဲ”ပမာဏ မရှိပါ။
၄။ ခဲအဆိပ်သင့်သော အန္တရာယ်မှ ကင်းဝေးသည့် အနာဂတ်ကို ဖေါ်ဆောင်ရမည့်အချိန်ဖြစ်ပါသည်။

Say no to lead poisoning
“ခဲ” အဆိပ်သင့်ခြင်းကို ငြင်းဆိုကြပါစို့

အပြည်ပြည်ဆိုင်ရာ ခဲအဆိပ်သင့်မှု ကာကွယ်ရေး ရက်သတ္တပတ် (၂၀-၂၆ အောက်တိုဘာ ၂၀၂၄)
💢 တောက်ပတဲ့အနာဂတ်များအတွက် ခဲကင်းစင်ဖို့ စဆောင်ရွက်

21/10/2024

“ခဲ”သည် အဆိပ်သင့်စေနိုင်ပါသည်။

ရှူသွင်းခြင်း၊ စားမိခြင်း၊ အစားအစာနှင့်ရေ၊ ခဲဓာတ်ပါဝင်သော ထုတ်ကုန်ပစ္စည်းများမှတဆင့် “ခဲ” ဓာတ် သည် ကိုယ်တွင်းသို့ ဝင်ရောက်နိုင်ပါသည်။

ကျန်းမာရေးအတွက် စိတ်ချရသော “ခဲ” ဓာတ် ပမာဏဟူ၍ မရှိပါ။

အပြည်ပြည်ဆိုင်ရာ ခဲအဆိပ်သင့်မှု ကာကွယ်ရေး ရက်သတ္တပတ် (၂၀-၂၆ အောက်တိုဘာ ၂၀၂၄)

📌 တောက်ပတဲ့အနာဂတ်များအတွက် ခဲကင်းစင်ဖို့ စဆောင်ရွက်