Црвен крст на Република Северна Македонија -Општинска организација Радовиш

01/06/2026

☀️ ТВОЕТО ЛЕТО, ТВОЈАТА МИСИЈА! ❤️

Лето исполнето со дружба, авантури, волонтерство и незаборавни моменти. Запознај нови луѓе, стекни нови искуства и биди дел од тим што создава позитивни промени!

📩 Пријави се во порака или посети нè во просториите на ООЦК Радовиш.

Те очекуваме! 🤝

#ТвоетоЛетоТвојатаМисија #КлубНаМлади #ООЦКРадовиш #ЦКмлади

27/05/2026

Да ја покажеме нашата хуманост ❤️

Вечерва од 18:00 часот, на ракометниот натпревар помеѓу РК Радовиш и РК Струга, на влезот ќе биде поставена кутија од Црвен Крст ОО Радовиш за донации наменети за лекување на малата Тијана Дунгевска.

Ги повикуваме сите посетители и хумани луѓе, согласно своите можности, да донираат и да помогнат во оваа хумана акција. Секоја донација значи чекор поблиску до потребното лекување и надеж за Тијана.

Да покажеме хуманост и заедништво. ❤️

27/05/2026

Среќен Курбан Бајрам! 🌙
Нека празникот донесе мир, здравје, среќа и бериќет во твојот дом. ✨

Gëzuar Kurban Bajramin! 🌙
Uroj që kjo festë të sjellë paqe, shëndet, lumturi dhe begati në shtëpinë tuaj. ✨

26/05/2026

Geri ❤️⛑️

20/05/2026

20/05/2026

🔥 20 Мај - Денот на пожарникарите

Денес оддаваме чест на храбрите пожарникари кои секој ден се подготвени да одговорат на повикот за помош, ставајќи го својот живот во служба на нашата заедница. 🙌

**Благодариме што сте секогаш подготвени, секогаш тука за нас!** ❤️
Pozarna Radovis

#ГордиНаНашитеХерои 🚒 #ДенНаПожарникарите

19/05/2026

🐝🌍 Во рамки на одбележувањето на Меѓународниот ден на пчелата – 20 Мај, Пчеларското здружение „Радовишка пчела“ во соработка со Црвен крст на Република Северна Македонија – Општинска организација Радовиш успешно реализираше едукативно предавање на тема:
✅ „Убод од пчела, оса, инсекти, прва помош и алергии – Анафилактичен шок“
👩‍🏫 Предавачи: • Снежана Панчева
• д-р Весна Пешева Јанковски
💛 Благодарност до сите присутни за интересот и учеството! 🐝

19/05/2026

🚨 ООЦК Радовиш денес изврши поделба на заштитни маски на граѓаните на Општина Радовиш, со цел заштита на здравјето на населението поради состојбата со пожарот на градската депонија.

Воедно, апелираме до сите граѓани совесно и одговорно да ги почитуваат препораките и насоките издадени од Општина Радовиш и надлежните институции.

⚠️ Особено важно: • Да се избегнува непотребен престој на отворено
• Да се држат затворени прозорците и вратите
• Да се користат заштитни маски
• Да се избегнуваат активности на отворено
• Да се заштитат децата, постарите лица и хронично болните

📍Ги информираме сите граѓани на Општина Радовиш дека доколку имаат потреба од заштитни маски, истите можат бесплатно да ги подигнат од ООЦК Радовиш.

Ги повикуваме сите граѓани на смиреност, одговорност и меѓусебна солидарност. Заеднички да придонесеме за заштита на здравјето и безбедноста на сите жители на Општина Радовиш. 🙏

18/05/2026

Регионален натпревар по прва помош 🚑

На ден 17.05.2026 во Кисела Вода се одржа Регионалниот натпревар по прва помош, каде нашата екипа со огромна посветеност, тимска работа и знаење освои 10-то место. ❤️

Горди сме на секој член од тимот за вложениот труд, покажаната хуманост и желбата постојано да се учи и напредува. Секое искуство е нов чекор кон подобри вештини, поголема самодоверба и уште посилна мотивација за понатаму.

Им честитаме и на сите останати општински организации и екипи за учеството, трудот и прекрасната атмосфера исполнета со дружење, поддршка и хуманост. 👏

Продолжуваме понатаму со уште поголема желба, мотивација и љубов кон првата помош! 🚑✨