23/08/2025
🍯 Вчера започна манифестацијата „МЕДЕН РАДОВИШ 2025“ традиционална манифестација која се организира и одржува по четврти пат на која пријавените излагачите се дел од регионалните туристички промотивни денови во градот Радовиш на локација-централно градско подрачје на Плоштадот Св. Спасо Радовишки.
Манифестацијата беше предвидена пред деновите каде се одбележува чествувањето на патронот и заштитник на градот - Св.Спасо Радовишки. Покрај изложувачите на здрави еколошки производи, производители на мед и производи од мед, производители на други земјоделски производи, производители на локална храна и специјалитети и НВО што работаат во областа на туризмот на плоштадот младите уметници од Младите ликовни уметници од ДЛУР Рада од Радовиш имаа „ликовна колонија“ на тема „Вредна пчелка“, а исто така и беа изложени ликовните дела изработени од претходната манифестација. Настанот имаше за чест да го отвори Градоначалникот на Општина Радовиш г-дин Ацо Ристов.
Покровител на манифестацијата е Министерството за земјоделство шумарство и водостопанство, со поддршка на Општините Радовиш и Конче, Рудникот Бучим и Боров дол. Настанот исто така беше збогатен со настапот на Фолклорните уметнички друштва КУД „Конче“ од Конче, ФК „Бучим“ од Радовиш, ФА Злевски Бисери од Злеово и ДВГ „Приказни Гласчета“ од Република Бугарија.
Посетителите имаа можност да вкусат и да погледнат изложени производи од 21 изложувачи од Радовиш, Конче, и гостите од другите градови на Република Македонија и тоа:
- Домашни природни сокови и оцет, Маџун, Рачели.
- Бело Сирење, Биено Сирење, Кашкавал и Пекорино.
- Слатки
- Макаронси
- Интегрални Колачиња и Слатко од Кандирани Сливи.
-Пчелни производи: Мед, Полен, Прополис, Апи козметика, Креми, Сапуни и свеќи со природен пчелин восок и мед.
-Традиционални македонски домашни специјалитети, к'цана сол, лешници, бадеми, различни природни еко слатка и компоти.
-Квалитетно сушено еко овошје и зеленчук,
-Природни чаеви и домашни зачини.
-Туристички промотивни книги, флаери, и прекрасни рачни изработени филиграни
-Традиционалното грнчарство и нашите познати грнчарски производи.
Благодарност до сите учесници и помагатели на оваа Манофестација.
⏰Програмата и изложувањето продолжува и денеска - Сабота 23.08.2025 година, во попладневните часови, почеток 16.00.
⏰Сабота 23.08.2025 год.
