Црвен крст на Република Северна Македонија- Општинска организација Куманово

  • Home
  • Macedonia
  • Kumanovo
  • Црвен крст на Република Северна Македонија- Општинска организација Куманово
Call Directions Website Contact the organization

Црвен крст на Република Северна Македонија- Општинска организација Куманово •Хуманост
•Непристрасност
•Неутралност
•Независност
• Доброволна служба
• Единство
• Универзалност Весник бр.41/94).

Црвениот крст на Македонија е формиран на 17 март 1945 година; Црвениот крст на Република Македонија е признат како национално друштво на Црвен крст од Меѓународниот комитет на Црвениот крст на 01.11.1995 а на 27 ноември 1995 година станува полноправен член на Меѓународната федерација на националните друштва на Црвениот крст и Црвената полумесечина, како 169 членка на Меѓународното движење. Како битни услови за признавање на националното друштво Црвен крст на Република Македонија се:

1. Прифаќање на Женевските конвенции од 12 август 1949 и Дополнителни протоколи од 1977 Владата на Република Македонија на 25 август 1993 година ги ратификува наведените документи;
2. Собранието на Република Македонија на 26 јули 1994 година го донесе Законот за Црвениот крст на Република Македонија.
Црвениот крст на Република Македонија е единствена организација на територијата на Република Македонија, која ја сочинуваат организациите на Црвениот крст на општините и градот Скопје. Црвениот крст на РМ не претставува здружение на граѓани, но е доброволна, масовна, самостојна, невладина, непартиска и независна хуманитарна организација на граѓаните на Република Македонија. Положбата и задачите на Црвениот крст, употребата и заштитата на амблемот и името на Црвениот крст, како и начинот на финансирање на задачите на Црвениот крст се уредени во посебен закон Закон за Црвениот крст на Република Македонија (Сл. Со Статутот на Црвениот крст на РМ поблиску се уредени поставеноста и структурата на Организацијата како и основните цели и задачи и истиот е во согласност со Статутот на Меѓународната федерација на Црвен крст и Црвена полумесечина.

ВИЗИЈА НА ЦРВЕНИОТ КРСТ НА РМ

Нашето работење втемелено врз универзалните принципи, има моќ да го унапреди светот во кој живееме преку промовирање на мир и толеранција, ефикасна превенција, навремен одговор и соодветна поддршка за ранливото население.

МИСИЈА НА ЦРВЕНИОТ КРСТ НА РМ
“ Да го спречи и ублажи човековото страдање каде да е, да го заштити животот и здравјето, да обезбеди почит и достоинство за човековото битие, особено во време на вооружени конфликти, несреќи и катастрофи, да работи на превенција на болестите и унапредување на здравствената и социјалната добросостојба на луѓето, да поттикне доброволно ангажирање и постојана подготвеност за давање помош како и универзално чувство за солидарност и хуманост.

”ЦРВЕНИОТ КРСТ НА РЕПУБЛИКА МАКЕДОНИЈА Е ХУМАНИТАРНА, ВОЛОНТЕРСКА ОРГАНИЗАЦИЈА КОЈА ДЕЛУВА СОГЛАСНО ОСНОВНИТЕ ПРИНЦИПИ НА МЕЃУНАРОДНОТО ДВИЖЕЊЕ НА ЦРВЕНИОТ КРСТ И ЦРВЕНАТА ПОЛУМЕСЕЧИНА, РАБОТЕЈЌИ НА ПЛАНОТ НА ОБЕЗБЕДУВАЊЕ ПОМОШ И УСЛУГИ НА РАНЛИВОТО НАСЕЛЕНИЕ И ПРОМОВИРАЊЕ НА МЕЃУНАРОДНОТО ХУМАНИТАРНО ПРАВО И ХУМАНИ ВРЕДНОСТИ.”

Солидарноста и хуманоста на дело :      Членовите на навивачката група „Кумани“ уште еднаш ја покажаа својата хумана стр...
30/10/2026

Солидарноста и хуманоста на дело : Членовите на навивачката група „Кумани“ уште еднаш ја покажаа својата хумана страна! 💪

​🩸 Денеска, во просториите на Боксерската сала во склоп на Спортската сала во Куманово, во периодот од 11:00 до 16:00 часот, се одржа хуманитарна крводарителска акција во организација на Црвениот крст – Општинска организација Куманово, Институтот за трансфузиона медицина и навивачката група „Кумани“.

​💪 На акцијата својата хуманост ја покажаа голем број хумани граѓани и членови на навивачката група, при што беа собрани вкупно 30 единици крв.

​🔴 Навивачката група „Кумани“ повторно покажа дека нивната верност и љубов кон Куманово не се гледаат само на спортските трибини, туку и преку хуманитарни дела. Со оваа акција, тие уште еднаш потврдија дека навивачкиот дух носи со себе огромна енергија за добра волја, солидарност и заедништво 🤝. Нивниот одзив и организираност испратија силна порака — дека да се биде дел од трибината значи и да се биде поддршка за оние на кои им е најпотребно 🌟.

Црвениот крст на Република Северна Македонија – Општинска организација Куманово, во периодот од 16 до 22 октомври 2026 г...
30/10/2026

Црвениот крст на Република Северна Македонија – Општинска организација Куманово, во периодот од 16 до 22 октомври 2026 година, по повод Неделата на борба против гладта, под мотото „Помислете и на нас“ ❤️, спроведе хуманитарна кампања за поддршка на најранливите категории граѓани.

🛒 Во рамките на кампањата, во ТЦ „Сума“ – Куманово беше поставен штанд за собирање прехранбени производи. Собирни акции беа организирани и во ООУ „Бајрам Шабани“ и ООУ „Христијан Карпош“, на кои им благодариме за покажаната хуманост и поддршка.

👧🧒 Во хуманитарната кампања се вклучи и детската градинка „Ангел Шајче“ – објект „Бубамара“, каде што децата и родителите донираа прехранбени производи за поддршка на семејствата во социјален ризик.

🍞 Поддршка на кампањата даде и општествено одговорната компанија „Жито Лукс“ АД – Скопје, со донација од вкупно 500 свежи лебови, чија дистрибуција ја реализираа волонтерите и вработените на ООЦК Куманово.

Од собраните прехранбени производи беа подготвени и доделени вкупно 60 хуманитарни пакети на најзагрозените семејства од општините Куманово, Липково и Старо Нагоричане. Во реализацијата на активноста беа вклучени 12 волонтери на Црвениот крст. 🤝

❤️ ООЦК Куманово упатува искрена благодарност до сите донатори, компании, училишта, детската градинка, родителите, децата, учениците, вработените и волонтерите за нивниот придонес и солидарност во реализацијата на кампањата.

Заедно покажуваме дека хуманоста нема граници! ❤️🤝

❤️ ХУМАНОСТА ЗАПОЧНУВА СО ГРИЖА, А СОЛИДАРНОСТА СЕ ПОТВРДУВА СО ДЕЛА!По повод Неделата на борба против гладта и одбележу...
22/10/2026

❤️ ХУМАНОСТА ЗАПОЧНУВА СО ГРИЖА, А СОЛИДАРНОСТА СЕ ПОТВРДУВА СО ДЕЛА!

По повод Неделата на борба против гладта и одбележувањето на „Денот на лебот“, Црвениот крст на РСМ – ОО Куманово, со поддршка од општествено одговорната компанија „Жито Лукс“ АД – Скопје, реализираше хуманитарна активност за поддршка на ранливите категории граѓани.

❤️ Со донација од вкупно 500 свежи лебови, односно по 100 леба дневно, беше обезбедена помош за лица во социјален ризик. Дистрибуцијата ја реализираа волонтерите и вработените на ООЦК Куманово.

🤝 Искрена благодарност до „Жито Лукс“ за донацијата и покажаната општествена одговорност.

Заедно градиме посолидарна заедница! ❤️

🛑 Oдбележување на Европскиот ден на борба против трговија со луѓе 🫂📅 На 19.10.2026 година, во просториите на Црвениот кр...
19/10/2026

🛑 Oдбележување на Европскиот ден на борба против трговија со луѓе 🫂

📅 На 19.10.2026 година, во просториите на Црвениот крст – Општинска организација Куманово ❤️, по повод 18 Октомври – Европскиот ден за борба против трговијата со луѓе 🌍, се одржа информативно-едукативна работилница на тема „Борба против трговијата со луѓе“ 🚫👥.

🎯 Активноста беше наменета за млади од основните и средните училишта 🎒📚 и волонтери на ООЦК Куманово ❤️🤝, со цел подигнување на свеста за ризиците од трговијата со луѓе ⚠️, начините на регрутирање и експлоатација, како и препознавање на опасностите при комуникација со непознати лица, особено преку социјалните мрежи 📱🔒.

🎬 Во рамки на работилницата беше проследен и филмот „Трговија“, преку кој учесниците имаа можност подетално да се запознаат со проблематиката на трговијата со луѓе и последиците од оваа појава. 🧠💬

❤️ Со ваквите активности, Црвениот крст на Република Северна Македонија – Општинска организација Куманово продолжува да придонесува кон информирање, едукација и заштита на младите од трговијата со луѓе. 🛡️🌍

🤝 Заедно за побезбедна иднина! ❤️

#ЦрвенКрст #ООЦККуманово #БорбаПротивТрговијаСоЛуѓе #Едукација #ЗаштитаНаМладите #БезбедностНаИнтернет ❤️🛡️

🩺 Одбележување на Неделата на борба против шеќерна болест ❤️ Црвениот крст на Република Северна Македонија – Општинска о...
19/10/2026

🩺 Одбележување на Неделата на борба против шеќерна болест
❤️ Црвениот крст на Република Северна Македонија – Општинска организација Куманово, во периодот од 10 до 16 октомври 2026 година, ја одбележува Неделата на борба против шеќерна болест под мотото „Здрави животни навики во превенција на дијабетес“.
📅 На 14 октомври 2026 година, во просториите на Црвениот крст – Куманово, се одржаа едукативни предавања за шеќерната болест (Diabetes mellitus), на кои присуствуваа 40 лица на возраст од 40 до 60 години.
👩‍⚕️ Присутните се запознаа со видовите дијабетес, симптомите и знаците на болеста, како и со значењето на правилната исхрана, редовната физичка активност и здравите животни навики во превенцијата и контролата на дијабетесот. По предавањата беше извршено и мерење на нивото на шеќер во крвта, со споделување соодветни совети и препораки.
🩸 Дополнително, пред зградата на Црвениот крст – Куманово, волонтерите на 50 граѓани им го измерија крвниот притисок и нивото на шеќер во крвта, со цел подигнување на свеста за важноста на редовните здравствени контроли.
🤝 Со овие активности, продолжуваме да ја унапредуваме здравствената едукација и да поттикнуваме здрави животни навики, затоа што превенцијата е најдобрата грижа за здравјето!
#ЦрвенКрстКуманово #Превенција #Дијабетес #ЗдравиЖивотниНавики #ГрижаЗаЗдравјето

🎨 Спој на генерации- Уметност дружење и хуманост ❤️🤝📅 На ден 17.10.2026 година, волонтери на Црвен крст Куманово ❤️ се п...
19/10/2026

🎨 Спој на генерации- Уметност дружење и хуманост ❤️🤝

📅 На ден 17.10.2026 година, волонтери на Црвен крст Куманово ❤️ се приклучија на настанот „Спој на генерации“, кој се одржа во Домот за стари лица „Зафир Сајто“ во Куманово. 🏡👵👴

🎶🎨 Преку уметност, музика, дружење и заеднички активности, децата од кумановските училишта, како и волонтерите, им приредија убави моменти на корисниците на Домот, создавајќи атмосфера исполнета со насмевки 😊, внимание 💕 и меѓугенерациска солидарност. 🫂🌷

🖼️❤️ Дел од уметничките творби ќе бидат изложени и понудени на хуманитарно наддавање, со цел да се поддржат хуманите вредности и да се поттикне општествената одговорност. 🤲💝

🤝 Со вклучувањето на своите волонтери, Црвен крст Куманово ја потврдува својата посветеност на промовирањето на хуманоста, солидарноста и поврзувањето на генерациите. ❤️🌍

💞 Заедно создаваме општество во кое вниманието, почитта и хуманоста немаат возраст! 👧👦👵👴❤️

#ЦрвенКрстКуманово #СпојНаГенерации #Хуманост #Солидарност #МеѓугенерацискаПоврзаност #Волонтерство #ЗаедноЗаПодоброОпштество ❤️🤝🌷

❤️ СОЛИДАРНОСТА ЗАПОЧНУВА УШТЕ ОД ДЕТСТВОТО! ❤️По повод Детската недела, детската градинка „Ангел Шајче“ – објект „Бубам...
14/10/2026

❤️ СОЛИДАРНОСТА ЗАПОЧНУВА УШТЕ ОД ДЕТСТВОТО! ❤️
По повод Детската недела, детската градинка „Ангел Шајче“ – објект „Бубамара“, во соработка со Општинската организација Куманово, реализираше хуманитарна активност со цел да им се помогне на лицата и семејствата на кои им е потребна поддршка. 🤝
Во рамките на оваа активност, родителите и децата се вклучија во една убава хуманитарна иницијатива, донирајќи прехранбени производи донесени од дома. 🥫🍚
Оваа активност обедини две важни цели: одбележувањето на Детската недела и Неделата на гладта, испраќајќи силна порака за хуманост, солидарност и грижа за другите.
Собраните прехранбени производи ќе бидат распределени преку Црвениот крст на Куманово до оние на кои им е најпотребна помош. ❤️
Преку ваквите иницијативи, децата учат дека споделувањето со другите е еден од најубавите човечки гестови и дека и најмалиот придонес може да направи голема промена. 🌍💕
🙏 Им благодариме на сите родители за соработката, посветеноста и подготвеноста да придонесат во оваа хуманитарна активност, како и на детската градинка „Ангел Шајче“ – објект „Бубамара“ за меѓусебната соработка.
Заедно воспитуваме генерации со големи срца! ❤️
#АнгелШајче #Бубамара #ЦрвенКрстКуманово #ДетскаНедела #НеделаНаГладта #Хуманост #Солидарност #ЗаедноЗаОниеНаКоиИмЕПотребнаПомош

❤️ SOLIDARITETI FILLON QË NË FËMIJËRI! ❤️
Me rastin e Javës së Fëmijëve, kopshti për fëmijë “Angel Shajce” – objekti “Bubamara”, në bashkëpunim me Kryqin e Kuq të Kumanovës, realizoi një aktivitet humanitar me qëllim mbështetjen e personave dhe familjeve në nevojë. 🤝
Në kuadër të këtij aktiviteti, prindërit dhe fëmijët u bënë pjesë e një nisme të bukur humanitare, duke kontribuar me produkte ushqimore të sjellura nga shtëpia. 🥫🍚
Ky aktivitet bashkoi dy qëllime të rëndësishme: shënimin e Javës së Fëmijëve dhe Javës së Urisë, duke përcjellë një mesazh të fuqishëm të humanizmit, solidaritetit dhe kujdesit ndaj njëri-tjetrit.
Produktet ushqimore të grumbulluara do të shpërndahen përmes Kryqit të Kuq të Kumanovës tek ata që kanë më shumë nevojë për ndihmë. ❤️
Përmes nismave të tilla, fëmijët mësojnë se të ndash me të tjerët është një nga gjestet më të bukura njerëzore dhe se edhe kontributi më i vogël mund të sjellë një ndryshim të madh. 🌍💕
🙏 Falënderojmë të gjithë prindërit për bashkëpunimin, përkushtimin dhe gatishmërinë për të kontribuar në këtë aktivitet humanitar, si dhe kopshtin për fëmijë “Angel Shajce” – objekti “Bubamara” për bashkëpunimin e ndërsjellë.
Së bashku edukojmë breza me zemër të madhe! ❤️

Работилница за ментално здравје На 13.10.2026 година, во ООУ „Светозар Марковиќ“, по повод 10 Октомври – Светскиот ден н...
14/10/2026

Работилница за ментално здравје

На 13.10.2026 година, во ООУ „Светозар Марковиќ“, по повод 10 Октомври – Светскиот ден на менталното здравје, нашата долгогодишна волонтерка и општ врснички едукатор Теодора Николовска одржа врсничка едукација и работилница на тема „Ментално здравје“, во која учествуваа 22 ученици.

Преку едукативни активности и дискусија, учениците беа поттикнати да размислуваат за важноста на грижата за себе, самопочитта и самозаштитата. Посебен акцент беше ставен на значењето на менталното здравје уште од најрана возраст, како важен предуслов за правилен раст, развој и благосостојба на младите.

Со ваквите активности, Црвениот крст Куманово продолжува да ја подигнува свеста за менталното здравје и да ги охрабрува младите отворено да разговараат за своите чувства и потреби.

💚 „МОЈОТ ПРИДОНЕС Е ВАЖЕН“ 💚📅 На 9 октомври 2026 година, во просториите на Црвениот крст – Општинска организација Кумано...
09/10/2026

💚 „МОЈОТ ПРИДОНЕС Е ВАЖЕН“ 💚

📅 На 9 октомври 2026 година, во просториите на Црвениот крст – Општинска организација Куманово од страна на психологот и психотерапевт Емилија Стојковски,, се одржа работилницата „Мојот придонес е важен“, наменета за вработените, по повод 10 Октомври – Светскиот ден на менталното здравје. 🧠💚

🤝 Преку интерактивни активности и индивидуална рефлексија, вработените имаа можност да ги препознаат своите силни страни, успеси и придонес во работната средина. 🌟 Посебен акцент беше ставен на меѓусебната поддршка, позитивното признание и грижата за менталното здравје и психо-социјалната добросостојба. 💚🫂

🌱 Работилницата ја истакна важноста на секој вработен и неговиот придонес во тимот, како и потребата од создавање позитивна и поддржувачка работна средина. 🏢✨

💚 Главна порака: Секој вработен има своја вредност, секој придонес е важен, а грижата за менталното здравје започнува и со вреднување на сопствениот труд. 🌈🧠

❤️ Да се поддржуваме, да се охрабруваме и да се грижиме едни за други, затоа што менталното здравје е важно! 🤗💚

#ЦрвенКрстКуманово #МојотПридонесЕВажен #МенталноЗдравје #10Октомври #СветскиДенНаМенталнотоЗдравје #ЗаедноСмеПосилни ❤️🤝

🩸 Крводарителска акција во ОСТУ „Наце Буѓони“ – Куманово ❤️📅 На ден 08.10.2026 во периодот од 13:00 до 17:00 часот ⏰, во...
09/10/2026

🩸 Крводарителска акција во ОСТУ „Наце Буѓони“ – Куманово ❤️

📅 На ден 08.10.2026 во периодот од 13:00 до 17:00 часот ⏰, во просториите на ОСТУ „Наце Буѓони“ – Куманово 🏫, се одржа крводарителска акција организирана од Црвен крст на Република Северна Македонија – Општинска организација Куманово 🤝, во соработка со Институтот за трансфузиона медицина 🩸.

На акцијата својата хуманост ја покажаа 23 крводарители ❤️🩸, кои даруваа крв и со тоа дадоа свој придонес во обезбедувањето на потребните количества крв за оние на кои им е најпотребна. 🙏

🌟 Голема благодарност до сите крводарители кои ја покажаа својата хуманост ❤️, како и до сите кои придонесоа оваа акција да биде успешно реализирана. 🤝👏

🩸❤️ Дарувај крв – подари живот! ❤️🩸

Address

11 Oktomvri 4
Kumanovo
1300

Alerts

Be the first to know and let us send you an email when Црвен крст на Република Северна Македонија- Општинска организација Куманово posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Црвен крст на Република Северна Македонија- Општинска организација Куманово:

Shortcuts

Share