Sorvisc ai Jogn Val Badia

SORVISC AI JOGN VAL BADIA
Le Sorvisc ai Jogn Val Badia é na istituziun por le sostëgn sussidiar ales porsones, ai grups, ales uniuns, ales assoziaziuns y istituziuns. Le Sorvisc ai Jogn se dá jö con le laur por y con i mituns y les mitans, i jogn y les jones de nosta valada. Dlungia chësc vëgnel ince adoré sciöche rapresentanza di interesc dla sozieté y dla politica, sciöche ince por interlocutur

por les ghiranzes di mituns y di jogn. Nüsc compic
● Conzepí y coordiné proiec o plü avisa programms por mituns y jogn;
● Sovenzioné, acompagné y sostigní i volontars y multiplicadus dl laur cun i jogn fora por i paisc te vigni comun;
● sostegní y daidé impara tla creaziun de grups di mituns y grups di jogn nüs
● organisé na sentada por organisé y coordiné na rëi che reverda le laur cun i jogn.
● daidé y ccordiné i proiec y les manifestaziuns spezifiches che reverda i mituns y i jogn;
● se dé da fá por n laur de publizité spezifich por i mituns y i jogn;
● dé consëis pro domandes burocratiches y iuridiches che reverda le laur cun i jogn;
● ester de sorvisc sciöche mediadú por problems desvalis che reverda le laur cun i jogn;
● mëte a desposiziun de vigni sort de material informatif y de vigni sort de injins. Raiun de laur
Dl Raiun de laur dl Sorvisc ai Jogn Val Badia fej pert i cin' comuns dla Val Badia sciöche ince les ploanies. Te cösc raiun ciara le Sorvisc ai Jogn da ti ji adincuntra ai debojëns y dejidëri dla jonëza con l'aüt de trëc volontars. Strotöra y organisaziun
L'organisaziun Sorvisc ai Jogn Val Badia manajëia cun le medemo inom l'isituziun por n sostëgn sussidiar por le laur cun i jogn tla Val Badia. La forma iuridica é na organisaziun reconesciüda, che é portada ite tl register provinzial dles organisaziuns volontaries. L’organisaziun de rapresentanza é gnüda metüda sö l’ann1985 sot al inom “Sorvisc ai Jogn Val Badia” . Statuc
Chisc statuc y regolamënc regolëia l’organisaziun y les competënzes di organns desvalis y di gremi tl organisaziun:

Finanzes
I mesi de finanziamënt por les spëises corëntes dl istituziun "Sorvisc ai Jogn Val Badia" vëgn portá inant por le 50% dal Ofize por le laur por y cun la jonëza dla Provinzia Autonoma da Balsan, por le 35% dai cin' Comuns y por le 15% dales ploanies dl Decanat dla Val Badia. La soma che resta vëgn trata ite da sponsors, spenöres y manifestaziuns organisades da nos instësc. I cosć por le personal y di colaboradus (colaboradus tl laur cun i jogn, che é ingajá esplizitamënter por le acompagnamënt de jënt jona ti locai di jogn di comuns desvalis, vëgn paiá por na pert dai Comuns interesciá y por na pert dal Ofize por y cun i jogn.