Shkolla"Migjeni"Fano-Itali

05/04/2026

Këtë të shtunë në shkollën “Migjeni” ndryshe nga ditët e tjera mësimore, mësimi i gjuhës shqipe u zhvillua nëpërmjet projektit ”Të gatuajmë biskota së bashku”.

Një orë mësimi e planifikuar dhe e organizuar me mbështetjen e shoqatës “Ilirianët”.

Një ditë mësimi plot entuziazëm, kureshtje për nxënësit e shkollës të cilët të udhëhequr dhe drejtuar nga mësueset dhe anëtaret e shoqatës zbatuan me kënaqësi këtë aktivitet sa argëtues dhe edukativ në përvetësimin e njohurive të reja gjuhësore.
Ishte kënaqësi të dëgjoje nxënësit tek shkëmbenin me njëri-tjetrin fjalët e gjuhës shqipe: miell, më jep format e kalorësit, formën e zemrës, formën e kërpudhës, nuk po di me e hap me petës, më ngjitet brumi…
Këto biskota që nxënësit i përgatitën nuk ishte thjesht përgatitje dhe aq, por një mjet i fuqishëm për të qëndruar bashkë, një udhëtim i bukur drejt dijes, ndjenjave, emocioneve tek shijoje në fund biskotat e pjekura që i shijuam të gjithë së bashku dhe më e rëndësishmja
duke i shtuar vlera dhe cilësi shpirtërore që shpresojmë do të na shoqërojnë dhe bashkojnë.
Puna dhe përkushtimi i mësueseve bënë që grupit tonë t’i bashkohen edhe tre nxënës të rinj: Micael, Leandra,Reida.
Çdo orë mësimi është një urë lidhëse drejt ruajtjes së gjuhës shqipe, forcimit të identitetit tonë.

25/03/2026

Nxënësit e klasës së parë që frekuentojnë rregullisht Shkollën Migjeni,në përvjetorin e tretë të shkollës shpalosën aftësitë e të shprehurit duke recituar vjershat në gjuhën e bukur Shqiptare,mësuese Rovena dhe Marsela janë shume krenare për ju ❤️👏

23/03/2026

Gëzuar ditëlindjen i dashur Rubin,nxënës i shkëlqyer i Shkollës Migjeni që me shumë vlerësim dhe dashuri reciton vjershën për mësueset!

22/03/2026

Të shtunën në shkollën “Migjeni” u festua me një program artistik të përgatitur nga mësueset e shkollës 3 vjetori i krijimit të kësaj shkolle nën moderimin e nx.Realda Vela.

Në këtë festë ishin të pranishëm prindër, kyetarja e shoqatës “Ilirianët” Irma Arapi me stafin e saj të cilët mbështesin në çdo projekt mësueset e shkollës, ish kryetarja e Lidhjes së Mësuesve në Itali znj.Ariana Kosova e cila bashkë me mësues Mark Ferecka dëshmuan më së miri rëndësinë që ka mësimi dhe e folura e gjuhës shqipe në tokë të huaj.

Nxënësit edhe pse të lindur e të rritur në vend të huaj sollën me zërat e tyre plot emocion vjershat e rilindasve tanë duke treguar më së miri për dëshirën që kanë për t’u njohur dhe afruar me vendin e tyre.

Vjershat, këngët dhe vallet në shqip treguan se
gjuha shqipe nuk do të vdesë, madje ajo do të vazhdojë të flitet për sa kohë që këto prindër do të sjellin në shkollë fëmijët e tyre.

Në fund të pranishmit shikuan videon që Agim Vela ka përgatitur për punën që këto mësuese dhe shoqata “Ilirianët” kanë zhvilluar për këto 3vite.

Është në dorën tuaj prindër që të sillni fëmijët në shkollën “Migjeni” që të mbajmë gjallë gjuhën dhe kulturën shqipe.

16/03/2026

Festojmë së bashku! 🇦🇱📚

Me shumë kënaqësi ju ftojmë të festojmë 3-vjetorin e shkollës shqipe “Migjeni” në Fano.

21 mars
Ora 16:00

Një pasdite plot kulturë, gjuhë shqipe dhe emocione me fëmijët tanë.
Ju presim me shumë dashuri të festojmë së bashku! 🇦🇱📚

14/03/2026

Sot në shkollën “Migjeni’ u festua
Dita e Verës .
Dita e Verës është një festë me origjinë të lashtë. Festimet kryhen në nderim të natyrës së bukur shqiptare dhe bimësisë që merr jetë në këtë datë. Kjo datë ndryshon në qytete të ndryshme në Shqipëri nga ajo që është zyrtarizuar në kalendar, ELBASANI e feston më 14 mars, në SHKODËR festohet më 21 mars që simbolizon ditën e verës, ndoshta kjo vonesë vjen për shkak të klimës paksa më të ftohtë krahasuar me Shqipërinë e Mesme dhe atë të Jugut.
Në fund nxënësit të ndihmuar nga mësueset dhe prindërit përgatiten veroret për t’i mbajtur në duar, për të kujtuar dhe festuar këtë ditë edhe pse jemi larg Shqipërisë!
Të dashur prindër është në dorën tuaj që fëmijët të mësojnë gjuhën,historinë dhe kulturën shqiptare.
Mjafton që të sillni fëmijët çdo të shtunë nga ora 16:00-18:00 Sala Cubo /Fano
Ju mirë presim!

10/03/2026

Përmirësohemi, dhe e ndiejmë veten çdo ditë e më të sigurt.
Puna vazhdon, puna na nderon, si ne mësuesit , ashtu edhe fëmijët që frekuentojnë me stabilitet shkollën tonë! Përgëzoj gjithë nxënësit që përkushtohen , dhe e bëjnë me dëshirë mësimin e gjuhës Shqipe! ♥️🔝

08/03/2026

Gëzuar 7 -8 Marsin nga thellësia e zemrës e të gjithë nxënësve dhe mësuesve të
shkollës “Migjeni”!

07/03/2026

07/03/2026

Mësuesi është pishtari që ndriçon rrugën e “DIJES”! Mësuesi është figura së cilës prindi i beson gjënë më të shtrenjtë që ai ka : “Fëmijën”. I’a beson që t’a transformojë në një objekt që mendon dhe vepron me anë të arsyetimit.
Mësuesi është hallka kryesore e transformimit të trurit, që jo vetëm të mëson ABC-në ,por edhe si të bëhesh njeri në shërbim të kolektivitetit!
Mësues i mirë është ai që të mëson me zemër e me përkushtim!
Gëtuar festën e 7- marsit figurës më
Sublime të kësaj shoqërie : “MËSUESIT”!

14/02/2026

Sot nxënësit e klasës së parë ishin shumë entuziastë.
Vijnë me dëshirë, dhe mezi presin orën e dytë ku zhvillohen aktivitete dhe lojëra interesante.
Sh si shqip, Sh si Shqipëri,
SH si shkolla
Sh si Shën Valentini,
Sh si shkurti( muaji më i shkurtër i vitit)
Sh si shtatë , Sh si shok, e shumë e shumë fjalë me sh . Mësuesja kishte përgatitur edhe një poezi me shumë dashuri.”Shtatë si ngjyrat e ylberit”
Punojmë , luajmë e dëfrehemi së bashku
Vijmë çdo të shtunë në shkollë me shumë “DASHURI”!