16/06/2026
ആർച്ച് ബിഷപ്പ് ഡോ. ജോസഫ് കേളന്തറ മെമ്മോറിയൽ ലഹരി വിരുദ്ധ ഫുട്ബോൾ ടൂർണമെൻ്റിൽ കെ.സി.വൈ.എം ഓച്ചന്തുരുത്തിന് വിജയകിരീടം
കെ.സി.വൈ.എം വരാപ്പുഴ അതിരൂപതയുടെ നേതൃത്വത്തിൽ ആർച്ച് ബിഷപ്പ് ഡോ. ജോസഫ് കേളന്തറ പിതാവിന്റെ അനുസ്മരണാർത്ഥം, ലഹരി വിരുദ്ധ ക്യാംപെയിന്റെ ഭാഗമായി, സെന്റ് ആൽബർട്ട്സ് കോളേജ് ഫിസിക്കൽ എജ്യുക്കേഷൻ വിഭാഗത്തിന്റെ സഹകരണത്തോടെ സംഘടിപ്പിച്ച ഫുട്ബോൾ ടൂർണമെന്റ് 2026-ന്റെ സമാപന സമ്മേളനം വരാപ്പുഴ അതിരൂപത ചാൻസലർ ഫാ. എബിജിൻ അറക്കൽ ഉദ്ഘാടനം ചെയ്തു. സെന്റ് ആൽബർട്ട്സ് കോളേജ് ഫിസിക്കൽ എജ്യുക്കേഷൻ വിഭാഗം HOD ആന്റി ടി. ജെ. മുഖ്യപ്രഭാഷണം നടത്തി. കെ.സി.വൈ.എം വരാപ്പുഴ അതിരൂപത പ്രസിഡന്റ് രാജീവ് പാട്രിക് അധ്യക്ഷത വഹിച്ചു. ടൂർണമെന്റിൽ *നിത്യസഹായ മാതാ ദൈവാലയം, ഓച്ചന്തുരുത്ത് വിജയകിരീടം ചൂടി. കെ.സി.വൈ.എം സെൻ്റ് ജോസഫ് ദൈവാലയം, വടക്കേക്കോട്ട രണ്ടാം സ്ഥാനവും കെ.സി.വൈ.എം സെൻ്റ് സെബാസ്റ്റ്യൻ ദൈവാലയം, ഗാന്ധിനഗർ മൂന്നാം സ്ഥാനവും കരസ്ഥമാക്കി. ടൂർണമെന്റിലെ മികച്ച താരമായി സെന്റ് ജോസഫ് ദൈവാലയം, വടക്കേക്കോട്ടയിലെ ജോസഫ് കാർലോയും മികച്ച ഗോൾകീപ്പറായി നിത്യസഹായ മാതാ ദൈവാലയം, ഓച്ചന്തുരുത്ത് യൂണിറ്റിലെ ഈഷാൻ ജോസഫും തിരഞ്ഞെടുക്കപ്പെട്ടു. കെ.സി.വൈ.എം വരാപ്പുഴ അതിരൂപത ജനറൽ സെക്രട്ടറി റോസ് മേരി കെ. ജെ., സ്പോർട്സ് ഫോറം കൺവീനർ അമൽ ജോർജ്, സെക്രട്ടറി അരുണ് സെബാസ്റ്റ്യൻ, ട്രഷറർ ജോയ്സൺ പി. ജെ., ഐ.സി.വൈ.എം മുൻ പ്രസിഡന്റ് അഡ്വ. ആന്റണി ജൂഡി, എക്സിക്യൂട്ടീവ് അംഗങ്ങളായ വിനോജ് വർഗീസ്, അരുണ് വിജയ് എസ്., ലെറ്റി എസ്. വി., അമല റോസ് കെ. ജെ., ഡെന്നിസ് ജോർജ്, മാനുവൽ ബെന്നി, അഡ്വ. അധീന നിക്സൺ, വരാപ്പുഴ അതിരൂപത യൂത്ത് കോർഡിനേറ്റർ അലീന ജോർജ്, വിവിധ യൂണിറ്റ് ഭാരവാഹികൾ എന്നിവർ സന്നിഹിതരായിരുന്നു.
കെ.സി.വൈ.എം
വരാപ്പുഴ അതിരൂപത
❤️🤍💛
