https://www.facebook.com/106591845796115/

Ediga's community Hosur, Hosur, Hosur (2026)

01/08/2023

07/06/2023

శ్రీగణేశాయ నమః ।
శ్రీరేణుకాయై నమః ।
భైరవీ ఉవాచ
దేవ దేవ మహేశాన మహాదేవ దయానిధే ।
యత్త్వయా పఠ్యతే నాథ రేణుకాస్తోత్రముత్తమమ్ ॥
హ్రీం రేణుకాయై విద్మహే రామమాత్రే చ ధీమహి । తన్నో గౌరీ ప్రచోదయాత్ ॥
ఇతి శ్రీరేణుకాగాయత్రీమన్త్రః ।
తదహం శ్రోతుమిచ్ఛామి సర్వకామసమృద్ధిదమ్ ।
సర్వార్థసాధకం దివ్యం సాధకనాం సుఖావహమ్ ॥
మహాభైరవ ఉవాచ
శృణు దేవి ప్రవక్ష్యామి రేణుకా స్తోత్రముత్తమమ్ ।
యస్య స్మరణమాత్రేణ సర్వాన్ కామానవాప్నుయాత్ ॥
స్తోత్రస్యాస్య ఋషిః సోఽహం ఛన్దోఽనుష్టుప్ప్రకీర్తితమ్ ।
దేవతా తు పరాశక్తిః రేణుకా జగదమ్బికా ॥
న్యాసం జాలం తథా ధ్యానం మూలమన్త్రేణ వై చరేత్ ।
ధ్యానమ్
మధ్యే బద్ధమయూరపిచ్ఛనికరాం శ్యామాం ప్రబాలాధరాం
గుఞ్జాహారధరాం ధనుష్శరకరాం నీలామ్బరామమ్బరామ్ ।
శృఙ్గీవాదనతత్పరాం సునయనాం మూర్ద్ధాలకైర్బర్బరాం
భిల్లీవేషధరాం నమామి శబరీం త్వామేకవీరాం పరామ్ ॥
మానసే యోనిముద్రాం ప్రదర్శ్య /-/-
ఓం హ్రీఙ్కారరూపిణీ దేవీ రేణుకా సుఖదాయినీ ।
క్లీఙ్కారరూపిణీ శ్రద్ధా సిద్ధిసౌభాగ్యదాయినీ ॥
వాగ్భవా కామరూపా చ కామకల్లోలమాలినీ ।
షడ్బీజా చ త్రిబీజా చ నవబీజా న వా నవా ॥
నవభైరవపూజ్యా చ నవమీ నవ వల్లభా ।
నమస్తస్యై నమస్తస్యై రేణుకాయై నమో నమః ॥
చైతన్యరూపిణీ విద్యా నిర్గుణా గుణపారగా ।
నమస్తస్యై నమస్తస్యై రేణుకాయై నమో నమః ॥
ప్రపఞ్చరహితా పృథ్వీ లక్షణాతీతవిగ్రహా ।
నమస్తస్యై నమస్తస్యై రేణుకాయై నమో నమః ॥
యా కామధేనుః సకలార్థదాత్రీ సర్వేశ్వరీ సర్వభయాపహన్త్రీ ।
యా సచ్చిదానన్దకరీ జనానాం సా రేణుకా పాతు నిరన్తరం మామ్ ॥
యా రామమాతా రమణీయరూపా రమాధవాద్యైరభిపూజితాన్ధ్రిః ।
నిత్యోత్సవా నిర్జరవన్దితా చ సా రేణుకా పాతు నిరన్తరం మామ్ ॥
యా కాలరాత్రిః కలికల్మషఘ్నీ కల్యాణశైలామలవాసవాసా ।
యోగేశ్వరారాధితపాదపద్మా సా రేణుకా పాతు నిరన్తరం మామ్ ॥
యా భర్గపత్నీ భవరోగహన్త్రీ భక్తేశ్వరీ భక్తజనాభినన్దినీ ।
భవ్యా భవానీ భవపూజితా యా సా రేణుకా పాతు నిరన్తరం మామ్ ॥
యా ఏకలాఽనేకశరీరధారిణీ దివ్యామ్బరా దివ్యసురత్వపూజితా ।
శివాఽపరా సర్వసుఖైకభూమిదా సా రేణుకా పాతు నిరన్తరం మామ్ ॥
నమస్తే రామమాత్రే తే నమః కల్యాణదాయినీ ।
నమః సకలసఙ్ఘాత్ర్యై రేణుకాయై నమోఽస్తు తే ॥
బ్రహ్మరూపే నమస్తేఽస్తు నమస్తే శివరూపిణీ ।
విష్నురూపే నమస్తేఽస్తు రేణుకాయై నమోఽస్తు తే ॥
సర్వశక్త్యై నమస్తేఽస్తు సర్వవ్యాపిణి సర్వదా ।
సర్వార్థసాధికే నిత్యం రేణుకాయై నమోఽస్తు తే ॥
నమో నమస్తే భైరవ్యై భవభీతినివారిణీ ।
భవాన్యై భక్తవశ్యాయై రేణుకాయై నమోఽస్తు తే ॥
విశ్వాధారే విశ్వమయే విశ్వేశ్వరవిలాసినీ ।
విశ్వమ్భరి విశాలాక్షి రేణుకాయై నమోఽస్తు తే ॥
కమలే కమలావాసే కమలోద్భవపూజితే ।
కామదే కామవరదే రేణుకాయై నమోఽస్తు తే ॥
విశ్వబీజే విరాటాయై విరజామ్బరధారిణి ।
యన్త్రేశ్వరి మహామాయే రేణుకాయై నమోఽస్తు తే ॥
నిఖిలనిగమగీతే శమ్భువామాఙ్కసంస్థే
శరణజనసుతారే తారమన్త్రాదిరూఢే ।
సురవరమునివర్యైః పూజితే పాత్రహస్తే
పరమసుఖసుఖాబ్ధే రేణుకే త్వం ప్రసీద ॥
భైరవ ఉవాచ
రేణుకాస్తోత్రమేతత్తే కథితం భువనేశ్వరి ।
సర్వకామప్రదం నౄణాం సర్వారిష్టవినాశకృత్ ॥
సర్వాభీష్టకరం దివ్యం పఠనీయం ప్రయత్నతః ।
ఇత్యాగమరహస్యే వై భైరవేణ సమీరితమ్ ॥
ఇతి శ్ర్యాగమరహస్యే భైరవప్రోక్తం రేణుకస్తోత్రం సమ్పూర్ణమ్ ॥
అథ శ్రీరేణుకామన్త్రః
అస్య శ్రీరేణుకామన్త్రస్య శ్రీరుద్ర ఋషిః శ్రీరేణుకాదేవీ దేవతా
విరాట్ ఛన్దః క్లీం బీజం శ్రీరేణుకాదేవీ శక్తిః క్లీం కీలకం
మమాభీష్టసిద్ధయే జపే వినియోగః ॥
ధ్యానమ్
ప్రఫుల్లహారకేయూరకుణ్డలాది విరాజితామ్ ।
ప్రసన్నవదనాం శాన్తాం శ్రీదేవీం రేణుకాం భజే ॥
మన్త్రః
౧। క్లీం క్లీం క్లీం రేణుకాదేవ్యై నమః ।
౨। క్లీం క్లీం క్లీం స్వాహా ।
౩। క్లీం రేణుకాయై స్వాహా ।
ధ్యానమ్
లోలల్యాలిలసత్ప్రఫుల్లసుమనో జాలోల్లసత్కాననే
భిల్లీవేషమనఙ్గవేగజనకం ధృత్వా చలన్తీ శనైః ।
లోలాపాఙ్గతరఙ్గరఙ్గసుదృశా సమ్మోహయన్తీ శివం
చఞ్చచ్చఞ్చలనూపురధ్వనియుతా వర్వర్తి సర్వార్థదా ॥
॥ ఇతి ॥

Address

Hosur
Hosur
635109

Telephone

+918123191025

Website

facebook.com

Alerts

Be the first to know and let us send you an email when Ediga's community Hosur posts news and promotions. Your email address will not be used for any other purpose, and you can unsubscribe at any time.