離散探索者 Diaspora Explorer

17/06/2026

【「 #南亞人離散故事」香港拜火教導賞】(English Version in Comment)
報名連結：https://forms.gle/Yqv7zhZLGXsgD3kt9

由創辦天星小輪、律敦治醫院，到捐資興建香港大學本部大樓，巴斯社群（Parsi）嘅足跡早已參與於香港嘅城市發展之中。尖沙咀麼地道嘅命名，正係當年政府為咗表揚巴斯商人麼地爵士（Sir H.N. Mody）嘅慷慨捐輸，感謝佢為早期香港發展作出重大貢獻。

呢群信奉祆教（拜火教）、由波斯經印度輾轉嚟到香港嘅巴斯人，雖然人數唔多，但一直默默實踐「善思、善言、善行」嘅教義，喺交通、醫療同教育等公共範疇低調耕耘。今次導賞活動將會帶領大家走進香港巴斯社群嘅核心——銅鑼灣善樂施大廈，由拜火教祭司親自帶領，參觀平時極少對外開放嘅禮堂，從唔同角度探索呢段城市記憶。

透過今次交流，大家可以一齊回溯巴斯社群由波斯到香港嘅離散經歷，了解佢哋點樣喺異地傳承信仰同文化，細聽呢段與香港交織、值得重新細味嘅歷史。導賞機會非常難得，誠邀大家參與對話，深入認識呢群一直並肩而行、喺香港落地生根嘅重要社群。

⭐️南亞人離散故事 - 香港拜火教導賞

日期：2026年6月26日（五）
時間：下午2時至3時
集合時間：下午1時45分
地點：善樂施大厦（地址：銅鑼灣禮頓道101號）
講者：拜火教祭司

＊＊＊

費用：$100 以作留位費用（出席活動後將會退回）
名額：15人（報名者需回答表格問題，我們會從中挑選。未參加過「拜火教導賞團」人士優先。）
報名方法： 於2026年6月20日23:59前填妥報名連結。是次活動非先到先得，獲選者將於2026年6月23日或之前收到我們 WhatsApp / Signal 通知。
年齡：活動適合12歲或以上人士參與。
語言：英語
服飾：活動地點屬宗教場所，請穿著長褲或長裙以示尊重。

⚠️ 注意：
1. 基於活動流程，參加者或無法中途加入，請務必準時到達。
2. 活動如有可能臨時改動，敬請留意。如有改動，會盡早通知參加者。
3. 請尊重各種信仰，避免做出與宗教禮儀不符的行為。
4. 拜火教禮堂內不准拍照。如有參加者違規，需馬上離場和刪除照片。

＊＊＊

活動屬「離散探索者——社區文化導賞及記憶保存計劃」節目之一，由「維城文化有限公司」主辦。

—
Illustrated by

#離散探索者
#拜火教 #祆教 #巴斯人 #善樂施大厦 #宗教文化

12/06/2026

【安頓思緒：回顧吓ZINE小誌製作】
報名連結：https://forms.gle/anj9w3vXod3wKB3EA

𓂅𓂅𓍯𓂃 翻開小誌，聽聽大腦不自覺預寫嘅劇本 𓍯𓂃 𓂅𓂅

生活周遭嘅環境、事物都會影響我哋嘅感受。呢一刻嘅你，無論係經歷緊城市嘅轉變、或者將會同呢座城市別離，定係面對緊個人關係上突如其來、生命中無法預期嘅巨變⋯⋯ 喺生活中大大小小嘅決定𣊬間，你腦海裡第一個浮現出嘅感受同想法，又係點嘅呢？ ⁡⁡

「離開，定係留低？」
「大家嘅生活軌道漸漸錯開，關係係咪終究都會疏遠？」
「被生活壓到抖唔到氣，係唔係一開始就選擇錯咗？」

你有冇諗過令我哋陷入無力或焦慮嘅，或者唔係「事實本身」？而係我哋嘅大腦習慣咗喺思考嘅下一刻，悄悄幫我哋內化咗一套劇本。🧠 呢啲對「改變」同「別離」嘅詮釋、對自己或他人嘅評價同判斷，喺不知不覺間，原來成為咗我哋心中一團解唔開嘅結。你有幾耐冇好好坐低，擺低電話，細心傾聽同梳理交織嘅思緒？
⁡
Insecure viewer 誠邀你喺周末傍晚一邊練習放慢自己，一邊以紙本方式將呢啲情緒好好記低。✨ 回望返觸發起不同情緒出現嘅事件、各個感覺浮現嘅瞬間。喺引導問題嘅陪伴下，你可以自由書寫、繪畫或拼貼✂️，將呢啲感受化成一本獨一無二的小誌。📔

工作坊限定體驗：
❶ 與情緒開展對話 💬
❷ 重溫事件 ⏳
❸ 聆聽腦海中的聲音 🎧
❹ 拼貼專屬的情緒調色盤 🎨
❺ 直面地與情緒/城市/某個人對話 🏺
❻ 問問自己，此刻的我覺得如何？

𓂅𓂅𓍯𓂃𓂅𓂅

🧩 工作坊詳情：

日期： 2026年6月27日（六）
時間： 晚上7時至9時
地點：長沙灣區（地點將在成功報名後告知）

費用：免費（$100 以作留位費用，出席活動後將會退回）
名額：12人，名額先到先得。
年齡：適合16歲或以上人士參與。
語言：粵語

⚠️ 注意：

1. 活動將提供小誌製作材料（小誌稿件、文具以及拼貼素材），亦歡迎參加者自備個人工具。
2. 活動期間希望參加者能放下手機，與自己的思緒好好相伴。
3. 基於活動流程，參加者或無法中途加入，請務必準時到達。
4. 活動為私人性質，只限成功報名人士參與。

𓂅𓂅𓍯𓂃𓂅𓂅

活動帶領：

Insecure viewer

Insecure Viewer希望化作一處出口，透過互動式的藝術導賞和小誌創作體驗，讓我們擺脫藝術的遙遠和不安，讓每一次看展、小誌創作的過程，都是內心思想的交流和碰撞，體驗那些難以言喻的悸動。

𓂅𓂅𓍯𓂃𓂅𓂅

活動屬「離散探索者——社區文化導賞及記憶保存計劃」節目之一，由「維城文化有限公司」主辦。

𓂅𓂅𓍯𓂃𓂅𓂅

Illustrated by

#離散探索者
#安頓練習 #回顧 #小誌

05/06/2026

【編織日常：自然素材編織工作坊】
報名連結：https://forms.gle/fWDQfZ6tAHdHU9JD6 (link in bio)
𓂃⋄ 編 織 一 道 屬 於 你 同 城 市 嘅 風 光

喺日常生活入面，總有一道風景，一直安靜咁潛藏喺我哋嘅記憶入面。或者我哋每日都會路過，但卻未曾注視過呢道風景嘅存在。其實只要我哋跟隨內心嘅步履前行，一步一步，雙腳又再將我哋帶回社區中某個熟悉嘅角落。

一切看似巧合，其實係你同城市之間不言而喻嘅默契。

今次，我哋邀請咗緣木種子 ，帶領大家順應植物嘅靈感呼喚，一齊編織呢幅刻喺心入面嘅日常風景。大家可以將生活中常見嘅粟米衣、風車草葉同埋象草葉放入編織創作，化為獨特嘅城市線條。

我哋邀請你於日常中放慢腳步，喺社區入面收集一啲吸引你目光嘅自然素材 ── 一片落葉、一瓣花瓣 ── 並將呢啲同生活相關嘅素材放進作品當中，同大家分享自然素材同你之間嘅故事，交織出獨一無二嘅城市記憶。
𓂃⋄ . 𓂃⋄ . 𓂃⋄

𖠋 鼓勵參加者在工作坊前預先喺自己嘅社區入面，以非採摘方式收集不同自然素材，物料會用於當天嘅編織創作，素材類型不限於花、葉、草，只要同你嘅日常風景有關都可以帶嚟㗎～

⭕建議帶：已自然風乾嘅素材
❌不建議撿拾：具毒性 / 易碎 / 易發霉或腐爛嘅素材（如有疑問，歡迎DM我哋.ᐟ.ᐟ）
𓂃⋄ . 𓂃⋄ . 𓂃⋄

🌱工作坊詳情：

日期：2026年6月20日（六）
時間：下午1時30分至4時
地點：長沙灣區（地點將在成功報名後告知。注意：活動地點為唐樓，需行樓梯到達。）
𓂃⋄ . 𓂃⋄ . 𓂃⋄

費用：免費（$100 以作留位費用，出席活動後將會退回）
名額：12人，名額先到先得。
年齡：活動適合12歲或以上人士參與。
語言：粵語

⚠️ 注意：
1. 基於活動流程，參加者或無法中途加入，請務必準時到達。
2. 活動如有臨時改動，會盡早通知參加者。
3. 活動為私人性質，只限成功報名人士可以參與。
𓂃⋄ . 𓂃⋄ . 𓂃⋄

活動帶領：

緣木種子
自二零二一年尾開展種子創作的旅程，向自然和人類智慧學習，以城市閒置自然資源（如掉落的種子、倒塌的樹枝、野草）作為創作基礎。
望以此作為媒介，讓來者能夠觀看自身與自然的關係，由不知到認識，認識到珍惜，珍惜到愛惜。
𓂃⋄ . 𓂃⋄ . 𓂃⋄

活動屬「離散探索者——社區文化導賞及記憶保存計劃」節目之一，由「維城文化有限公司」主辦。
𓂃⋄ . 𓂃⋄ . 𓂃⋄
Illustrated by

#離散探索者
#編織 #手作 #本地植物 #香港

04/06/2026

【‼️最後召集：「 #離散圍讀會」：相去的家鄉，不遠的迴響】
報名連結：https://forms.gle/PePw4gSDyjPd3BQ17

人們從遙遠的過去告別了家鄉，又不時在生活中閃現它的迴響。可能是來自母語的一個措詞 、親人的來信，甚至是久遠的一首歌，剎那間每個離開的故事，又瞬間被召回腦海。

今次離散圍讀會邀請了三位作家，李慧筠、洪曉嫻和雷暐樂跟大家分享三篇作品，透過不同的離散故事，帶大家進入作家的內心，理解離留之間的掙扎，感應漂泊的情感回聲。誠邀大家帶著自己的故事參加圍讀會，希望我們在圍讀的時光中彼此靠近共鳴，接住彼此的迴響。在相去的異地重新理解故鄉，於書寫的文字聽見自己的聲音。

＊＊＊

活動詳情：
日期：2026年6月6日(星期六)
時間：下午3時至6時
集合時間：下午2時45分
集合地點：深水埗區（地點將在成功報名後告知）

＊＊＊

費用：$100 以作留位費用 (出席活動後將會退回)
名額：先到先得
年齡：活動適合16歲或以上人士參與
語言：粵語

＊＊＊

活動屬「離散探索者——社區文化導賞及記憶保存計劃」節目之一，由「維城文化有限公司」主辦。

講者(以姓氏筆劃序)：
李慧筠 .fieldnotes

1993年生於香港，寫報導、散文、非虛構寫作，創作散見《字花》、《明報》，報導見端傳媒及本地媒體。新聞學和人類學畢業，「煩惱詩社」成員。作品曾獲青年文學獎、大學文學獎、中文文學創作獎。不定期更新：https://waikwan93.wordpress.com/

洪曉嫻

詩人，女子。1989年生於香港，曾任《字花》編輯、青年電台／電視節目主持，著有個人詩集《浮蕊盪蔻》。現從事寫作教育及自由撰稿人。

雷暐樂 .wailok

1996年生於香港，詞人、獨立創作人、創作班導師及《聲韻詩刊》編委。畢業於香港浸會大學人文及創作系，主修創意及專業寫作。發表歌詞逾五十首，非歌詞作品散見於各大藝文平台，2026年出版個人作品集《對面海》。

—
Illustration by

#離散探索者
#文學 #圍讀 #小說 #詩歌

19/05/2026

#南亞人離散故事 灣仔錫克廟導賞團（加開場） (English version in comment)

報名連結：https://forms.gle/ex1R53R89F4YN7J97【已額滿 Full】

徇眾要求，錫克廟導賞團返嚟喇！我哋將會再次帶大家走進灣仔商業區背後，探索一座默默守護香港超過 120 年嘅白色地標——錫克廟。

提到錫克教徒，大家或者會諗起香港早年嘅警察同軍人。早喺 19 世紀，佢哋已經喺呢座城市生活。從早期嘅紀律部隊到後來投身各行各業，錫克教徒嘅身影一直交織喺香港嘅脈絡之中，成為咗香港社會嘅重要一員。自 1901 年落成以來，呢座廟宇唔單止係信仰支柱，更係無數由旁遮普（Punjab）飄洋過海嚟到香港嘅信徒，喺異地尋找歸屬感嘅家。

錫克教核心教義強調平等同奉獻精神，當中最具代表性嘅莫過於廟內嘅共享飯堂（Langar）。呢度每日免費開放予所有人享用膳食，不論社會地位或背景，入到廟內都係一視同仁，體現出一份超越背景與身份界限嘅精神。

今次導賞活動將會帶領大家走進呢座於 2022 年重建完成、揉合現代簡約線條與傳統圓頂設計嘅建築。我哋除咗會喺共享飯堂感受溫暖嘅交流，更會細聽呢啲一直同香港並肩而行嘅社群故事。透過了解佢哋嘅離散經歷，大家可以從中對照自己喺呢座城市生活嘅點滴，重新細味「家」與「守望相助」嘅意義。

趁住呢個難得嘅機會，誠邀大家參與對話，認識呢群喺香港落地生根逾百年、一直守望相助嘅社群。

有關錫克教同共享飯堂嘅相關文章：https://diasporaexplorer.org/explore/langar/ (link in bio)

⭐ #南亞人離散故事 灣仔錫克廟導賞團
日期：2026年5月30日（星期六）
時間：下午2時至5時
集合地點：灣仔錫克教廟（灣仔司徒拔道和皇后大道東交界）
活動帶領：多元文化匯館

＊＊＊

費用：$100 以作留位費用（出席活動後將會退回）
語言：英語
名額：每節15人，名額先到先得。（未參加過「錫克廟導賞團」人士優先。）
年齡：活動適合12歲或以上人士參與。
服飾：活動地點屬宗教場所，請穿著長褲或長裙以示尊重。入內需包頭巾和赤足。

📌備註：
基於活動流程，參加者或無法中途加入，請務必準時到達。
請尊重各種信仰及文化，避免做出與多元社群禮儀不符的行為。
活動如有臨時改動，會盡早通知參加者，敬請留意。

＊＊＊

活動屬「離散探索者——社區文化導賞及記憶保存計劃」節目之一，由「維城文化有限公司」主辦。

———

活動帶領：
「多元文化匯館」作為首個多元文化社區空間，將專注於青少年培訓，體現多元族裔社群為香港帶來的文化和經驗。

—
Illustrated by

#離散探索者
#錫克廟 #灣仔 #社區導賞

18/05/2026

【「 #離散圍讀會」：相去的家鄉，不遠的迴響】
報名連結：https://forms.gle/PePw4gSDyjPd3BQ17

人們從遙遠的過去告別了家鄉，又不時在生活中閃現它的迴響。可能是來自母語的一個措詞 、親人的來信，甚至是久遠的一首歌，剎那間每個離開的故事，又瞬間被召回腦海。

今次離散圍讀會邀請了三位作家，李慧筠、洪曉嫻和雷暐樂跟大家分享三篇作品，透過不同的離散故事，帶大家進入作家的內心，理解離留之間的掙扎，感應漂泊的情感回聲。誠邀大家帶著自己的故事參加圍讀會，希望我們在圍讀的時光中彼此靠近共鳴，接住彼此的迴響。在相去的異地重新理解故鄉，於書寫的文字聽見自己的聲音。

＊＊＊

活動詳情：
日期：2026年6月6日(星期六)
時間：下午3時至6時
集合時間：下午2時45分
集合地點：深水埗區（地點將在成功報名後告知）

＊＊＊

費用：$100 以作留位費用 (出席活動後將會退回)
名額：先到先得
年齡：活動適合16歲或以上人士參與
語言：粵語

＊＊＊

活動屬「離散探索者——社區文化導賞及記憶保存計劃」節目之一，由「維城 文化有限公司」主辦。

講者(以姓氏筆劃序)：
李慧筠 .fieldnotes

1993年生於香港，寫報導、散文、非虛構寫作，創作散見《字花》、《明報》，報導見端傳媒及本地媒體。新聞學和人類學畢業，「煩惱詩社」成員。作品曾獲青年文學獎、大學文學獎、中文文學創作獎。不定期更新：https://waikwan93.wordpress.com/

洪曉嫻

詩人，女子。1989年生於香港，曾任《字花》編輯、青年電台／電視節目主持，著有個人詩集《浮蕊盪蔻》。現從事寫作教育及自由撰稿人。

雷暐樂 .wailok

1996年生於香港，詞人、獨立創作人、創作班導師及《聲韻詩刊》編委。畢業於香港浸會大學人文及創作系，主修創意及專業寫作。發表歌詞逾五十首，非歌詞作品散見於各大藝文平台，2026年出版個人作品集《對面海》。

—
Illustration by

#離散探索者
#文學 #圍讀 #小說 #詩歌

人們從遙遠的過去告別了家鄉，又不時在生活中閃現它的迴響。可能是來自母語的一個措詞 、親人的來信，甚至是久遠的一首歌，剎那間每個離開的故事，又瞬間被召回腦海。 今次離散圍讀會邀請了三位作家，李慧筠、洪曉嫻....

13/05/2026

【點樣整出香港人熟悉嘅香水味道？】

喺香港買到嘅大牌子香水好多都係沙龍香味，而「木見 muk6jin6 x 不只 notonly」嘅調香師 Ming，希望調配出更貼近香港人日常生活嘅味道。經過反覆試驗，佢哋調製咗「沏茶系列」，當中除咗有烏龍茶、綠茶外，仲有香港人好熟悉嘅檸茶香味添！

#離散探索者 #木見不只 #此刻同在 #故事換物祭 #香水 #日常香味 #故事交換

06/05/2026

【石下詩會嘅心靈房間】

要大家突然同陌生人講內心感受， 確實唔係咁易。石下詩會喺「此刻．同在 故事換物祭」就設計咗一個心靈房間，等大家可以輕鬆啲分享自己嘅故事，梳理情緒，互相鼓勵。

#離散探索者 #石下詩會 #此刻同在 #故事換物祭 #心靈房間 #療癒 #故事交換

29/04/2026

【塔羅唔止係用嚟預測未來？】

大家一聽到塔羅，都會諗起預測未來，想知自己前程。「塔羅歧徒」嘅塔羅師阿樂接觸咗多年塔羅後，覺得呢樣工具更重要係用嚟梳理自己目前嘅情緒，認清自己真實面對嘅問題。喺「此刻．同在 故事換物祭」，佢都用塔羅幫唔少人面對自己，認識自我。

#離散探索者 #塔羅歧徒 #此刻同在 #故事換物祭 #塔羅 #故事交換

22/04/2026

【長夢書店：當音樂遇上書本】

長夢書店同平時嘅書店唔同，佢哋最想大家可以一邊聽歌一邊睇書。今年2月，佢哋帶咗十幾本書同埋一啲香港Indie Band 嘅CD 去到「此刻．同在 故事換物祭」，仲特別喺書入面揀咗一啲鼓勵人心嘅句子，想參加者可以喺字裡行間搵到力量。

#離散探索者 #長夢書店 #此刻同在 #故事換物祭 #音樂 #書本 #書店 #故事交換