04/08/2026
💥 最近「爆旋陀螺」又玩到全城熱爆。 🌪️
但諗深一層,生活入面,又點只得呢樣嘢咁「爆」?🤔
日常生活中,仲有好多隨時會『爆』嘅瞬間。
有時,係工作累積嘅壓力。💼
有時,係一句忍咗好耐都未講出口嘅說話。💬
有時,係家人之間明明都係關心對方,最後卻因為情緒上頭,講咗一啲傷害彼此嘅說話。💔
🎥 我哋用最近好 Hit 嘅元素,拍咗一條關於壓力、家人溝通嘅小故事。
💭 情緒可以有出口,關係都可以有出口。
家人之間有爭執,其實並唔代表唔愛,而係大家都被情緒蓋過咗想表達嘅心意。如果我哋願意先停一停、聽一聽,可能一句理解,就能代替一句責備。❤️
當情緒慢慢平復,我哋亦更有機會理解,吸毒行為背後,往往反映緊一啲未被看見、未被滿足嘅需要。有人想逃離痛苦,有人渴望被接納,有人希望找到歸屬感,亦有人只想被人明白。🫂
如果想學習如何喺衝突中表達自己,同時真正聆聽對方,歡迎重溫我哋之前分享嘅 《非暴力溝通》 及《靜觀自我關懷》系列影片,一齊學習讓情緒找到合適嘅出口,亦俾對方多一份理解嘅空間。🌱
#爆旋陀螺 #家人溝通 #情緒有出口 #隱蔽吸毒者支援 #路德會青彩中心
🏠🏠🏠🏠🏠🏠🏠🏠
【吾繫修復師III─朋輩培力、家社復和及隱蔽吸毒者支援計劃】
戒毒不只是停止吸毒,更是重建自己、修復關係、重新連結社會的旅程🌱。本計劃透過朋輩培力、家庭及社區介入,陪伴復康者與家人同行,並善用復康經歷支援隱蔽吸毒者及其家人,讓改變延續更多生命💪🏻。
☎️求助熱線:23308004
📌本計劃由禁毒基金贊助