What are the opening hours?

Tuesday 09:15 - 18:00 Wednesday 09:15 - 18:00 Thursday 09:15 - 18:00 Friday 09:15 - 18:00 Saturday 09:15 - 18:00 Sunday 09:15 - 18:00

香港女童軍總會賽馬會東涌活動中心

Home
Hong Kong
Hong Kong
香港女童軍總會賽馬會東涌活動中心

服務旨在提供機會及支援予東涌區內兒童及青少年，讓他們有機會開拓視野

23/08/2026

【由細錫到我大，今日輪到我錫返您 😘】

大家一定知道5月有母親節👩🏼、6月有父親節👨🏼🦰，但又知唔知8月有乜節日係關親人事❓

其實我哋除咗要多謝爸爸媽媽之外，唔好忘記我哋嘅祖父母👵🏼👴🏼都好重要㗎﹗原來響台灣🇹🇼，每年 8⃣月嘅第四個星期日就係「祖父母節」，即係今日吖啦📆﹗

如果你爺爺嫲嫲、公公婆婆仍然健在，今日一於同佢哋飲餐茶食餐飯🍽，或者打個電話☎️問候吓佢哋，珍惜眼前人﹗

如果你爺爺嫲嫲、公公婆婆已經離開咗，唔緊要，只要我哋響心💕入面好好掛念佢哋嘅好已經足夠﹗

👉🏼 快啲喺下面 Tag埋你嘅兄弟姊妹，一齊Plan下今日點樣同長輩慶祝啦！

想睇吓我哋有乜其他活動?記得follow同讚好👍我哋個page啦﹗

#東涌 #香港女童軍總會賽馬會東涌活動中心 #活動 #女童軍 #香港女童軍 #香港女童軍總會 #祖父 #祖母 #祖父母 #祖父母節

22/08/2026

【處暑至☀️．暑氣止😎】

提提大家，聽日就係2⃣4⃣節氣中嘅第1⃣4⃣個節氣︰處暑，即係代表炎熱嘅酷暑🌞就嚟結束，天氣逐漸轉涼💨，開始慢慢同夏天講bye bye👋。呢個時候通常都會早晚溫涼、中午炎熱🔥，好常有疲乏嘅「秋乏」現象。

民間習俗有「處暑吃鴨」🦆嘅講法，因鴨肉性涼，具有滋陰潤燥、清熱去火嘅功效。唔理係咪有用，今晚都一於買返隻嚟嘆下先啦﹗

你又有乜解暑方法?留言大家研究吓💬❗

想睇吓我哋有乜其他活動?記得follow同讚好👍我哋個page啦﹗

#東涌 #香港女童軍總會賽馬會東涌活動中心 #活動 #女童軍 #香港女童軍 #香港女童軍總會 #廿四節氣 #處暑

21/08/2026

【 2⃣小時🕑直落完美組合👏！】

各位爸爸媽媽，有無諗過響星期日上晝可以畀小朋友充實大腦嘅同時，你又可以有自己嘅「Me Time」☕?

我哋幫到你🫵﹗

我哋中心特別為幼稚園 K1-K3 嘅小朋友，打造咗超順暢嘅「黃金學習時段」！1️⃣ 個朝早上齊兩科，學完英文接住學數學，中間無縫對接！

⏱ 時間啱啱好，完全唔使趕：
10:00am - 11:00am：🔤 Fun Fun 英語世界（透過兒歌🎼同日常情景輕鬆學 English）
11:00am - 12:00nn：🧮 小小理學士（幫助同學仔強化數學根基）

小朋友可以愉快中學習，爸爸媽媽都可以輕鬆嘆杯咖啡☕，食返個all day breakfast🥘啦﹗

你嘅me time同我哋嘅名額一樣有限⛔，把握機會報名啦﹗

【👍Fun Fun英語世界👍】
日期: 13/9 - 15/11/2026 (逢星期日) (共9堂)
(*18/10暫停)
時間: 10:00am - 11:00am
地點: 本中心
對象: 幼稚園K1-K3學生
名額: 10人
費用: $360/9堂

【🥳小小理學士🥳】
日期: 13/9 - 15/11/2026 (逢星期日) (共9堂)
(*18/10暫停)
時間: 11:00am - 12:00nn
地點: 本中心
對象: 幼稚園K1-K3學生
名額: 10人
費用: $360/9堂

一經報名，課程不設退款、轉班或轉讓

仲想睇吓我哋有乜活動?記得follow同讚好👍我哋個page啦﹗

#東涌 #香港女童軍總會賽馬會東涌活動中心 #活動 #女童軍 #香港女童軍 #香港女童軍總會 #9至11月活動＃英語 #英語世界＃FunFun ＃FunFun英語世界 #數學 #小小理學士

20/08/2026

【9-11月活動大放送！足桌球⚽️🎱、射藝🎯、月餅🥮 仲有超好玩BBQ派對！】

就嚟踏入秋天，又係同朋友屋企人一齊玩嘅好時候🎉！嚟緊9-11月，中心為大家準備咗超多特色活動，依家話你知！精選活動包括：

✨ 節日期間限定：古風摺疊小夜燈迎中秋🏮、迷你傳統月餅及冰皮月餅製作班🥮、萬聖節趣怪玻璃曲奇🍪
✨ 運動與手作：足桌球體驗班⚽️🎱、中華射藝基礎班🎯、八段錦班、秋菊及冬日粉色百合毛毛棒製作班
✨ 生活、育兒與美食：曬後修護啫喱、趣味幼兒腦力培育班🧠、迷你肉桂蘋果批班🥧
🔥 特別推介：「多聲道燒烤派對」🎊！只要你係現有會員，帶埋一位唔同母語嘅新會員就可以一齊嚟一齊傾、一齊玩、一齊BBQ！

除咗上邊嘅活動，仲有唔同嘅恆常班繼續陪住大家，歡迎新舊會員過嚟中心或者打電話向我哋查詢☎；名額有限，快啲記低報名日期同時間，約埋親友一齊嚟玩啦～

📅 報名時間表：
9月2日（星期三）上午 9:30 開始接受報名！
備註︰每位會員可代另外一名會員報讀最多2項課程
一經報名，課程不設退款、轉班或轉讓
☎️查詢︰2619-0399

想過一個充實又好玩嘅秋冬？唔好諗喇，快啲睇吓邊個活動啱玩！

🔗 講咗咁耐，究竟邊到有活動小冊子睇吖? 即刻去留言區click條Link睇啦！📋

記得follow同讚好👍我哋個page接收更多資訊﹗

#東涌 #香港女童軍總會賽馬會東涌活動中心 #活動 #女童軍 #香港女童軍 #香港女童軍總會 #9至11月活動 #精彩活動

18/08/2026

【銀河都阻唔斷嘅愛💏：每年七夕，只為鵲橋一面🌉】

聽日就係農曆七月初七，即係一年一度嘅「七夕」，又叫做乞巧節，起源於觀星🌠🔭，後來因為「牛郎織女」嘅淒美愛情故事而賦予咗浪漫色彩🌈！

講起七夕，大家一定會諗起「牛郎織女」呢個千古流傳嘅愛情故事❤️。當中有好多唔同版本，傳說中，凡間嘅孤兒牛郎認識咗天上下凡嘅仙女織女，兩人一見鍾情💕，結為夫婦。

可惜好景不常，王母娘娘知道咗呢段「人神戀」之後非常大發雷霆⚡️，派天兵天將捉走織女。牛郎好心急追上天☁️，眼見就快追到，王母娘娘就拔下金簪喺空中劃出銀河將佢哋兩個分開。

牛郎織女隔住條天河相對痛哭😭，最終佢哋嘅堅貞感動上天，獲准每年農曆七月初七在喜鵲搭成嘅「鵲橋」上相會一次🌈。所以，七夕亦都象徵住堅貞不渝嘅愛情。

大家聽晚不妨抬頭望吓星空，試吓搵唔搵到銀河兩邊嘅牛郎星同織女星✨🔭，一齊見證佢哋一年一度嘅浪漫相會啦！

祝各位有情人終成眷屬💖，七夕快樂！

想睇吓我哋有乜其他活動?記得follow同讚好👍我哋個page啦﹗

#東涌 #香港女童軍總會賽馬會東涌活動中心 #活動 #女童軍 #香港女童軍 #香港女童軍總會 #七夕 #牛郎 #織女 #牛郎織女 #七夕 #七姐誕 #中國情人節 #傳統節日 #鵲橋 #鵲橋相會

15/08/2026

【執起毛筆做一日小畫家🖌🎨：同仔囡合力創作第一幅現代山水畫🏔️！】

平時小朋友畫畫都係用開水彩、蠟筆、木顏色筆🖌，不如畀佢哋試下新意思！今次我哋推出嘅「親子水墨畫體驗班 - 山水篇」，等各位爸爸媽媽同小天才可以一齊執起毛筆，用最傳統嘅水墨線條，創作出屬於你哋嘅現代山水畫🎉！

唔好以為水墨畫好嚴肅、好難學呀！導師會用簡單嘅方法，由基本執筆🖌、控墨到用色開始教起，等完全零基礎嘅大朋友小朋友都可以輕鬆上手👐。呢個絕對係一個超強嘅親子互動機會，家長同小朋友可以一齊動手，合力完成一幅獨一無二嘅大作，同時仲可以訓練小朋友嘅專注力、空間感同埋啟發右腦🧠嘅創造力。

名額有限，快啲報名啦！👇

【親子水墨畫體驗班 - 山水】
日期：30/8/2026 (星期日)
時間：2:30pm-3:45pm
地點：本中心
對象：親子(兒童年齡4歲或以上)
名額：10對親子
收費：$60 / 1對親子
備註︰一經報名，課程不設退款、轉班或轉讓。
查詢︰2619-0399

仲想睇吓我哋有乜其他活動?記得follow同讚好👍我哋個page啦﹗

#東涌 #香港女童軍總會賽馬會東涌活動中心 #活動 #女童 #香港女童軍 #香港女童軍總會 #親子 #水墨畫 #體驗班 #兒童藝術 #山水 #水墨畫體驗 #親子水墨畫體驗班

14/08/2026

【俾個家佢哋🏠，好嗎？🐱】

望住浪浪嘅眼神👀，你見到嘅係恐懼😨，定係對愛💕嘅渴望？

每年逢 8⃣月嘅第三個星期六，今年即係8⃣月1⃣5⃣日，就係由國際動物權利協會（ISAR）發起嘅「國際流浪動物日」🐶🐈⬛。呢個日子唔係❎用嚟慶祝，而係想大家關注全世界成千上萬、無家可歸嘅浪浪😿。

造成流浪動物嘅源頭，好多時都係源於人類嘅貪一時高興同棄養。要幫到佢哋，就要由呢3⃣步開始：

🐾 以領養代替購買：俾收容所嘅浪浪一個重獲新生嘅機會。

🐾 適齡絕育：有效控制流浪動物數量，減少悲劇循環。

🐾 不棄養：開始咗養佢就係一世嘅承諾，絕對唔好始亂終棄。

每一隻浪浪，原本都值得被溫柔對待。今日轉發呢個 Post，或者支持本地動物救援組織，為無聲嘅佢哋發聲喇！📣

想睇吓我哋有乜其他活動?記得follow同讚好👍我哋個page啦﹗

#東涌 #香港女童軍總會賽馬會東涌活動中心 #活動 #女童軍 #香港女童軍 #香港女童軍總會 #流浪 #流浪動物 #國際流浪動物日 #領養代替購買 #浪浪 #愛牠不棄養

13/08/2026

【隔住螢幕都聞到芝士香🧀！帶你直擊超治癒迷你巴斯克班💪】

早前舉行嘅「巴斯克迷你蛋糕班」真係好熱鬧！成個中心都瀰漫住濃濃嘅芝士香氣，聞到都流口水 🤤。見到咁多位會員親手烘焙出完美嘅蛋糕，真係超有成就感✨！

焦糖香嘅表面🔥，配埋入面極度絲滑、入口即溶嘅軟心半熟內餡，真係邪惡得嚟又令人停唔到口😋！

睇住大家將自己親手整嘅成品打包返屋企，真係隔住個包裝盒都感覺到滿滿嘅幸福感 ❤️。

睇番下面嘅相📸，你又覺得邊個蛋糕最靚？留言話我哋知﹗

仲想睇吓我哋有乜其他活動?記得follow同讚好👍我哋個page啦﹗

#東涌 #香港女童軍總會賽馬會東涌活動中心 #活動 #女童軍 #香港女童軍 #香港女童軍總會 #蛋榚 #巴斯克蛋榚 #巴斯克迷你蛋榚 #甜點 #甜品

12/08/2026

【全港左撇子圍爐嘅大日子🖐️】

聽日8⃣ 月1⃣3⃣號原來係「國際左撇子日」🎉！

其實呢個節日係由美國🇺🇸左撇子國際組織（Lefthanders International）響1976年發起，目的係想大眾更關注10%左撇子喺日常生活、工具使用上嘅不便，同時宣揚左撇子嘅獨特優勢❗

講起左撇子，大家一定聽過「左撇子特別聰明、特別有創意」❓

💡 科學研究指出，左撇子常用右腦🧠，喺處理立體空間、視覺影像、同音樂節奏🎼上確實比較敏銳！

🌟 歷史上好多天才同名人（好似愛因斯坦、達文西、微軟創辦人比爾．蓋茨、甚至荷里活巨星奇洛．李維斯）都係左撇子❗

其實無論慣用左手🖐️定右手🤚，都只係天生嘅特質，無話啱定錯嘅。

你係左撇子❓留言話畀我哋知你日常生活用左手遇到的趣事喇！

想睇吓我哋有乜其他活動?記得follow同讚好👍我哋個page啦﹗

#東涌 #香港女童軍總會賽馬會東涌活動中心 #活動 #女童軍 #香港女童軍 #香港女童軍總會 #左撇子 #國際左撇子日

11/08/2026

【星期日放假唔知帶仔女去邊👪？不如一齊靜心畫幅畫 🖌🎨】

每逢放假想搵個地方俾小朋友放電⚡，但又想佢學識專注？不如試下同小朋友一齊執起毛筆，靜靜感受水墨畫嘅世界啦✨！畫水墨畫要講求心靜❤同手部🙌控制，對小朋友來講係個好好嘅專注力大考驗❗

導師會帶大家用唔同濃淡嘅墨色，畫出壯觀嘅山水風景。唔需要有畫畫底子，最緊要係同小朋!兩個人一齊大膽嘗試、一齊玩墨水，享受一個無壓力又療癒嘅親子時光。🎨

名額有限，想過個有心思嘅假期就快啲報名啦！👇

【親子水墨畫體驗班 - 山水】
日期：30/8/2026 (星期日)
時間：2:30pm-3:45pm
地點：本中心
對象：親子(兒童年齡4歲或以上)
名額：10對親子
收費：$60 / 1對親子
備註︰一經報名，課程不設退款、轉班或轉讓。
查詢︰2619-0399

仲想睇吓我哋有乜其他活動?記得follow同讚好👍我哋個page啦﹗

#東涌 #香港女童軍總會賽馬會東涌活動中心 #活動 #女童 #香港女童軍 #香港女童軍總會 #親子 #水墨畫 #體驗班 #兒童藝術 #山水 #水墨畫體驗 #親子水墨畫體驗班

Address

大嶼山東涌順東路(東涌海濱長廊入口，中電變壓站旁邊)
Hong Kong

Opening Hours

Tuesday	09:15 - 18:00
Wednesday	09:15 - 18:00
Thursday	09:15 - 18:00
Friday	09:15 - 18:00
Saturday	09:15 - 18:00
Sunday	09:15 - 18:00

Telephone

+85226190399

Website

https://hkgga.org.hk/tc/content/Tung_Chung/%E9%A6%99%E6%B8%AF%E5%A5%B3%E7%AB%A5%E8%BB%8D%E7%B8%BD%E6%9C%83%E8%B3%BD%E9%A

Alerts

Be the first to know and let us send you an email when 香港女童軍總會賽馬會東涌活動中心 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 香港女童軍總會賽馬會東涌活動中心:

Want your organization to be the top-listed Non Profit Organization in Hong Kong?