29/04/2026
📣🤩შესანიშნავი სიახლე გვაქვს შეზღუდული შესაძლებლობის მქონე პირებისა და მათი ოჯახებისთვის ❗❗❗
❗❗❗ექსკლუზივი,
❗❗❗პირველად ქართულ ენაზე, ქართველებისთვის!
✅♿ საერთაშორისო კიბერ ტექნოლოგიურმა კომპანია "ელიქსმა" (ELIX) შექმნა მსოფლიოში პირველი სრულფასოვანი ხმოვანი საკომუნიკაციო სისტემა - "არონი" - სმარტფონებისა და ტაბლეტებისთვის - ქართულ ენაზე!
✅♿"არონი" - უნივერსალური საკომუნიკაციო აპლიკაციაა, რომელიც განკუთვნილია ნებისმიერი მიზეზით მეტყველების უნარის არ მქონე ან უნარდაქვეითებული ადამიანებისთვის. (მათ შორის: აუტისტური სპექტრის, სხვადასხვა ხარისხის ნევროლოგიური და ნეიროგანვითარების შეფერხების მქონე და ა.შ.) - 3 წლის ასაკიდან ბავშვებისთვის.
აპლიკაცია მათ მისცემს იმას, რაც ყველაზე მეტად აკლიათ - ხმას და ლაპარაკის შესაძლებლობას.
✅♿"არონის" საშუალებით ისინი სხვების გასაგონად გააჟღერებენ საკუთარ სურვილებს, აზრებსა და ემოციებს, ისევე, როგორც ბიბლიური მოსეს ძმა - აარონი ესაუბრებოდა ხალხს დაბრკოლებული მეტყველების მქონე მოსეს ნაცვლად... (სიმბოლური ახსნა აპლიკაციის სახელწოდების)
✅♿კომპანია "ელიქსის" დამფუძნებელი და დირექტორია პარიზის სორბონის უნივერსიტეტის სამართლის ფაკულტეტისა და სტრასბურგის ვებ-აკადემიის (EPITECH) კურსდამთავრებული - თევდორე ტალახაძე.
❤️კომპანიის საერთაშორისო გუნდიდან აღსანიშნავია სერბი დეველოპერისა და დიზაინერის ობრად ჩეშიჩის (Obrad Ćešić) განსაკუთრებული წვლილი.
❤️პროექტის ინიციატორები არიან თბილისის ბავშვთა ფსიქოლოგიისა და ნეიროგანვითარების კლინიკების - "ფენიქსისა" და "ჰელიოსის" დამფუძნებლები - Katie Sharashidze, Geörge Sharashidze და Giorgi Ghudushauri - მაღალი დონის პროფესიონალი ფსიქოლოგები.
✅♿- "მე არავერბალური ვარ და ამ აპლიკაციით გესაუბრები..." - ეს ის ხმოვანი ფრაზაა, რომლითაც სულ მალე, მეტყველების უნარის არმქონე ადამიანებს შეეძლებათ სიტყვიერად ჩაერთონ საუბარში ნებისმიერ თემაზე, ნებისმიერ ადამიანთან!
🧠🗣🤳საკომუნიკაციო სისტემა შედგება სამი ძირითადი მოდიფიკაციისგან და სამი ფუნქციისგან:
1️⃣მარტივი მოდიფიკაცია (რომელიც საშუალებას იძლევა გახმოვანდეს 60 ყველაზე საჭირო სიტყვა და ფრაზა);
2️⃣სტანდარტული მოდიფიკაცია (250 საბაზო სიტყვა, რომლითაც შესაძლებელია მრავალი წინადადების გენერირება);
3️⃣ სრული მოდიფიკაცია (1000-ზე მეტი სიტყვა - რაც ფაქტიურად, სრულფასოვანი კომუნიკაციის საშუალებას იძლევა).
4️⃣ფუნქცია - ამასთანავე, შესაძლებელია მისი პერსონალიზაციაც - თითოეული ადამიანის ინდივიდუალურ საჭიროებებზე მორგება - ასაკის, ინტერესების, უნარებისა და ნეიროგანვითარების გათვალისწინებით.
5️⃣ფუნქცია - აპლიკაციას გააჩნია სასწავლო და სავარჯიშო რეჟიმებიც, რომელიც დაეხმარება ცალკეული ბგერების სწორად გამოთქმასა და მეტყველების უნარის აღდგენაში მათ, ვისაც ეს სჭირდება.
6️⃣კიდევ ერთი უნიკალური ფუნქცია:
წარმოიდგინეთ სხვადასხვა მიზეზებით პარალიზებული ადამიანი, რომელსაც წართმეული აქვს მეტყველების უნარიც. მომხმარებელი დისტანციურად, სახის მოძრაობით, ეკრანზე 1-2 წამით აფიქსირებს შესაბამის ღილაკს და
- "წყალი მინდა", "ექიმს დაუძახეთ", "მცხელა", "თავი მტკივა", "წამალი მჭირდება", "ტუალეტი მინდა" და ა.შ. - გვეტყვის "არონი" - მის ნაცვლად!
.. ეს ფანტასტიკა არ არის!
ეს ახალი, ტექნოლოგიური საუკუნის რეალობაა - ჰომო დიჯითალისის ეპოქა, სადაც საქართველოს ღირსეული ადგილის დაკავება შეუძლია.
სადაც ტექნოლოგიური მიღწევები ადამიანის სამსახურში უნდა ჩადგეს.
✅ ამ დღეებში, კლინიკებში - "ფენიქსსა" და "ჰელიოსში" დასრულდა "არონის" ოფიციალური ტესტირება Google Play-ის მიერ კონტროლირებად რეჟიმში და სულ მალე, ქართულენოვანი აპლიკაცია ოფიციალურად განთავსდება Google Play Market-სა და App Store-ზე.
კომპანია "ელიქსი" უკვე მუშაობს აპლიკაციის ინგლისურ და ფრანგულენოვანი მოდიფიკაციების შექმნაზე.
პ.ს. უცვლელად გთავაზობთ ქართველი მეცნიერის Talakhadze Vakhtang პოსტს მცირედი ცვლილებებით, ასევე გთავაზობთ ამ აპლიკაციის სოციალური გვერდის გამოწერას, რათა მეტი გაიგოთ აპლიკაციის შესახებ. ლინკი ქვემოთ 👇
https://www.facebook.com/profile.php?id=61582042146597
✌🚀ცენტრი მოხარულია ამ სიახლით, როგორც დაინტერესებული მხარე და შეზღუდული შესაძლებლობის მქონე პირთა დამოუკიდებელი, ღირსეული ცხოვრების ხელშემწყობი და მხარდამჭერი.
✌🚀ასეთი მიღწევები მართლაც მისცემს შშმ პირებს უფრო ფართო ავტონომიას და დამოუკიდებლობის შესაძლებლობას კომუნიკაციის სფეროში!
✌🚀 მადლობა ყველა დაინტერესებულ მხარეს თუ აქტიურ ახალგაზრდებს, რომლებიც ზრუნავენ და ხელს უწყობენ შშმ და მოწყვლადი თემების საზოგადოებაში ჩართულობას ასეთი ტექნოლოგიური მიღწევებით.
#ალტერნატიულიკომუნიკაცია #ტექნოლოგიურირევოლუცია