გორის განვითარების სააგენტო - Gori Development Agency

22/04/2026

🌍 დედამიწის დღესთან დაკავშირებით ტანისა და თეძმის დაცულ ტერიტორიაზე, ბოშურის საჯარო სკოლის მიმდებარედ გამწვანების აქცია გაიმართა.

🌳 ღონისძიებაში მონაწილეობა მიიღეს ბოშურის სკოლის მოსწავლეებმა, გორის მუნიციპალიტეტის განვითარები სააგენტოს ტანისა და თეძმის დაცული ლანდშაფტის მართვის განყოფილების წარმომადგენლებმა და ტანის აღკვეთილის თანამშრომლებმა.

🌱 აქცია ნერგებით გორის მუნიციპალიტეტის კეთილმოწყობის სააგენტოს სანერგე მეურნეობამ უზრუნველყო.

🌿 მსგავსი ღონისძიებები ხელს უწყობს ბუნებრივი ეკოსისტემების აღდგენას, გარემოს გაუმჯობესებას და ახალგაზრდებში პასუხისმგებლობის გრძნობის ჩამოყალიბებას.

12/04/2026

10/04/2026

11 აპრილს, დიდ შაბათს, 12:00 საათზე გორისა და ატენის მიტროპოლიტის ანდრიას ლოცვა -კურთხევით, გორის მუნიციპალიტეტის მერიის, გორის მუნიციპალიტეტის
განვითარების სააგენტოს ტურიზმის განყოფილებისა და გორის მუნიციპალიტეტის კულტურის სააგენტოს თანამშრომლობით, იაკობ გოგებაშვილის სახელობის სკვერში (გორის ციხესთან) გაიმართება ტრადიციული სააღდგომო გამოფენა - გაყიდვა.

მონაწილეობა შეუძლია ყველას, ვინც ქმნის ხელნაკეთ ნივთებს, ხატავს, ქსოვს, ქარგავს, რეწავს ან უბრალოდ ძველ ნივთებს ჩუქნის ახალ სიცოცხლეს...
ასევე მათაც, ვინც ამზადებს საკონდიტრო ნაწარმს, ჩირეულს, ტრადიციულ თუ თანამედროვე სახის ქართულ და ევროპულ ტკბილეულს, მარინადს, თაფლს, ღვინოსა და სხვა სახის პროდუქციას.

მონაწილეობის მიღება შესაძლებელია სააღდგომო
თემატიკის სათამაშოს, აქსესუარის, მისალოცი ბარათის, წიგნის თუ სხვადასხვა ნივთის გამოფენით...

მონაწილეობის წესები: ყოველი ნივთი და ნაწარმი
გაიყიდება სიმბოლურ ფასად, ნივთის მფლობელი მიიღებს ფინანსურ სარგებელს და სურვილისამებრ გაიღებს შესაწირს სკვერის ცენტრში მდგარ შესაწირ ყუთში.

ამ დღეს შემოსული თანხა სრულად გადაეცემა ჩვენს ეპარქიაში არსებულ წმინდა იოანე მოწყალის სახელობის უპოვართა სასადილოს და ბრწყინვალე შვიდეულის დღეებში, სადილი გაიცემა ახლადშესვენებული უწმინდესის და უნეტარესის, სრულიად საქართველოს
პატრიარქის, მცეთა-თბილისის მთავარეპისკოპოსის და ბიჭვინთისა და ცხუმ-აფხაზეთის მიტროპოლიტის, ილია მეორის სახელზე, მისი კეთილი სულის საოხად.

დეტალური ინფორმაციისათვის დარეკეთ: 598 11 88 50.

08/04/2026

გორის მუნიციპალიტეტის მერმა კონსტანტინე ბუზალაძემ ადგილობრივ არქიტექტორებს ქალაქ გორის გენერალური გეგმის (გენგეგმის) ტექნიკური დავალება გააცნო.

სამუშაო შეხვედრას მერის მოადგილეები, ინფრასტრუქტურისა და სივრცითი მოწყობის სამსახურის ხელმძღვანელი პირები და სფეროს სპეციალისტები ესწრებოდნენ.

შეხვედრის ფარგლებში შეხვედრის მონაწილეებმა დეტალურად განიხილეს გენგეგმის ტექნიკური დავალება, რომელიც ქალაქის სივრცითი განვითარებისა და გრძელვადიანი დაგეგმარების ძირითად მიმართულებებს განსაზღვრავს.

არქიტექტორებმა შეხვედრაზე საკუთარი ხედვები და რეკომენდაციები წარადგინეს, იმსჯელეს არსებულ გამოწვევებზე და განვითარების პრიორიტეტულ მიმართულებებზე გაამახვილეს ყურადღება.

ქალაქის გენერალური გეგმის პროექტზე მუშაობა აქტიურ რეჟიმში გრძელდება, რაც გორის ურბანული განვითარებისა და ინფრასტრუქტურის გაუმჯობესებას შეუწყობს ხელს.

08/04/2026

🎨 გორის მუნიციპალიტეტის განვითარების სააგენტოს ტურიზმის განყოფილების ხალხური რეწვის სასწავლო მინი გალერეა მორიგ შემოქმედებით სასწავლო კურსს მასპინძლობს.

🏺მუნიციპალიტეტში მცხოვრები დასაქმების მიღმა მყოფი ქალები, 9–15 წლის ბავშვები და 16–20 წლის ახალგაზრდები უსასყიდლოდ შეისწავლიან თექის დამზადების ტექნოლოგიას, ფარდაგების ქსოვას და კერამიკის ხელოვნებას.

📚 საინფორმაციო შეხვედრაზე სასწავლო კურსის მონაწილეები უკვე გაეცნენ დეტალურ ინფორმაციას პროგრამის მიმართულებების შესახებ.

🎓 სამთვიანი სასწავლო პროგრამის დასრულების შემდეგ გაიმართება მონაწილეების ნამუშევრების გამოფენა, თითოეულ მათგანს გადაეცემა შესაბამისი სერტიფიკატი.

💡 პროექტის მიზანია დასაქმების ხელშეწყობა და შემოქმედებითი უნარების განვითარება.

06/04/2026

✨ მხატვრული რეწვის ევროპული დღეების - JEMA-2026-ის მონაწილეა გორის ტურიზმის განყოფილების ხალხური რეწვის სასწავლო მინი გალერეა
https://shorturl.at/0sdmJ
🗓️ 8 აპრილი, ოთხშაბათი, 16:00 - 18:00
✨JEMA 2026-ის ფარგლებში, ტურიზმის განყოფილების ხალხური რეწვის სასწავლო მინი-გალერეა გორში გიწვევთ ღია კარის დღეზე, სადაც შესაძლებლობა გექნებათ:
✨ შეხვდეთ ოსტატებს;
✨ გაეცნოთ ტრადიციულ ქართულ ხელობას და ტრადიციულ ტექნიკებს;
✨ დაესწროთ ტრადიციული ხალიჩების და კერამიკის მასტერკლასებს და მონაწილეობა მიიღოთ ხელნაკეთი ნივთების შექმნის პროცესში.
🔗 სარეგისტრაციო ფორმა იხ.: https://forms.gle/WXJ6z5pg55DXETGh9
📍 მის: 26 მაისის სანაპირო, გორი, 1400, საქართველო
📧 [email protected]; [email protected]
📞 +995 574112913
🔎 სრული პროგრამა იხ.: https://shorturl.at/Fpu0Q
🇬🇪 🇪🇺 კვირეულს საქართველოში კოორდინირებას უწევს ხელოვნების საერთაშორისო ცენტრი, ევროპული რეწვის ალიანსის მხარდაჭერით
✨ Gori Development Agency Tourism Department of Educational Mini Gallery of Folk Crafts is a participant of the European Days of Artistic Crafts – JEMA 2026 https://shorturl.at/0sdmJ
🗓️ April 8, 16:00 - 18:00
✨As part of JEMA 2026, the educational Folk Crafts Mini-Gallery invites you to an Open Day.
✨In conjunction with European Crafts Days 2026, visitors will have the opportunity to discover traditional Georgian crafts in the educational Folk Crafts Mini-Gallery. The event will feature handmade ceramics, felt products, and traditional carpet weaving. Guests will meet artisans, learn about traditional techniques, and watch demonstrations of handicraft-making processes. The event aims to promote Georgian folk crafts and support local handicraft production. ✨
🔗 Register in advance to participate: https://forms.gle/WXJ6z5pg55DXETGh9
📍 Address: 26 May Embankment, Gori, 1400, Georgia
📧 [email protected] ; [email protected]
📞 +995 574112913
🔎 Full program: https://shorturl.at/Fpu0Q
🇬🇪 🇪🇺 The event in Georgia is coordinated by the Georgian Arts and Culture Center (GACC) with the support of the European Crafts Alliance.
Journées Européennes des Métiers d'Art

26/03/2026

🏔️ გორელი ახალგაზრდების მონაწილეობით, თრიალეთის ქედზე, ჯამჯამას მთის მიმართულებით საფეხმავლო ტური მოეწყო.

❄️ ახალგაზრდებმა თოვლიან გარემოში გამოსცადეს საკუთარი შესაძლებლობები და გაიღრმავეს ცოდნა ზამთრის პირობებში გადაადგილებისა და უსაფრთხოების დაცვის მიმართულებით.

🏃‍♂️ მსგავსი ღონისძიებები მნიშვნელოვანია, რადგან ისინი ახალგაზრდებს აძლევს პიროვნული განვითარების, გუნდური მუშაობის, პრაქტიკული უნარების შეძენის, ფიზიკური გამძლეობის გაუმჯობესებისა და დაუვიწყარი გამოცდილების მიღების შესაძლებლობას.

🔹 საფეხმავლო ტური გორის მუნიციპალიტეტის განვითარების სააგენტოს ტურიზმის განყოფილების ორგანიზებითა და ტანისა და თეძმის დაცული ლანდშაფტის განყოფილების მხარდაჭერით მოეწყო.

19/03/2026

🚀 მეწარმეობის უფასო კურსი გორის მუნიციპალიტეტის სკოლის მოსწავლეებისთვის!
გინდა საკუთარი იდეა რეალურ ბიზნესად აქციო?
გაინტერესებს როგორ იწყება წარმატებული საქმე ნულიდან?
👇 მაშინ ეს შესაძლებლობა შენთვისაა!

📢 გორის მუნიციპალიტეტის განვითარების სააგენტო აცხადებს მეწარმეობის პრაქტიკულ კურსს 15-18 წლის სკოლის მოსწავლეებისთვის.

💡 რას ისწავლი კურსის განმავლობაში?
✔️ როგორ იპოვო და შეარჩიო ბიზნეს იდეა
✔️ როგორ შეისწავლო ბაზარი და მომხმარებელი
✔️ როგორ შექმნა ბიზნეს მოდელი
✔️ როგორ განსაზღვრო ფასი და დაგეგმო ბიუჯეტი
✔️ როგორ შექმნა ბრენდი და მოიზიდო პირველი მომხმარებლები
✔️ როგორ დაწერო ბიზნეს გეგმა
✔️ როგორ წარადგინო შენი იდეა პროფესიონალურად (Pitch)

📚 კურსის ფორმატი
🕒 ხანგრძლივობა: 8 კვირა
⏱️ თითოეული შეხვედრა: 2 საათი
🗣️ კურსი ჩატარდება ინგლისურ ენაზე
👥 პრაქტიკული დავალებები და გუნდური მუშაობა

👩‍🏫 ტრენინგებს ჩაატარებს მშვიდობის კორპუსის (Peace Corps) მოხალისე, რაც მონაწილეებს მისცემს შესაძლებლობას მიიღონ საერთაშორისო გამოცდილებაზე დაფუძნებული ცოდნა და პრაქტიკული უნარები.

🎯 კურსის ბოლოს შენ გექნება:
• საკუთარი ბიზნეს იდეა
• მარტივი ბიზნეს გეგმა
• პირველი მომხმარებლების მოზიდვის გეგმა
• საბოლოო პრეზენტაცია ჟიურის წინაშე

👩‍🎓 ვისთვის არის კურსი?
გორის მუნიციპალიტეტის სკოლის მოსწავლეებისთვის (15-18 წელი), ვისაც სურს განვითარდეს, იყოს ინოვაციური და გადადგას პირველი ნაბიჯები ბიზნესში.
📩 რეგისტრაცია: https://forms.gle/J7bggZxyNQmFwVt2A
რეგისტრაციის პერიოდი: 7 აპრილის ჩათვლით

⏳ ადგილები შეზღუდულია!

18/03/2026

გამოვხატავთ ღრმა მწუხარებას საქართველოს კათოლიკოს-პატრიარქის, ილია II-ის გარდაცვალების გამო.

მისმა უწმინდესობამ მრავალი ათწლეულის განმავლობაში მნიშვნელოვანი წვლილი შეიტანა საქართველოს სულიერი, კულტურული და საზოგადოებრივი ცხოვრების განვითარებაში. მისი მოღვაწეობა არა მხოლოდ ქვეყნის მოსახლეობისთვის, არამედ მთელ მართლმადიდებელ სამყაროში იყო შთაგონების წყარო, რომელიც მომავალ თაობებსაც მისცემს მაგალითს სიწმინდის, სამართლიანობისა და ერთგულების შესახებ.

ვუსამძიმრებთ სრულიად საქართველოს და მართლმადიდებელ სამყაროს.

06/03/2026

🥋 შერეული საბრძოლო ხელოვნების ეროვნული ტურნირი

📍 გორის სპორტის სასახლე
📅 7 მარტი 2026
🕖 19:00 საათზე