25/10/2025
🏔️გორის კლუბმა “ტონთიომ” 26.09-03.10 პერიოდში ხდეს ხეობაში ალპინიადა გამართა.
▫️ დაბანაკების შემდეგ, მონაწილეებისთვის მოეწყო ტრენინგ ინსტრუქტაჟი - კვანძების სწავლება, თოკების გადაბმის ტექნიკა, წრიაპებისა და დამცავი სისტემის მორგება. ამის შემდეგ მათ გადაინაცვლეს სააკლიმატიზაციო შუალედურ ბანაკ “მარწყვიჭალაში”.
▫️ მეხუთე დღეს ჯგუფი ავიდა მწ. “გორის” პირველ ნაბინავარზე, სადაც ღამის თევა მოუწიათ რთულ მეტეოროლოგიურ პირობებში, ჯიხვებისა და არჩვების გარემოცვაში.
▫️ მეექვსე დღეს, მიუხედავად რთული კლიმატური პირობებისა, ჯგუფმა მაინც მოახერხა გასვლა მწვერვალ გორზე, ჩრდილო-აღმოსავლეთის მარშრუტით. თუმცა, უამინდობის გამო მწვერვალიდან 100 მეტრში მოტრიალება მოუწიათ. დამწყებმა მთამსვლელებმა თოვლიანი ფერდების გადალახვის, ყინულიან და სველ, ქვიან რელიეფზე მოძრაობის დიდი გამოცდილება მიიღეს.
ღონისძიებას ინსტრუქტორი ზაზა ცერცვაძე ხელმძღვანელობდა. მასთან ერთად ალპინიადას ინსტრუქტორობას უწევდნენ - თენგიზ ცერცვაძე, ნიკოლოზ ღვინიაშვილი და იოსებ გორგიშვილი.
👥 ალპინიადაში სულ 23 ადამიანმა მიიღო მონაწილეობა.
