Quel est le site Web ?

https://www.facebook.com/113807545085033/

មិត្តសមាគមខ្មែរកម្ពុជាក្រោមនៅបារាំង AKKKF

Accueil
France
Paris, Île-de-France
មិត្តសមាគមខ្មែរកម្ពុជាក្រោមនៅបារាំង AKKKF

មិត្តសមាគមខ្មែរកម្ពុជាក្រោមនៅបារាំងមានបំណងបន្តវេនពីសមាគមខ្មែរកម្ពុជាក្រោមដែលបានបង្កើតនៅខេត្តឃ្លាំង ដែលមានឧកញ៉ាឡឹម ឯមជាប្រធាន

Amicale des Khmers du Kampuchea Krom en France

24/10/2026

សាររំលែកមរណទុក្ខ
យើងខ្ញុំទាំងអស់គ្នា ព្រមទាំងព្រះតេជគុណព្រះសង្ឃគ្រប់ព្រះអង្គនៃវត្តចន្ទរង្សី (ហៅវត្តខ្មែរកម្ពុជាក្រោម) ថ្នាក់ដឹកនាំ និងសមាជិក សមាជិកានៃមិត្តសមាគមខ្មែរកម្ពុជាក្រោមនៅបារាំង និងសមាគមឧបត្ថម្ភព្រះពុទ្ធសាសនាខ្មែរកម្ពុជាក្រោម មានសេចក្តីក្តុកក្តួល និងសោកស្តាយយ៉ាងក្រៃលែង បន្ទាប់ពីបានទទួលដំណឹងដ៏ក្រៀមក្រំថា ព្រឹទ្ធាចារ្យ ត្រាំង ឆាត ប៊ុត ដែលជាឥស្សរជនខ្មែរក្រោមដ៏ឆ្នើមមួយរូប បានទទួលមរណភាពកាលពីថ្ងៃព្រហស្បតិ៍ ១១កើត ខែអស្សុជ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២២ ខែតុលា ឆ្នាំ២០២៦ វេលាម៉ោង ៩ និង ៣០នាទីព្រឹក ក្នុងជន្មាយុ ៨៦ឆ្នាំ ដោយជរាពាធ។
មរណភាពរបស់លោកព្រឹទ្ធាចារ្យ ត្រាំង ឆាត ប៊ុត គឺជាការបាត់បង់ដ៏ធំធេងនូវធនធានមនុស្ស មេដឹកនាំ និងជាបញ្ញវន្តខ្មែរក្រោមដ៏កម្រមួយរូប ដែលបានលះបង់កម្លាំងកាយចិត្ត ប្រាជ្ញាស្មារតី ពេញមួយជីវិតរបស់លោក ដើម្បីតស៊ូមតិ ទាមទារ និងលើកកម្ពស់សិទ្ធិសេរីភាពជូនប្រជាជាតិខ្មែរក្រោម។
ជាពិសេស យើងខ្ញុំចងចាំជានិច្ចនូវវីរភាពរបស់លោក ដែលទោះបីជាលោកស្ថិតក្នុងវ័យចាស់ជរាក៏ដោយ ក៏លោកនៅតែប្រឹងប្រែង លះបង់ពេលវេលាចូលរួមរាល់សកម្មភាពរបស់សមាគម ព្រមទាំងតែងតែជួយណែនាំ និងផ្តល់យោបល់ដ៏មានតម្លៃបំផុតក្នុងការកសាង និងរៀបចំផ្នែករដ្ឋបាលដល់មិត្តសមាគម ក៏ដូចជានៅវត្តចន្ទរង្សី មិនដែលខកខានឡើយ។ ស្នាដៃ និងគំរូវីរភាពរបស់លោក នឹងចារឹកទុកក្នុងប្រវត្តិសាស្ត្រ និងក្នុងក្រអៅបេះដូងកូនខ្មែរក្រោមគ្រប់រូបជានិច្ច។
ក្នុងវេលាប្រកបដោយសេចក្តីទុក្ខសោកសង្រេងនេះ យើងខ្ញុំសូមចូលរួមរំលែកនូវមរណទុក្ខដ៏សែនទម្ងន់នេះ ជាមួយក្រុមគ្រួសារ កូនចៅ និងញាតិមិត្តទាំងអស់របស់លោកព្រឹទ្ធាចារ្យ ដោយក្តីសង្វេគជាទីបំផុត។
យើងខ្ញុំសូមឧទ្ទិសបួងសួងដល់ដួងវិញ្ញាណក្ខន្ធរបស់លោកព្រឹទ្ធាចារ្យ ត្រាំង ឆាត ប៊ុត សូមលោកបានទៅសោយសុខក្នុងសុគតិភព កុំបីឃ្លៀងឃ្លាតឡើយ។

ធ្វើនៅទីក្រុងប៉ារីស ប្រទេសបារាំង ថ្ងៃទី២៤ ខែតុលា ឆ្នាំ២០២៦

តំណាងដោយ៖
ព្រះតេជគុណព្រះសង្ឃគ្រប់ព្រះអង្គ នៃវត្តចន្ទរង្សី (ហៅវត្តខ្មែរកម្ពុជាក្រោម)
មិត្តសមាគមខ្មែរកម្ពុជាក្រោមនៅបារាំង
សមាគមឧបត្ថម្ភព្រះពុទ្ធសាសនាខ្មែរកម្ពុជាក្រោម

10/10/2026

មិត្តសមាគមខ្មែរកម្ពុជាក្រោមនៅប្រទេសបារាំង បានរៀបចំកាន់បិណ្ឌទី១៤ ដេីម្បីឧទ្ទិសកុសលជូនចំពោះវិញ្ញាណក្ខន្ធបុព្វបុរសខ្មែរទាំងអស់ដែលបានពលីជីវិតដេីម្បីបុព្វហេតុជាតិ»សាសនាខ្មែរកម្ពុជាក្រោម #សមាគមខ្មែរកម្ពុជាក្រោម

14/09/2026

🕊️ សេចក្តីជម្រាបជូនដំណឹងពិធីបុណ្យទក្ខិណានុប្បទានគម្រប់ ១០០ ថ្ងៃ 🕊️
« ជីវិតកន្លងផុតទៅ គុណធម៌ និងស្នាដៃនៅស្ថិតស្ថេរជានិច្ច »

សមាគមពុទ្ធសាសនាខ្មែរកម្ពុជាក្រោម (ABKKK) ព្រមទាំងគណៈកម្មាធិការនាយក ព្រះសង្ឃ និងពុទ្ធបរិស័ទចំណុះជើងវត្តទាំងអស់ មានកិត្តិយសសូមជម្រាបជូនដំណឹង និងគោរពអញ្ជើញ សម្តេច ព្រះតេជព្រះគុណ ព្រះសង្ឃគ្រប់ព្រះអង្គ និងបងប្អូនពុទ្ធបរិស័ទជិតឆ្ងាយទាំងអស់ មេត្តាជ្រាបថា៖

ដើម្បីសម្តែងនូវកតញ្ញូកតវេទិតាធម៌ និងសេចក្តីនឹករលឹកយ៉ាងជ្រាលជ្រៅបំផុត ចំពោះគុណបំណាច់ដ៏ធំធេង ការលះបង់កម្លាំងកាយ ចិត្ត និងពេលវេលាឥតគណនា ក្នុងការទ្រទ្រង់ និងអភិវឌ្ឍសមាគម ព្រមទាំងការសាងសង់ព្រះវិហារកន្លងមក សមាគម និងគ្រួសារនៃសព នឹងរៀបចំ «ពិធីបុណ្យទក្ខិណានុប្បទានគម្រប់ ១០០ ថ្ងៃ» ដើម្បីឧទ្ទិសកុសលផលបុណ្យ ជូនចំពោះវិញ្ញាណក្ខន្ធ លោកអតីតប្រធាន TRANCHARD Rémy ដែលបានទទួលអនិច្ចកម្ម កាលពីពេលកន្លងទៅ។

23/08/2026

[សារលិខិតរំលែកទុក្ខ] 🕊️ថ្នាក់ដឹកនាំ និងសមាជិក សមាជិកានៃ មិត្តសមាគមខ្មែរកម្ពុជាក្រោមនៅប្រទេសបារាំង មានសេចក្តីរន្ធត់ចិត្តយ៉ាងខ្លាំង និងក្តុកក្តួលឥតឧបមា ដោយបានទទួលដំណឹងថា ឧបាសក ទ្រីវ នាង ដែលត្រូវជាឪពុកបង្កើតរបស់ លោក ទ្រីវ ណៅ (ហិរញ្ញិក នៃមិត្តសមាគមខ្មែរកម្ពុជាក្រោមនៅបារាំង) បានទទួលមរណភាពកាលពីថ្ងៃសៅរ៍ ៩ កើត ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី ២២ ខែសីហា ឆ្នាំ ២០២៦ វេលាម៉ោង ៥:៤៥ នាទីព្រឹក ដោយរោគាពាធ នៅភូមិដើមអម្ពិល ឃុំព្រែកតាម៉ុម ស្រុកជ្រោយញ ខេត្តឃ្លាំង កម្ពុជាក្រោម។ យើងខ្ញុំទាំងអស់គ្នា សូមចូលរួមរំលែកទុក្ខយ៉ាងជ្រាលជ្រៅបំផុតជាមួយ លោក ទ្រីវ ណៅ ព្រមទាំងក្រុមគ្រួសារ និងសូមបួងសួងដល់គុណបុណ្យព្រះរតនត្រ័យ សូមជួយដឹងនាំដួងវិញ្ញាណក្ខន្ធ ឧបាសក ទ្រីវ នាង បានទៅកាន់សុគតិភព កុំបីឃ្លៀងឃ្លាតឡើយ។ #រំលែកទុក្ខ #មិត្តសមាគមខ្មែរកម្ពុជាក្រោមនៅប្រទេសបារាំង #ខ្មែរកម្ពុជាក្រោម #ខេត្តឃ្លាំង

16/07/2026

ចាស់ព្រឹទ្ធាចារ្យខ្មែរកម្ពុជាក្រោម និងស្នាដៃរបស់លោកចាស់ព្រឹទ្ធាចារ្យទាំង ៣
រូបភាពមួយសន្លឹកដែលបានបង្ហាញពីលោកចាស់ព្រឹទ្ធាចារ្យខ្មែរកម្ពុជាក្រោមចំនួន ៣ រូប ដែលអង្គុយទល់មុខគ្នាដោយស្នាមញញឹម។ ទោះបីជារូបភាពនេះសាមញ្ញ ប៉ុន្តែវាផ្ទុកទៅដោយរឿងរ៉ាវដ៏ជ្រាលជ្រៅនៃការតស៊ូ និងការលះបង់របស់ពួកគាត់ ដើម្បីការពារសិទ្ធិ និងសេរីភាពរបស់ប្រជាពលរដ្ឋខ្មែរក្រោម។
លោក ត្រាន្សា ប៊ុត៖ (រូបពីស្តាំទី ១) លោកគឺជាបុគ្គលសំខាន់ម្នាក់ក្នុងការបង្កើតសហព័ន្ធខ្មែរកម្ពុជាក្រោម (KKF)។ នៅឆ្នាំ ១៩៨៥ លោកបានចូលរួមក្នុងមហាសន្និបាតលើកទី ១ នៅទីក្រុងស៊ីថល សហរដ្ឋអាមេរិក ដែលជាចំណុចចាប់ផ្តើមនៃការតស៊ូមតិដោយសន្តិវិធីលើឆាកអន្តរជាតិ ដើម្បីទាមទារសិទ្ធិសម្រេចវាសនាខ្លួនដោយខ្លួនឯងរបស់ពលរដ្ឋខ្មែរក្រោម។ ក្រៅពីនេះ លោកក៏ធ្លាប់ធ្វើជាប្រធានមិត្តសមាគមខ្មែរកម្ពុជាក្រោម និងប្រធានរណសិរ្សរំដោះប្រជាពលរដ្ឋខ្មែរប្រចាំអឺរុបផងដែរ។
លោក ថាច់ វៀន៖ (រូបកណ្តាល) លោកគឺជាអ្នកដឹកនាំម្នាក់ក្នុងចំណោមអ្នកដឹកនាំជាច្រើនរបស់ KKF។ លោកធ្លាប់ធ្វើជាប្រធានមិត្តសមាគមខ្មែរកម្ពុជាក្រោម ប្រធានសហព័ន្ធខ្មែរកម្ពុជាក្រោមប្រចាំអឺរុប និងជាអធិបតីសហព័ន្ធខ្មែរកម្ពុជាក្រោម។ ក្នុងតួនាទីទាំងនេះ លោកបានដើរតួនាទីយ៉ាងសំខាន់ និងដឹកនាំសកម្មភាពរបស់សហព័ន្ធ ដើម្បីការពារសិទ្ធិរបស់ពលរដ្ឋខ្មែរក្រោម។
លោក ត្រាន្សា រេមី៖ (រូបពីឆ្វេងទី ៣) លោកគឺជាបុគ្គលដែលឧទ្ទិសខ្លួនដើម្បីបំរើសង្គមខ្មែរក្រោមតាមរយៈការងារមនុស្សធម៌។ លោកធ្លាប់ធ្វើជាប្រធានមិត្តសមាគមខ្មែរកម្ពុជាក្រោម និងជាប្រធានសមាគមឧបត្ថម្ភពុទ្ធសាសនាខ្មែរកម្ពុជាក្រោម រហូតដល់ទទួលអនិច្ចកម្ម។ ក្នុងតួនាទីទាំងនេះ លោកបានដឹកនាំកសាងវត្តខ្មែរកម្ពុជាក្រោម និងជួយថែរក្សា និងលើកកម្ពស់វប្បធម៌ និងសាសនារបស់ខ្មែរក្រោម។
ជីវប្រវត្តិ និងស្នាដៃរបស់លោកចាស់ព្រឹទ្ធាចារ្យទាំង ៣ នេះ គឺជាគំរូដ៏ល្អសម្រាប់យុវជនខ្មែរកម្ពុជាក្រោមជំនាន់ក្រោយ។ ពួកគាត់បានបង្ហាញថា ទោះបីជាមានការលំបាកយ៉ាងណាក៏ដោយ ក៏យើងមិនត្រូវបោះបង់ចោលការតស៊ូដើម្បីការពារសិទ្ធិ និងសេរីភាពរបស់យើងនោះទេ។ ស្នាដៃរបស់ពួកគាត់នឹងនៅតែស្ថិតនៅក្នុងបេះដូងរបស់បងប្អូនខ្មែរក្រោមគ្រប់រូប និងជាប្រភពនៃកម្លាំងចិត្តដើម្បីបន្តតស៊ូដើម្បីអនាគតដ៏ភ្លឺស្វាង។

22/06/2026

Mes publications ont obtenu plus de 150 réactions la semaine dernière. Merci à tout le monde pour votre soutien ! 🎉

20/06/2026

🖤 សេចក្តីជូនដំណឹង មរណទុក្ខដ៏ក្រៀមក្រំ

សមាគមឧបត្ថម្ភព្រះពុទ្ធសាសនាខ្មែរកម្ពុជាក្រោម មានសេចក្តីទុក្ខសោកយ៉ាងក្រៀមក្រំជាទីបំផុត ចំពោះការទទួលអនិច្ចកម្មរបស់ លោកប្រធាន រេមី ត្រាន្សា (Rémy TRANCHARD)នៅយប់ថ្ងៃសៅរ៍ទី ២០មិថុនានេះ។ ការបាត់បង់ដ៏ធំធេងនេះ បានបន្សល់ទុកនូវសេចក្តីអាឡោះអាល័យជាពន់ពេកដល់យើងទាំងអស់គ្នា។
ក្នុងគ្រាដ៏លំបាកនេះ សូមយើងទាំងអស់គ្នារក្សាសាមគ្គីភាព និងនៅក្បែរក្រុមគ្រួសារនៃសព។ ដើម្បីសម្តែងនូវការដឹងគុណ និងឧទ្ទិសកុសលថ្វាយវិញ្ញាណក្ខន្ធរបស់លោកប្រធាន សូមយើងរួមគ្នាបន្តបេសកកម្ម និងបំពេញបំណងប្រាថ្នាចុងក្រោយរបស់លោក គឺការកសាងព្រះវិហាររបស់យើងឱ្យបានរួចរាល់ជាស្ថាពរ។
ពិធីបុណ្យទក្ខិណានុប្បទានគម្រប់ ៧ ថ្ងៃ នឹងប្រព្រឹត្តទៅនៅថ្ងៃសៅរ៍ចុងសប្តាហ៍នេះ នៅក្នុងវត្តរបស់យើង។
សូមដួងវិញ្ញាណក្ខន្ធលោកប្រធានបានទៅកាន់សុគតិភព និងសម្រេចបាននូវព្រះនិព្វានកុំបីឃ្លៀងឃ្លាតឡើយ។

Bonsoir à tous
C’est le cœur lourd que nous vous annonçons le décès de notre respecté Président, Monsieur Rémy TRANCHARD.

Nous partageons tous cette immense douleur. Face à cette épreuve, faisons bloc et apportons tout notre soutien à sa famille. Le chantier de notre temple n'est pas encore terminé, et son vœu le plus cher était de le voir achevé. Continuons son œuvre avec courage pour lui offrir ce dernier hommage.

Nous nous réunirons pour la cérémonie bouddhique des 7 jours samedi prochain à la pagode.🙏🙏🙏

08/06/2026

កម្រងទិដ្ឋភាពកាលពី ថ្ងៃអាទិត្យទី៧មិថុនា ម្សិលមិញ មិត្តសមាគមខ្មែរកម្ពុជាក្រោមនៅ បារាំង បានរៀបចំទិវារំលឹកខួប៧៧ឆ្នាំ កម្ពុជាក្រោមនៅក្រោមអាណានិគមវៀតណាម🌷🌼🌷🌼

08/06/2026

កាលពី ថ្ងៃអាទិត្យទី៧មិថុនា ម្សិលមិញ មិត្តសមាគមខ្មែរកម្ពុជាក្រោមនៅ បារាំង បានរៀបចំទិវារំលឹកខួប៧៧ឆ្នាំ កម្ពុជាក្រោមនៅក្រោមអាណានិគមវៀតណាម

06/06/2026

ទិវារំលឹកខួប៧៧ឆ្នាំ កម្ពុជាក្រោមនៅក្រោមអាណានិគមយួន ដែលរៀបចំនៅវត្តចន្ទរង្សី ថ្ងៃអាទិត្យស្អែកនេះ

Adresse

Paris
75008

Site Web

facebook.com

Notifications

Soyez le premier à savoir et laissez-nous vous envoyer un courriel lorsque មិត្តសមាគមខ្មែរកម្ពុជាក្រោមនៅបារាំង AKKKF publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.