GALP Ría de Vigo A Guarda

20/10/2026

🌊 Come o mar, come saúde! 🍽️

Do 22 de outubro ao 22 de novembro, 64 restaurantes de todo o litoral galego únense á iniciativa Pesca Saúde, en colaboración cos Grupos de Acción Local do sector Pesqueiro 🐟🦐

💙 En colaboración cun equipo de nutricionistas, deseñamos e seleccionamos propostas equilibradas nas que o peixe, o marisco, os moluscos e as algas do noso litoral son os grandes protagonistas. Unha oportunidade para g***r da excelencia da nosa cociña, apostar polo produto de proximidade (Km0) e coidar do teu benestar!

ℹ️ Consulta a lista de establecementos adheridos en pescasaude.gal e descarga os menús coa súa información nutricional.
🗓️ Do 22 de outubro ao 22 de novembro
🌊 Reserva no teu restaurante favorito e pide o teu Menú Pesca Saúde!

14/10/2026

Esta semana celebráronse as sesións prácticas do obradoiro de ’Batchcooking’ do proxecto Pesca Saúde🐟

👉🏻 Os días 13 e 14 de outubro, o Galp Ría de Vigo - A Guarda organizou este curso para aprender a planificar e preparar as comidas de toda a semana de xeito práctico e saudable.

🧑‍🍳O curso estivo impartido por Gustavo Soliño, de Pandemillo Taberna Galega, acompañado por Valeria Freijedo, nutricionista de Arela Saúde, e coa colaboración da Cofradía de Pescadores ‘San Xoan’ de Redondela.

🌊 Na actividade tamén estivo presente a xerente do Galp Ría de Vigo - A Guarda, Elena Herbello.

09/10/2026

Hoxe, o alumnado de 3º e 4º da ESO do IES As Barxas de Moaña visitou as instalacións de Aixola no marco do proxecto RELEVO XERACIONAL: O Futuro do Mar.

Con máis de 25 anos de traxectoria, Aixola é un centro de formación especializado no sector marítimo que aposta por unha formación maioritariamente práctica. Durante a xornada, o alumnado coñeceu a oferta formativa do centro e a súa metodoloxía de aprendizaxe.

Unha oportunidade para achegar a mocidade ás profesionais do sector marítimo-pesqueiro, descubrir novas saídas profesionais e contribuír ao necesario relevo xeracional.

08/10/2026

Continúa a visita do noso GALP Ría de Vigo-A Guarda o Grupo de Acción Local para a Pesca e a Acuicultura en Italia.

A xornada de hoxe está adicada a coñecer a localidade marítima de Caorle, na rexión do Véneto.

Representantes das confrarías de pescadores de Aldán, Arcade, Vilaboa e Cangas, xunto coa xerente do GALP están descubrindo a Marinería desta cidade, o mercado do peixe e finalmente desprazaranse á Illa do Pescador onde contemplarán os típicos ‘casoni’, construcción empregadas no pasado polos pescadores como residencia durante os períodos de pesca.

07/10/2026

Os grupos dos GALP Rías Baixas encóntranse nunha visita de estudo en Italia (Grupo de Acción Local para a Pesca e a Acuicultura do Veneto). Entre os representantes está a nosa xerente do Galp Ría de Vigo - A Guarda, Elena Herbello.

Na xornada de hoxe percorreron Rossano, onde o grupo visitou a fábrica de papel reciclado “Favini” e as instalacións da empresa de acuicultura de mexillóns “Mitilla”, na Illa de Pellestrina.

07/10/2026

🐟🥗 Obradoiro de ‘Batchcooking’ de Pesca Saúde. Queres comer de forma máis saudable, aforrar tempo na cociña e incorporar produto pesqueiro á túa dieta? O GALP Ría de Vigo-A Guarda organiza este curso práctico no que aprenderás a organizar sesións de cociñado para toda a semana.

👨‍🍳👩‍⚕️ Aprende con Gustavo Soliño de Pandemillo Taberna Galega
e Valeria Freijedo, nutricionista de Arela Saúde, e a Confraría de pescadores “San Xoán” de Redondela.

🍲 Ensinarémosche receitas e técnicas sinxelas para cociñar produtos do mar sen perder sabor nin propiedades, claves para saber que especies se conservan mellor na neveira ou no conxelador, e trucos para optimizar o tempo na cociña e reducir o desperdicio alimentario.

🎁 As persoas participantes recibirán un receitario, unha guía de consellos e información nutricional, así como un mandil e unha bolsa da compra exclusiva feita con redes e plásticos reciclados elaborada pola Asociación de Redeiras de Cariño en colaboración coa Aula Sostible do Freixo (Outes).

📅 Datas: Martes 13 e mércores 14 de outubro (2 sesións de 4 horas).
⏰ Horario: De 17:00 a 21:00
📍 Lugar: Praza de Abastos de Redondela
🎟️ Prezo: Gratuíto (prazas limitadas).
👉 Reserva a túa praza canto antes en pescasaude.gal ou no 627 570 949

05/10/2026

⚓ O MAR TAMÉN É FUTURO. DESCUBRE O TEU CAMIÑO.
Estás pensando que estudar?
Buscas unha saída profesional?
Gustaríache traballar no mar pero non sabes por onde comezar?

Do 21 ao 23 de outubro, o proxecto RELEVO XERACIONAL: O FUTURO DO MAR estará presente en EDUGAL, a Feira Educativa de Pontevedra, cun stand propio.
Queremos achegarche todas as posibilidades que ofrece o sector marítimo-pesqueiro e mostrarche que non hai un único camiño para chegar ao mar.

🎓 Formación Profesional e FP Dual
⚓ Formación e titulacións profesionais para traballar no mar (formación básica, mariñeiro/a pescador/a, patróns, redeiras e outros cursos e acreditacións específicas do sector)

💼 Saídas laborais reais no sector marítimo-pesqueiro.
Porque o sector pesqueiro precisa novas xeracións, persoas formadas e novos profesionais que garantan o seu futuro. Un sector con tradición, pero tamén con novas oportunidades, tecnoloxía, innovación e emprego cualificado.

Se es estudante, docente, orientador/a, estás decidindo que estudar, buscas unha nova oportunidade laboral ou simplemente queres coñecer mellor as profesións e posibilidades de formación que ofrece o mar, ven falar connosco.

Pásate polo noso stand en EDUGAL e descubre que camiño pode levarte ao mar🌊
📍 EDUGAL · Pontevedra
📅 21, 22 e 23 de outubro
🕙 De 10:00 a 18:00 h

👉 Agardámoste!
Máis información sobre a feira: EDUGAL – Feira Educativa de Pontevedra

04/10/2026

02/10/2026

🌊 Os Grupos de Acción Local do sector Pesqueiro poñemos en marcha «Feito co Mar», un proxecto para fomentar o emprendemento a través da transformación do produto pesqueiro. ⚓️

💡 Estamos a traballar na posta en marcha dos Viveiros Formativos de Emprendemento, que contarán con dous programas en 2027:

🔹 Iniciación
🔹 Profesionalización

Ambos os dous estarán orientados á formación práctica, á experimentación e ao acompañamento de proxectos de emprendemento e innovación. 🌱

📍 Encontros informativos: A partir de outubro celebraremos máis de 20 encontros en concellos de toda a costa de Galicia para presentar a programación detallada e captar proxectos que poidan impulsarse nos Viveiros. 📢

📲 Máis información e contacto: i.gal/feitocomar
✉️️Correo: [email protected]
📞 Teléfono: 627 570 95

01/10/2026

Proxectos Convocatoria 2026
A xornada do día 16, finalizou coa intervención da directora de AFAMO (Asociación de Familiares de Persoas con Alzheimer), Martina Ferradás, que falou do seu proxecto ‘A música nas artesanías primixenias do Mar’ pensado para mellorar as condicións de vida dos enfermos de Alzheimer, das persoas maiores e das persoas con discapacidade, a través da música e as cancións tradicionais. O músico Xavier Blanco ensinou distintos instrumentos realizados con ferramentas da pesca ou con madeiras de deriva, cos cales dende sempre interpretouse a música tradicional mariñeira.