14/07/2026
O proxecto "Relevo xeracional: O Futuro do Mar" promovido polos 8 GALPs galegos, continuou no noso territorio cunha nova experiencia de embarque para o alumnado.
Está mañá, Mohamed, un alumno de 16 anos viviu en Aldán unha auténtica xornada de traballo a bordo do pesqueiro Castro da Costa, patroneado por Damián.
Mohamed compartiu unha xornada real de traballo xunto a profesionais do mar, para coñecer de primeira man o día a día da pesca profesional. Neste caso tratábase de pesca con nasas e a experiencia, que lle resultou extraordinariamente satisfactoria, tamén o foi para a embarcación. Fixéronse cuns 65 quilos, dos que uns 50 eran exemplares de moi bo tamaño. Ao chegar a terra, Mohamed acompañoulles á lonxa para coñecer a actividade ao completo, coa pesada de capturas e venda do produto.
Tras esta nova experiencia no territorio do GALP Ría de Vigo-A Guarda, os embarques continuarán desenvolvéndose no resto de territorios GALP de Galicia, ofrecendo a novos estudantes a posibilidade de descubrir, desde dentro, as múltiples oportunidades profesionais que ofrece o mar.
