ANPA A Boca do CPI Plurilingüe de Vedra

29/10/2026

As familias estamos recibindo información sobre a renovación do Consello Escolar, na que corresponde un representante dos pais e nais.
🤔 Pero, por que debemos participar no Consello Escolar do cole?
🧐 Preparamos un pequeno resumo coa información, e animámosvos a que presentedes candidatura e acudades a votar, porque é a nosa responsabilidade participar da vida educativa dos nosos fillos e fillas.
ℹ️ Toda a información para o proceso electoral, calendario e modelos de presentación de candidaturas está dispoñible na web do centro
https://www.edu.xunta.gal/centros/cpidevedra/node/991

27/10/2026

Tes un fillo ou filla estudando no CPI de Vedra? Entón, asóciate á ANPA "A Boca", entrando en www.anpavedra.es e participa na comunidade educativa do noso centro.

A ANPA A Boca somos as familias que queremos participar, propoñer, colaborar e contribuír a mellorar a vida educativa das nosas crianzas. 🤝

📣 Representamos os intereses das familias, impulsamos iniciativas, compartimos información útil e promovemos espazos de participación como a Escola de Familias.

Porque a comunidade educativa constrúese entre todas e todos. E cantas máis familias participemos, máis cousas poderemos facer! 💪

👉 Ti tamén formas parte desta comunidade. Súmate á ANPA!

05/10/2026

Compartimos o menú do mes de outubro do comedor escolar

09/09/2026

Comeza un novo curso!
Compartimos o menú de setembro do comedor.

19/06/2026

Pechamos o curso celebrando a nosa cultura, a nosa lingua e o xogo.

Desde a ANPA do CPI de Vedra propuxemos despedir este curso cunha mañá de actividades para o alumnado de Secundaria, na que as regueifas e os xogos tradicionais galegos foron protagonistas.

Da man de Raquel Doallo, Carlos Quintá e Luís Caruncho, achegámonos á regueifa como expresión oral, creativa e viva da nosa tradición, pero tamén con toda a modernidade. Os mozos e mozas demostraron o seu talento para tirar de retranca e rimar sobre os novos menús do comedor, os exames ou as futuras vacacións.
Tamén compartimos con ASOCIACIÓN AMABUL unha proposta arredor dos xogos tradicionais galegos, entendidos como patrimonio cultural, motor de convivencia e ferramenta pedagóxica.

Para Infantil e Primaria, nada mellor que pechar o curso saltando nos inchables para descargar a enerxía sobrante tras o seu brillante festival de fin de curso.

Un xeito fermoso de rematar o curso: aprendendo, participando, rindo e facendo comunidade.

Desexámosvos un feliz verán para estas merecidas vacacións.

Estas actividades foron posibles grazas á Deputación da Coruña , o Concello de Vedra e a cooperación do conxunto da comunidade educativa do CPI de Vedra.

13/04/2026

Recorda! Este mércores tes unha nova cita na Escola de Familias do CPI de Vedra.

💬“Esta charla é só para familias con fillos/as con TEA?”
👉 Non. É para todas as familias.

💬 “E entón, por que debería interesarme?”
👉 Porque o autismo forma parte da nosa realidade educativa. Os nosos fillos e fillas son amigos ou comparten aula con nenos e nenas con TEA… e tamén forman parte desa convivencia.

💬 “Que vou aprender?”
👉 A comprender mellor o autismo, a educar na diversidade e a acompañar aos nosos fillos/as para que se relacionen con respecto e empatía, para unha inclusión real.

💬 “E isto tamén vai de acoso escolar?”
👉 Si. Sabías que se estima que case a metade do alumnado con TEA sofre acoso escolar?
Como familias, temos un papel clave para previlo.

💬 “Quen imparte a charla?”
👉 Marlene Horna, psicóloga sanitaria e unha das principais referentes en TEA a nivel estatal. Un auténtico privilexio contar con ela no noso cole.

💬 “Cando e onde é?”
📅 15 de abril
🕔 17:00 – 20:00 h
📍 CPI de Vedra

💬 “Podo ir se teño dificultades para conciliar?”
👉 Si! Haberá servizo gratuíto de ludoteca.

📌 Inscricións: i.gal/EFAabril26

💙 Porque educar en diversidade é responsabilidade de toda a comunidade. Contamos contigo!

07/04/2026

📣 O 15 de abril temos unha cita moi especial no cole:

🧠 “Autismo: aprendendo e desfrutando xunt@s na escola”
👩‍🏫 Con Marlene Horna, unha das grandes referentes a nivel estatal en TEA. Un auténtico privilexio contar con ela 🙌

👉 Dirixida a TODAS as familias
Porque a convivencia, a inclusión e o respecto á diversidade constrúense entre todas e todos. Non é só cousa dunhas poucas familias: é responsabilidade de toda a comunidade educativa 💙

💬 Falaremos de como comprender mellor o autismo, romper estereotipos e educar desde a casa para unha escola máis inclusiva e real.

🧩 Ludoteca gratuíta para facilitar a conciliación

📅 15 abril
🕔 17:00–20:00 h
📍 CPI de Vedra

✍️ Inscríbete: i.gal/EFAabril26

Actividade subvencionada pola Deputación da Coruña
Coa colaboración do Concello de Vedra e Fanpa Compostela

27/02/2026

Mañá sábado 28, ás 12:00h a Plataforma Galega en Defensa do Ensino Público convoca a unha gran mobilización na na Alameda de Santiago, en demanda de medidas para atender a diversidade, unha problemática que tamén vivimos no noso centro.

Por iso, animámosvos a acudir, porque a atención a diversidade afectános a todas: se a educación é inclusiva, ninguén queda fóra. Cada rapaz e cada rapaza ten dereito a ter os recursos e apoios que precise.

Mañá, sábado 28, na Alameda de Santiago, todas as persoas que temos un compromiso coa inclusión real no ensino público galego estamos chamadas a esta manifestación que convoca a Plataforma Galega en Defensa do Ensino Público.

A atención a diversidade afectános a todas, porque se a educación é inclusiva, ninguén queda fóra. Cada rapaz e cada rapaza ten dereito a ter os recursos e apoios que precise. Defender a atención á diversidade é tamén construír unha sociedade mellor e máis xusta.

Mañá une a túa voz, desde as familias, por un presente máis xusto e equitativo. Contamos contigo.

19/01/2026

🎮 Charla: Os perigos e vantaxes dos videoxogos 🕹️

Este mércores 21 de xaneiro haberá unha charla no CPI de Vedra sobre o mundo dos videoxogos.

🗣️ Relator: Leo Espiña (Graduado en Belas Artes especializado en videoxogos).

📅 Cando: 21/01/2026 ás 06:30 PM.

📍 Lugar: Aula de Plástica (CPI de Vedra).

Desde a ANPA facilitamos servizo de conciliación, se o precisas solicítao no seguinte formulario: https://forms.gle/J3GbH4fYWXqBdzC6A (Hoxe último día)

11/12/2025

📣 Charla para familias: “E despois da ESO, que?”
📅 15 decembro · 🕠 18:30h · 📍 CPI de Vedra

Esta charla axudarache a coñecer todas as opcións educativas e como acompañar o teu fillo ou filla na elección do seu camiño.

👩‍🏫 Imparte: Beatriz Trigo, orientadora do CPI de Vedra.

🔗 Inscrición gratuíta: https://forms.gle/5CevbeXbVtj3amjQ6

Saúdos!