Lunes 08:00 - 15:00 Martes 08:00 - 15:00 Miércoles 08:00 - 15:00 Jueves 08:00 - 15:00 Viernes 08:00 - 15:00

GDR Terras de Compostela

Casa
España
Vedra
GDR Terras de Compostela

A Asociación Terras de Compostela está constituída por entidades do ámbito agrogandeiro/forestal, social, cultural, veciñal, e económico/profesional, Asoc.

GDR Terras de Compostela é unha asociación sen ánimo de lucro, modelo de partenariado público e privado, que implica a todos os actores locais, tanto as institucións, como o tecido asociativo así como a
sociedade en xeral do seu ámbito territorial O Grupo de Desenvolvemento Rural Asociación Terras de Compostela, nace no ano 2008 como asociación sen ánimo de lucro e en prol do desenvolvemento econó

mico e social da súa zona de actuación que abrangue 10 concellos: Ames, Boqueixón, Brión, Santiago, Teo, Val do Dubra, Vedra, A Baña, Negreira e Santa Comba. mulleres e xóvenes do territorio así como polos concellos e actúa como colaboradora de AGADER (Axencia Galega de Desenvolvemento Rural) na tramitación de axudas e como dinamizador e asesor dos promotores do territorio para o programa LEADER GALICIA 2007- 2013

22/06/2026

🍽️ Seguimos acompañando aos centros da rede de 𝐂𝐨𝐦𝐞𝐝𝐨𝐫𝐞𝐬 𝐑𝐞𝐬𝐩𝐨𝐧𝐬𝐚𝐛𝐥𝐞𝐬 𝐊𝐌 𝟎!! 🤝

Nas últimas semanas realizamos visitas personalizadas aos centros participantes no territorio do 𝐆𝐃𝐑 𝐓𝐞𝐫𝐫𝐚𝐬 𝐝𝐞 𝐂𝐨𝐦𝐩𝐨𝐬𝐭𝐞𝐥𝐚, un espazo para compartir, escoitar e acompañar aos 👩‍🍳👨‍🍳 equipos de cociña, responsables de comedor e equipos directivos na aplicación das medidas recollidas no novo 𝑅𝑒𝑎𝑙 𝐷𝑒𝑐𝑟𝑒𝑡𝑜 𝑑𝑒 𝑐𝑜𝑚𝑒𝑑𝑜𝑟𝑒𝑠 𝑒𝑠𝑐𝑜𝑙𝑎𝑟𝑒𝑠.

📝 Estas auditorías permítennos coñecer a realidade de cada centro, resolver dúbidas, recoller inquedanzas e ofrecer asesoramento para facilitar que os cambios se traduzan en comedores máis saudables, sostibles e conectados co territorio 🌱

📸 Nas imaxes podedes ver as nosas visitas a:
➡️ CEIP Barrié de la Maza (Santa Comba).
➡️ CEIP Pepe de Xan Baña (Santa Comba).
➡️ CPI de Vedra (Vedra).
➡️ CEIP Antonio Orza Couto (Boqueixón).
➡️ CPI de San Vicente (A Baña).
➡️ CPR ALCA (Ames).
➡️ CEIP A Igrexa-Calo (Teo).
➡️ CEIP de Pedrouzos (Brión).
➡️ Escola Infantil Piolín (Bertamiráns).

Grazas a todos os equipos pola acollida, a implicación e o compromiso cunha alimentación escolar de maior calidade 💚

19/06/2026

Calma e Sabor en Teo 🌿

Regálate unha tarde para desconectar, respirar e saborear o mellor da natureza no Concello de Teo

📅 Venres, 3 de xullo
🕗 20:00 h

Comezaremos cun agradable paseo duns 15 minutos desde a Área Recreativa de Mouromorto ata a finca de arandos Teoberries, onde coñeceremos este espazo da man do seu propietario.

💙 Despois, gozaremos dunha sesión de relaxación e movemento
consciente rodeados de natureza.

🍇 Para rematar, volveremos ao punto de inicio para degustar arandos frescos e deliciosos produtos elaborados con eles: marmelada e madalenas.

🧘‍♀️ Lembra traer a túa esterilla.
⏳ Duración aproximada: 2 horas.
👥 Actividade recomendada para persoas adultas.
🎟️ Gratuíta, con reserva previa.
👉 Reserva a túa praza en: https://www.teo.gal/es/actividades

Actividade cofinanciada poa Axencia Turismo de Galicia.

17/06/2026

Xogo e mindfulness para descubrir a historia de Rois: de cruceiro en cruceiro!

O próximo sábado 04 de xullo, convidámoste a vivir unha experiencia no Vía Crucis de Sorribas para descubrir a historia de Rois a través de xogos e mindfulness, exploración sensorial na natureza e expresión creativa, con saida ás 10.00 h, no lugar do Vía Crucis de Sorribas(https://maps.app.goo.gl/k8V7Xz2eiecSwzKi9)

As persoas participantes terán que ir atopando partes dun mapa oculto nos cruceiros mediante probas para así compoñer o mapa final. Unha vez finalizada e búsqueda e completado o mapa, cada participante creará a súa propia obra con arxila.

Actividade dirixida a tódolos públicos, en especial para familias con crianzas de 8 anos ou máis. As persoas menores de idade deben asistir acompañadas de persoas adultas.

A actividade é gratuíta e previa reserva no seguinte enlace:
https://forms.gle/vvjN76d7gD57U37s6

Actuación cofinanciada coa Axencia de Turismo de Galicia

15/06/2026

🍃 Hai lugares que se visitan... e outros que se viven.

Este ano convidámoste a descubrir as Terras de Santiago a través dun completo programa de experiencias que percorrerá os once concellos do xeodestino entre os meses de maio e novembro.

Natureza, gastronomía, patrimonio, música, tradición e benestar únense para ofrecer momentos únicos: rutas guiadas, showcookings, catas, paseos conscientes e actividades para compartir en familia.

🗺️ Consulta no mapa as datas e os lugares de cada experiencia e permanece atento/a ás nosas redes sociais, onde anunciaremos toda a información e a apertura das inscricións.

✨ Vive o territorio, conecta coa súa esencia e crea lembranzas nas Terras de Santiago.

Todas as actividades están cofinanciadas pola Axencia de Turismo de Galicia.

15/06/2026

✨ Historia, patrimonio, música e paisaxe déronse a man na última actividade do Xeodestino Terras de Santiago.

📍 Desde a Capela de San Blas, en Ponte Maceira, ata o Pazo do Cotón, no Concello de Negreira, as persoas participantes descubriron lugares con encanto, historias e lendas que fan único este territorio, acompañadas en todo momento pola voz da soprano Esperanza Mara Filgueira Rama

💚 Grazas a todas as persoas que compartistes esta experiencia connosco. Seguimos poñendo en valor a riqueza das Terras de Santiago!

Actividade cofinanciada pola Axencia de Turismo de Galicia

Galicia

11/06/2026

🎶 Imaxinas percorrer o Camiño de Santiago mentres a música en directo acompaña cada paso?

Este domingo 14 de xuño convidámoste a descubrir Concello de Negreira nun paseo diferente, no que a historia, as lendas e o patrimonio se entrelazarán coa voz da soprano Esperanza Mara, que ofrecerá tres pequenas intervencións musicais ao longo do percorrido.

O broche final será na Capela de San Mauro, no Pazo do Cotón, arredor das 12.30 h.

✨ Unha experiencia para vivir con calma, escoitar e descubrir.

👉 Reserva a túa praza aquí:
https://forms.gle/8tQMMBwhsANgwmSd8

Esta actuación conta co finaciamento da e a Turismo de Galicia, está encaixada dentro do marco do convenio de colaboración entre a Axencia de turismo de Galicia e a Asociación Terras de Compostela para a execución de actividades de promoción do turismo no Xeodestino Terras de Santiago.

10/06/2026

🌿 Seguimos levando o Xeodestino Terras de Santiago máis lonxe!

Do 4 ao 7 de xuño participamos en Turexpo Galicia 2026, unha das principais feiras turísticas do noroeste peninsular, para dar a coñecer a riqueza do noso territorio e promover un modelo de turismo sostible, auténtico e de calidade.

Ademais, tivemos o pracer de recibir a 24 turoperadores e axencias de viaxes internacionais, procedentes de máis de 13 países, que visitaron o noso xeodestino nunha viaxe de familiarización organizada no marco da Bolsa de Contratación de Turexpo.

📍 Durante a súa estancia coñeceron o Pazo do Faramello (Rois), un enclave único que serviu como escaparate da ampla oferta turística dos 11 concellos que integran o Xeodestino Terras de Santiago: , , , , , , , , , e .

A xornada rematou cun encontro de networking no que se presentou o novo material promocional do destino, reforzando as oportunidades de colaboración e proxección internacional.

💚 Seguimos traballando para posicionar Terras de Santiago como un destino que namora polo seu patrimonio, a súa natureza, a súa gastronomía e a súa hospitalidade.

A participación do Xeodestino Terras de Santiago no recinto feiral da Semana Verde de Silleda, contou co cofinaciomento da Axencia de Turismo de Galicia.

04/06/2026

"Terras de Santiago: moito máis que un lugar de paso, un destino para quedar na memoria." 🌿✨

🌿✨ O Xeodestino Terras de Santiago participa en Turexpo Galicia 2026, do 4 ao 7 de xuño, para seguir promocionando un destino cheo de experiencias, patrimonio, natureza e autenticidade.

Un territorio onde tradición e modernidade conviven, onde os camiños, a cultura, a gastronomía e a hospitalidade das súas xentes conforman unha proposta turística única para descubrir durante todo o ano.

A nosa presenza nesta feira supón unha oportunidade para dar a coñecer a riqueza dos concellos que integran as Terras de Santiago, establecer novas alianzas e reforzar o posicionamento do destino nos mercados turísticos.

📍 Estes días estaremos en Silleda amosando todo o que as Terras de Santiago teñen que ofrecer. Un destino para sentir, descubrir e vivir.

DescubreTerrasDeSantiago TurismoSostible

04/06/2026

Xogo e mindfulness para descubrir o pemento de Herbón!

Convidámoste a vivir unha experiencia nos exteriores do Convento de Herbón para conectar emocionalmente coa natureza a través de xogos e mindfulness, actividades sensoriais e expresión creativa.

As persoas participantes terán que ir atopando partes dun mapa ocultas na natureza con probas para facer ata crear o mapa final.

Cada crianza levará para a súa casa unha carteira máxica.

Actividade gratuíta previa reserva en www.padronturismo.gal/inscricions

Actividade dirixida a tódolos públicos, en especial para familias. As persoas menores de idade deben asistir acompañadas de persoas adultas.

Actividade cofinanciada pola Axencia de Turismo de Galicia.

28/05/2026

Un paseo musical pola tradición de Negreira…

Seguimos descubrindo o Xeodestino Terras de Santiago! Imos a Negreira para achegarnos á súa historia a través dun paseo musical...

O próximo domingo 14 de xuño sairemos ás 10.30 h da Capela de San Blas en Ponte Maceira para ir percorrendo amodiño... o itinerario do Camiño de Santiago ata o corazón da vila: o Pazo do Cotón.

Iremos dirixidos por un guía que nos irá contando a historia e historias de Negreira, contos... e lendas! Por certo, coñeces a "lenda do Pazo da Chancela” en Logrosa?

Acompañaranos tamén a música celestial da soprano Esperanza Mara... no punto de saída, no de chegada e ao seu paso pola Chancela.

Inscricións a través deste formulario e a través da imaxe do QR. Prazas limitadas.
https://forms.gle/8tQMMBwhsANgwmSd8

Actividade gratuíta previa confirmación de reserva de praza no correo de inscrición por orde de solicitude.

+ info: [email protected]

Esta actuación conta co finaciamento da e a , está encaixada dentro do marco do convenio de colaboración entre a Axencia de turismo de Galicia e a Asociación Terras de Compostela para a execución de actividades de promoción do turismo no Xeodestino Terras de Santiago

Dirección

Cibran, Nº 4/San Xian De Sales
Vedra
15885

Horario de Apertura

Lunes	08:00 - 15:00
Martes	08:00 - 15:00
Miércoles	08:00 - 15:00
Jueves	08:00 - 15:00
Viernes	08:00 - 15:00

Página web

http://www.terrasdecompostela.org/site/

Notificaciones

Sé el primero en enterarse y déjanos enviarle un correo electrónico cuando GDR Terras de Compostela publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.