26/10/2026
💙 INÉS VARELA, UNHA VOZ QUE DEIXOU PEGADA NO ENCONTRO DE POBOS MÁXICOS DE ESPAÑA 👏
Este sábado tivemos a oportunidade de compartir, convidadas polo CONCELLO DE PADRÓN, o proxecto «Camiño á Inclusión» no Encontro de Pobos Máxicos de España, celebrado no Campus Tecnolóxico de Cortizo, en Padrón.
Foi unha tarde moi especial para AMIPA e, sobre todo, para Inés Varela, que emocionou o público compartindo a súa experiencia neste proxecto de no Camiño Portugués a Santiago.
Inés falou de autonomía, de confianza, de talentos e de oportunidades das persoas con discapacidade ao servizo da comunidade e do turismo. Contou os resultados do proxecto para as súas compañeiras e como, a través de «Camiño á Inclusión», puido atender persoas peregrinas de diferentes países e vender os produtos elaborados en AMIPA.
Pola súa parte, Begoña Suárez, xerente de AMIPA, convidou a cambiar a mirada: deixar de preguntarnos unicamente que necesitan as persoas con discapacidade e comezar a preguntarnos que queren e que poden achegar á súa comunidade.
Porque a inclusión real consiste en recoñecer os talentos de cada persoa e construír, entre todas, comunidades que funcionen ben para todas as persoas.
Grazas a por desenvolver este proxecto, e q galiwonders.com por sumarse ao mesmo, así como a todas as persoas e entidades que fixeron posible este camiño compartido.
E grazas á organización do Encontro de Pueblos Mágicos de España por abrir un espazo para escoitar as voces das persoas con discapacidade e como contribúen con proxectos reais ao desenvolvemento dos territorio que habitan.
Porque ningunha persoa teña que ser incluída nun lugar ao que xa pertence.
💙 Parabéns, Inés!!!
