Asociación Veciñal Pego-Sar

  • Home
  • Asociación Veciñal Pego-Sar
Directions Website Contact the organization

Asociación Veciñal Pego-Sar Iniciativa dos lugares de Gándara, Cirro, O Cabo, Vilanova, Outeiro e O Rial da Parroquia dos Ánxeles (Brión).

🌰💚 GRAZAS POR UNHA XORNADA INCRIBLE! 💚🌰Onte xuntámonos 75 persoas para compartir un día cheo de alegría, risas, música e...
18/10/2026

🌰💚 GRAZAS POR UNHA XORNADA INCRIBLE! 💚🌰

Onte xuntámonos 75 persoas para compartir un día cheo de alegría, risas, música e moitas ganas de pasalo ben. E non podemos estar máis felices! 🥰

Grazas a todas as persoas que viñestes desfrutar da xornada, ás que botastes unha man para que todo saíse adiante, ás que puxestes a música, tocastes e bailastes… e, por suposto, aos máis de 30 nenos e nenas que xogaron toooodo o día e encheron o lugar de vida e ledicia! 🧒👧🎶💃

Grazas tamén a quen colaborou coa preparación, coa comida, coas castañas e con cada pequeno detalle. Porque detrás dun día así hai moitas mans, tempo, ilusión e ganas de construír comunidade.

O mellor de todo foi comprobar que, cando nos xuntamos, pasan cousas bonitas. Que hai ganas de compartir, de coñecernos, de rir e de facer comunidade. Pola nosa parte como asociación, temos moita vida e moitas ganas de seguir medrando xuntos e xuntas. 🌿

Marchamos coa barriga chea, os pés cansos de tanto bailar e o corazón aínda máis cheo. ❤️

Grazas por vir, por colaborar e por formar parte disto. Isto só acaba de comezar!

🌰💚 AV Pego-Sar! 💚🌰

Proximamente máis detalles!! 🌰🌰
01/10/2026

Proximamente máis detalles!! 🌰🌰

Hoxe tivemos a oportunidade de desfrutar dunha pequena ruta para coñecer as nosas aldeas e a vez a sorte de desfrutar da...
19/09/2026

Hoxe tivemos a oportunidade de desfrutar dunha pequena ruta para coñecer as nosas aldeas e a vez a sorte de desfrutar da compañía dos veciños (50 persoas nada menos!). Grandes e pequenos facendo aldea!!
Moitas grazas a tod@s por participar!🌸❤️

🌿 Comezamos con novas actividades!Despois do parón do verán, que mellor maneira de comezar que saíndo a descubrir recun...
13/09/2026

🌿 Comezamos con novas actividades!

Despois do parón do verán, que mellor maneira de comezar que saíndo a descubrir recunchos das nosas aldeas?

📅 Sábado 19 de setembro
📍 Parque do Outeiro
⏰ 11:00 h
🥾 Ruta de aproximadamente 4 km

Unha actividade para pequen@s, median@s e maiores, para camiñar, descubrir e desfrutar xuntos.

👉 Trae auga e un petisco na túa mochila!

A actividade está organizada pola Asociación Veciñal Pego-Sar coa guía do noso veciño Suso Díaz.

Anímate a participar! 💚🌿

🌿 Presentamos o noso logo!Hoxe queremos compartir con vós algo moi especial: o logo da Asociación Veciñal Pego-Sar. 💚Qui...
11/09/2026

🌿 Presentamos o noso logo!

Hoxe queremos compartir con vós algo moi especial: o logo da Asociación Veciñal Pego-Sar. 💚

Quixemos crear un símbolo que nos represente e que recolla parte da esencia do lugar no que vivimos.

💦A auga, tan presente na nosa contorna e ligada á vida das nosas aldeas.

⚙️O muíño, como elemento emblemático da zona e parte da nosa historia e do noso patrimonio.

E, por riba de todo, a vontade de que este logo represente unha veciñanza unida, participativa e con ganas de facer comunidade.

🌿 Agardamos que vos guste!

Asociación Veciñal Pego-Sar 💚

👀 Temos novidades en camiño!Despois das vacacións, volvemos con enerxías renovadas e con moitas ganas de poñer en marcha...
06/09/2026

👀 Temos novidades en camiño!

Despois das vacacións, volvemos con enerxías renovadas e con moitas ganas de poñer en marcha novas actividades. 🌿

Aínda non podemos contarvos todo… 🤭 pero moi pronto teremos cousiñas que anunciar!

Estade atentos/as! 💚
Asociación Veciñal Pego-Sar

Participa na asemblea!
04/06/2026

Participa na asemblea!

🖤 COMUNICADO OFICIAL: SUSPENSIÓN DA FESTA DOS MAIOSQueridos veciños e veciñas,Dende a Asociación Veciñal Pego- Sar quere...
21/05/2026

🖤 COMUNICADO OFICIAL: SUSPENSIÓN DA FESTA DOS MAIOS
Queridos veciños e veciñas,
Dende a Asociación Veciñal Pego- Sar queremos manifestar a nosa máis profunda consternación e dor ante a terrible traxedia ocorrida onte no noso entorno, coa dolorosa perda dunha veciña de tan só dous aniños. Non hai palabras que poidan aliviar un sufrimento así.
Como comunidade, compartimos o baldeiro e o abatemento que hoxe nos asolaga a todos. Queremos trasladar de todo corazón o noso máis sentido pésame, así como todo o noso agarimo, apoio e máximo respecto á familia nestes momentos de inimaxinable dor.
Sumándonos ao loito oficial decretado polo Concello, e por puro respecto e solidariedade coa familia e os achegados, decidimos suspender a Festa dos Maios que tiñamos programada para este sábado.
Cremos firmemente que agora é momento de estar unidos no silencio, no respecto e no acompañamento. Máis adiante, se o ánimo o permite, valoraremos a posibilidade de buscar unha nova data, pero hoxe a prioridade absoluta é o recordo da pequena e o respecto ao loito da súa familia.
Moitas grazas a todos pola vosa comprensión e solidariedade.
Xunta directiva da Asociación Pego- Sar

Boas veciñ@s! Aproxímase a festa dos maios e precisamos ter unha estimación das persoas que vos apetece acompañarvos ese...
03/05/2026

Boas veciñ@s!
Aproxímase a festa dos maios e precisamos ter unha estimación das persoas que vos apetece acompañarvos ese día para preparar os talleres e a merenda. Pasámosvos un enlace para anotarvos (nenos/as e adultos/as).
A mediodía cadaquen trae a súa comida, pero pola tarde contaremos cunha pequena merenda (doces, empanada, froita, auga…) a prezo reducido para recaudar fondos para a asociación. Esperámosvos!! 🌸🌸



https://docs.google.com/document/u/0/d/1iiz-f0vuThJKYqcxTWMJgK6MOQdrc7zWEtwoZRA8K1U/mobilebasic

🌸 CELEBRAMOS A CHEGADA DA PRIMAVERA🌿Xa chegan os Maios! Dende a Asociación Veciñal Pego-Sar queremos convidarvos a un dí...
25/04/2026

🌸 CELEBRAMOS A CHEGADA DA PRIMAVERA🌿

Xa chegan os Maios! Dende a Asociación Veciñal Pego-Sar queremos convidarvos a un día cheo de cor, música e tradición o vindeiro 23 de maio.

Será unha xornada para toda a familia onde recuperaremos a esencia da nosa tradición:

Pola mañá: Roteiro para recoller flores, obradoiros e elaboración dos nosos maios. Precisamos flores e moitas ganas de colaborar! 🌼

Durante o día: Música, máis talleres e moita animación. 🎶 Foliada aberta: Trae o teu instrumento!

Ambiente veciñal: O mellor momento para compartir e facer piña. 🤝

Non importa a idade que teñas, os Maios facémolos entre todos!
📍 Onde?: Parque do Outeiro
⏰ Cando? Todo o día do 23 de maio.

Agardámosvos para darlle a benvida ao bo tempo como merece! 🌻 En breve, máis info polo miúdo.

Address

Pza. Do Concello, 1

15865

Website

Alerts

Be the first to know and let us send you an email when Asociación Veciñal Pego-Sar posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Asociación Veciñal Pego-Sar:

Shortcuts

  • Want your organization to be the top-listed non profit organization?

Share