19/06/2026
Esta semana tivemos o pracer de recibir no Botánico do Lago a 84 alumnos e alumnas de distintas idades do CEIP Plurilingüe de Cedeira de Redondela. 💚
Ao longo da xornada, descubriron a historia do parque do Lago Castiñeiras e das instalacións do Botánico, achegándose ao valor natural e cultural deste espazo tan especial.
🌱 Ademais, participaron nun dos nosos talleres máis representativos, no que aprenderon como se reproducen as plantas e coñeceron de preto parte do traballo que realizamos diariamente no viveiro.
Pero máis alá dos contidos e das actividades, estas visitas son unha oportunidade para espertar a curiosidade, fomentar o respecto pola contorna e fortalecer o vínculo da cativada coa natureza.
Porque coidar do futuro tamén significa ensinar a valorar aquilo que nos rodea. E cada visita é unha pequena semente que agardamos vexa a luz co paso do tempo.
🌳🌳
