Xunta pola Defensa de la Llingua Asturiana

22/10/2026

Na cazadora, nun xilecu, na mochila, nun bolsu, na faltriquera... ¡Lleva la tolos díes, en tolos llaos!

Tamos acabante sacar estos parches tan prestosos. Faite con ún los llunes nel nuestru local n'Uviéu (cai Cimavilla 15, Esc A, 1°C) de 18:00 a 20:00 h. Tamién pues mercar más materiales y llotería.

19/10/2026

¡Hai llotería de la Xunta! ¡Nun quedes ensin ello!

Gárralo en:
·Avilés - Cervecería Cabanón.
·Uviéu - Espacio Nube y L'esperteyu Chigre Folk.
·Xixón - Canteli Sidrería Gijón.
·L'Infiestu - Cerveceria La traviesa.

13/10/2026

El Conceyu de Siero incumple la toponimia oficial nun proyectu de rotonda n'El Berrón

La rotonda que se proyecta n'El Berrón nel cruz de les carreteres N-634 y AS-376, y del que ye promotor el Conceyu de Siero, nun respeta la toponimia oficial, según se comprueba nes señalizaciones que figuren nel espediente del proyectu. Formes como "Langreo", "Pola de Siero" o "Oviedo", qu'apaecen nos lletreros de la rotonda proyectada, yá nun son oficiales dende hai años y sí les formes "Llangréu/Langreo" (BOPA, 25-7-2005), "La Pola Siero" (BOPA,11-8-2009) y "Oviedo/Uviéu" (BOPA, 21-3-2019). La llegalidá toponímica n'Asturies sigue ensin garantizase de manera sistemática y ye la ciudadanía quien tien que tar sollerte a los incumplimientos, en cuenta de facelo d'oficiu les propies Alministraciones públiques, que son les que tendríen que mirar por que se cumpliera la llei.

Si quies tar al tanto d'estes y otres noticies, apúntate a la canal de telegram: https://t.me/xunta

01/10/2026

Esti fin de selmana fixemos de norte a sur el camín que la llingua asturiana percorrió va mil años.
Na cuarta edición de la "Fiesta de las Lhénguas" de Picuote tuviemos la oportunidá d'aconceyar y escuchar a instituciones y asociaciones de tol dominiu llingüísticu: a A Frágua (gracias por organizar y por convidanos), a la Estrutura de Missão para a Promoçâo da Língua Mirandesa, a , , , , y tamien a y al conceyu de en Portugal y al de Porto en Zamora.
Les circunstancies sociollingüístiques de cada territoriu son bien diferentes en cuantes a vitalidá y sofitu políticu, pero toles persones que participemos nel alcuentru compartíemos el compromisu cola supervivencia de les nuestres llingües y eso siempre presta constatalo.

25/09/2026

El PP de Ḷḷena arrevienta'l plenu pa intentar obligar a falar en castellanu nuna moción.

25/09/2026

Otra vuelta, esti fin de selmana vamos tar na Fiesta de las Lhénguas de Picuote (Tierra de Miranda).
Aprovecharemos pa falar de les nuestres campañes y de la reivindicación de la

19/09/2026

18/09/2026

Siguen llegándonos denuncies de la ciudadanía pola ausencia del asturianu nes rotulaciones de los autobuses urbanos nuevos de Xixón, cuando hasta agora yeren billingües. Ye una cuestión que yá denunciemos públicamente. Por desgracia esta ye la política llingüística que rixe nel Conceyu.

08/09/2026

Nesti 8 de setiembre, Día d'Asturies, recordamos que les nuestres llingües propies, asturianu y gallego-asturianu, siguen ensin tener el reconocimientu de llingües oficiales, una demanda pola que llevamos lluchando a lo llargo de décades.
Del nuestru archivu, recordamos esti cartel que saquemos en 1995 pa festexar el 8 de setiembre.

26/08/2026

El Gobiernu asturianu sigue incumpliendo les sos propies normes d'usu institucional del asturianu y del gallego--asturianu marxinándolos tipográficamente.
Nel cartel del Día d'Asturies endelgaza les lletres hasta faceles invisibles y incumple por sistema les "Instrucciones relatives a los criterios llingüísticos pa usar nel ámbitu de l'Alministración del Principáu d'Asturies y el so sector públicu" del 2024.