03/07/2026
ÚLTIMO RECORDATORIO DA ACTIVIDADE DE HOXE
O Ateneo de Ourense organiza unha interesante mesa redonda co importante tema das "CONDUCTAS DISRUPTIVAS E VIOLENTAS NA ADOLESCENCIA. POSIBLES SOLUCIÓNS".
Para tratar este tema que interesa, e preocupa, á poboación, contaremos ca presencia de tres persoeiros que traballan nese campo, todos eles cun gran prestixio e con unha ampla experiencia e traballo de campo e cunha longa lista de estudos e publicacións sobre o tema.
Comezará a mesa redonda Dª María del Mar Román García, Profesora da Facultade de Educación da UNED, Doutora en Tecnoloxía Educativa e educadora social.
Na súa intervención proporá unha reflexión sobre a importancia dos vínculos educativos como espazos de acompañamento e reflexión fronte as manifestacións de malestar adolescente.
Seguirá D. Ricardo Fandiño Pascual, Doutor e Psicólogo Clínico. Profesor do Departamento de Análise e Intervención Psicosocioeducativa da UVigo. Vicedecano do Colexio Oficial de Psicoloxía de Galicia.
Tratará a dixitalización da vida cotiá, a actualidade da saúde mental na adolescencia e os novos marcos relacionais na sexualidade así como a construción dunha identidade que ás veces configura novas formas de violencia e disrupción, e que nos esixen novas respostas.
E finalizará a mesa redonda D. José Manuel Ucha López, Fiscal de Menores de Galicia, que tratará a problemática de conduta disruptiva ou violenta na adolescencia na xurisdición de menores. A relación entre a delincuencia xuvenil, a súa vinculación a dificultades familiares, educativas, sociais ou psicolóxicas e a necesidade dunha intervención integral como solución.
Haberá unha rolda de preguntas ao rematar o acto
A mesa redonda terá lugar no Salón de Actos do Centro Cultural Marcos Valcárcel o vindeiro 3 de xullo de 2026 ás 19 horas.
