Asociación AGORA para persoas con discapacidade

27/10/2026

📺🎬 Luces, cámaras… e moita diversión! 🌦️😄

Hoxe as persoas usuarias de Asociación AGORA para persoas con discapacidade fixemos unha visita moi especial ás instalacións da Tic - Servizo de Audiovisuais da Deputación de Lugo.

🔎 Descubrimos como é un plató por dentro, coñecemos algúns dos segredos que se agochan detrás das cámaras e aprendemos todo o que pasa para que a televisión chegue ás nosas casas.

Pero o mellor estaba por chegar… 🎤😜 Porque algunha persoa animouse a poñerse diante das cámaras e mesmo se atreveu a facer a súa propia predición do tempo! 🌧️☀️🌈 (non temades so era unha interpretación👩‍🎤)

Quen sabe, igual temos entre nós futuras estrelas da televisión ou auténticos homes e mulleres do tempo! 😂

👏 Moitísimas grazas á Deputación de Lugo por abrirnos as portas e permitirnos vivir esta experiencia tan divertida e enriquecedora.

Quen sabe, igual con todo o aprendido no día de hoxe soprendemos ca nosa arte 💚
Seguiremos informando😎

22/10/2026

💚 En Asociación AGORA para persoas con discapacidade seguimos mellorando os nosos espazos para construír unha contorna máis accesible e inclusiva!

Por este motivo poñemos marcha un proxecto de "Mellora e adecuación das instalacións do Centro de Atención Diúrna", co obxectivo de crear espazos máis accesibles, seguros, confortables e adaptados ás necesidades das persoas participantes e dos profesionais.

🛠️ Entre as actuacións previstas destaca a renovación do noso taller de manualidades de mosaico, coa incorporación de mesas reclinables e regulables en altura, que permitirán adaptar o mobiliario ás diferentes necesidades físicas, favorecendo unha participación máis cómoda e autónoma. Ademais, habilitarase unha zona específica de almacenaxe para mellorar a organización e o acceso aos materiais.

♿ Estas melloras permitirán potenciar a autonomía persoal, facilitar a participación nas actividades e avanzar cara a unha atención de maior calidade, na que cada persoa poida desenvolver as súas capacidades en condicións de igualdade.

🤝 Este proxecto forma parte do COCEMFE, financiado pola Fundación ONCE.

Seguimos traballando para que os nosos espazos sexan tamén espazos de participación, benestar e oportunidades para todas as persoas. 💚

21/10/2026

📣Queres traballar con nós?

En Asociación AGORA para persoas con discapacidade iniciamos o proceso de selección para cubrir 2 postos a través dos Programas de Cooperación. Os perfís profesionais para cubrir ditas ofertas son os seguintes:

- 1 Coidador/a 12meses 75 % da xornada.
- 1 Psicólogo/a 12 meses 75% da xornada.

O salario e según convenio (XVI Convenio Colectivo Xeral de Centros e Servizos de Atención a Persoas con discapacidade).

Para poder acceder a estas ofertas tes que cumprir os seguintes requisitos:

- Atoparse en situación de desemprego e como persoa desempregada inscritas no Servizo Público de Emprego de Galicia como demandante non ocupada e dispoñible para o emprego.

- No ter sido contratado/a por un período igual ou superior a seis meses, con cargo ás axudas de programas de cooperación no ámbito de colaboración coas entidades sen ánimo de lucro nas seguintes convocatorias; Orde do 31 de xullo de 2023 (DOG núm. 152, do 10 de agosto: TR352A 2023). Orde do 30 de xullo de 2024 (DOG núm. 155, do 12 de agosto: TR352A 2024). Orde do 4 de agosto de 2025 (DOG núm. 157, do 19 de agosto: TR352A 2025).

Se cumpres os requisitos manda a túa candidatura antes do 05 de novembro a [email protected]

09/10/2026

🧹✨ Poñémonos mans á obra!

En Asociación AGORA para persoas con discapacidade para persoas con discapacidade iniciamos un novo taller de limpeza, unha actividade na que, máis alá de deixar os espazos impecables, traballamos importantes habilidades para o día a día. 💪

Coa adquisición dunha aspiradora e unha hidrolimpadora, financiada con cargo ao 0,7 % do da X Solidaria que xestiona a Xunta de Galicia, contamos con novo equipamento para desenvolver esta actividade de maneira máis práctica e adaptada.

Neste taller traballamos aspectos como:
🤝 Traballo en equipo
📋 Organización e planificación das tarefas
💪 Responsabilidade e compromiso
🏠 Coidado dos espazos e da contorna
🌱 Fomento da autonomía persoal

Porque aprender a organizar, repartir tarefas, utilizar correctamente as ferramentas e coidar os espazos que compartimos tamén é gañar autonomía para a vida diaria. 💚

Un novo taller, moitas aprendizaxes e, sobre todo, traballo en equipo! 🙌

07/10/2026

💚 Cando promovemos a autonomía xeramos oportunidades

En Asociación AGORA para persoas con discapacidade desenvolvemos o proxecto "Promoción da autonomía e das habilidades para persoas con discapacidade da Comarca de Lemos" un servizo especializado dirixido ás persoas con discapacidade que conta co apoio e financiamento da Deputación de Lugo, para acompañalas no desenvolvemento das súas capacidades e na conquista dunha maior autonomía no seu día a día.

👩‍🦽 A autonomía se constrúe nas pequenas cousas: aprender ou reforzar habilidades para as Actividades Básicas da Vida Diaria, saber usar correctamente produtos de apoio, mellorar capacidades cognitivas e funcionais, adaptar os espazos ou adquirir ferramentas para participar de forma máis activa na comunidade.

🧠 Traballamos aspectos como a memoria, a atención, a orientación, o razoamento e as habilidades sociais, pero tamén hábitos de autocuidado, vida saudable, accesibilidade, ergonomía e hixiene postural.

🤝 Todo isto desde unha intervención centrada na persoa, partindo das capacidades, necesidades, intereses e circunstancias de cada participante para deseñar apoios individualizados que teñan un impacto real na súa vida.

Porque non se trata só de facer máis cousas por unha persoa, senón de ofrecer os apoios precisos para que poida facer máis por si mesma, decidir, participar e vivir con maior autonomía, tratase de empoderar, de que cada persoa tome as rendas para definir o seu proxecto de vida 💚

✨ Un proxecto de Asociación AGORA para persoas con discapacidade co apoio e financiamento da Deputación de Lugo.

05/10/2026

🎨✨ CreARTE: Espazos de Potenciación 💜

Dende a estamos moi felices de contar co apoio do para desenvolver o proxecto "CreARTE: Espazos de Potenciación".

🖌️ Un proxecto que aposta pola arte e a creatividade como ferramentas de aprendizaxe, expresión e crecemento persoal, promovendo a inclusión social, a autonomía e o desenvolvemento das capacidades das persoas participantes.

🌈 Porque crear tamén é unha forma de expresarse, descubrir potencialidades, gañar confianza e construír espazos de participación onde todas as persoas teñan cabida.

💜 Grazas ao Concello de Monforte de Lemos por apoiar iniciativas que contribúen a unha sociedade máis inclusiva, participativa e chea de oportunidades.

CREAR, EXPRESARSE, PARTICIPAR E POTENCIAR CAPACIDADES. 🎨♿

25/09/2026

🏠 Mellorar os espazos tamén é mellorar vidas e potenciar autonomía.

Nas nosas Vivendas Tuteladas e no Centro de Atención Diúrna, cada mellora das instalacións ten un obxectivo claro: facilitar que as persoas poidan desenvolver o seu día a día con máis autonomía, participación e independencia. 💚

Facer a compra semanal, colocar os alimentos, organizar a roupa na lavandería, colaborar nas tarefas da vivenda… Son actividades cotiás que se converten en oportunidades para participar, decidir e gañar autonomía. 🙌

E todo isto é posible grazas á X Solidaria, a través dos fondos do 0,7 % do IRPF que xestiona a Xunta de Galicia e dos que é beneficiaria Asociación AGORA para persoas con discapacidade

Porque cando unha persoa pode facer máis por si mesma, tamén medra a súa autonomía, a súa confianza e a súa calidade de vida.

✨ Grazas á X Solidaria por facer posibles estes cambios que se notan no día a día.

Máis autonomía. Máis participación. Maior empoderamento💪💚

23/09/2026

💚 Máis apoio, máis acompañamento e máis oportunidades grazas ao Programa de Cooperación da Xunta de Galicia

A Asociación AGORA para persoas con discapacidade contamos, entre decembro de 2025 e decembro de 2026, coa incorporación de dúas profesionais grazas aos Programa de Cooperación da Xunta de Galicia, reforzando así a atención e o acompañamento ás persoas participantes e asociadas. Os perfís profesionais que se incorporaron na entidade foron os seguintes:

👩‍🦽 Coidadora. Desenvolveu tarefas de apoio ás persoas participantes nas actividades básicas e instrumentais da vida diaria, favorecendo a súa autonomía persoal e o seu benestar.

👩‍🏫 Educadora social: Realizando labores de apoio e acompañamento ás persoas participantes do Centro de Atención Diúrna e das Vivendas Tuteladas, ademáis de organizar e desenvolver actividades e charlas dirixidas ás persoas asociadas sobre diferentes temáticas (riscos nas redes, linguaxe inclusiva, recursos....).

🤝 Esta colaboración permitiu fortalecer os servizos da entidade, promover a participación social e seguir traballando pola autonomía, a inclusión e a mellora da calidade de vida das persoas con discapacidade.

Grazas á Xunta de Galicia por apoiar iniciativas que contribúen a crear oportunidades de emprego e a reforzar a atención ás persoas.

Aquí podedes ver algunha das actividades que se están levando a cabo dentro deste programa.

21/09/2026

📢 ABRIMOS OFERTA DE EMPREGO PARA UN POSTO DE TERAPIA OCUPACIONAL

En Asociación AGORA para persoas con discapacidade buscamos incorporar o noso equipo un/unha terapeuta ocupacional para cubrir un posto de carácter temporal.

💚 Se tes ganas de formar parte dun equipo comprometido coa autonomía persoal, a inclusión e a mellora da calidade de vida das persoas con discapacidade, esta pode ser a túa oportunidade!

📍 Lugar de traballo: Monforte de Lemos (Lugo).

📩 Se estás interesado/a nesta oferta envíanos a túa candidatura a [email protected]

🗓️ Prazo de presentación: Aberto

Agardámoste para seguir construíndo, xuntos e xuntas, unha sociedade máis inclusiva!

19/09/2026

📢 Avanzamos en dereitos, pero é imprescindible que se dote de recursos para facelos realidade!

Dende a Asociación AGORA para persoas con discapacidade sumámonos á reivindicación de COGAMI tras a aprobación definitiva no Congreso da reforma das leis de discapacidade e dependencia.

Iste cambio normativo supón un avance no recoñecemento de dereitos, na autonomía persoal, na vida independente e na accesibilidade universal, que incorpora melloras nos servizos de apoio, na teleasistencia e na accesibilidade dos edificios de vivendas.

🏡 Porén, seguimos reclamando solucións reais para que ningunha persoa quede sen poder saír da súa casa por falta de accesibilidade e para que todas poidamos desenvolver o noso proxecto de vida con autonomía e os apoios necesarios.

🗣️ Agora, tal e como sinala o Presidente de COGAMI, o reto é converter estes avances legais en melloras reais canto antes. É imprescindible contar con recursos suficientes que garantan a aplicación efectiva da lei e uns servizos de apoio adecuados.

💜 Porque os dereitos só son reais cando se poden exercer. E para iso, ningunha persoa pode quedar atrás.

Máis info sobre este tema premendo no enlace 👇👇👇

https://www.cogami.gal/difusion/sala-de-prensa/novas-cogami-social/cogami-celebra-a-reforma-das-leis-de-discapacidade-e-autonomia-persoal-e-reclama-recursos-/?fbclid=IwY2xjawUZ22xwZG9mAWV4dG4DYWVtAjExAGJyaWQRMFhXaE4wVTFMUEFDbXZGeDlzcnRjBmFwcF9pZBAyMjIwMzkxNzg4MjAwODkyAAEeMhcIHwR97uvmodATFbpVlw0-FcyIqrVdwOvGkzhslqDt5bgo-j5KzihnyiY_aem_4NuKe2EM2qR-7fhh-n2BhQ

A entidade destaca os avances nos modelos de apoio á vida independente e en accesibilidade, aínda que reclama seguir mellorando a Lei de Propiedade Horizontal.