21/11/2024
❞𝙈𝙪𝙡𝙡𝙚𝙧𝙚𝙨, 𝙢𝙚𝙢𝙤𝙧𝙞𝙖 𝙚 𝙙𝙞𝙜𝙣𝙞𝙙𝙖𝙙𝙚❞. Xornada conmemorativa da primeira viaxe de Ruth Matilda Anderson a Galicia. 1924 - 2024
🗓️ Sábado, 23 de novembro
📍 Edificio Bitácora, O Ézaro (Dumbría)
·
A xornada estará moderada polo xornalista 𝐒𝐚𝐧𝐭𝐢𝐚𝐠𝐨 𝐆𝐚𝐫𝐫𝐢𝐝𝐨 𝐑𝐢𝐚𝐥.
Santiago leva tres décadas desenvolvendo o seu labor xornalístico no medio La Voz de Galicia, moito do cal se centra na análise e documentación da idiosincrasia da Costa da Morte.
Ten, ademais, un perfil moi activo nas redes sociais, desde as cales leva anos divulgando a cultura, a fala, a paisaxe, os costumes, as lendas,..., da nosa terra.
A través del chégannos moitas veces imaxes e relatos dos oficios tradicionais que, nalgún lugar da bisbarra, aínda se seguen levando a cabo; ou a obra de fotógrafos e etnólogos, como é o caso de Ruth Matilda Anderson (á difusión da cal leva contribuído en numerosas ocasións), que documentaron a vida dos nosos devanceiros.
Non é nada estraño atoparnos nas súas redes con veciños e veciñas que, grazas ás súas publicacións, abren interesantes debates e aportacións sobre, por exemplo, a toponimia, ou os nomes de apeiros de labranza, por poñer algún exemplo.
É, tamén, un gran coñecedor de cada rincón da Costa da Morte. É habitual atopalo paseando polos diferentes concellos, percorrendo carreiros, descubrindo fervenzas, ou mesmo acuedutos 😉.
Desde o Concello de Dumbría queremos agradecer a súa altruísta colaboración con este e outros proxectos, para os cales sempre ten un si como resposta.
·
Santiago Garrido
