Amigos do Patrimonio de Castroverde

07/06/2026

REFERENCIAS DE PRENSA- XVI ENCONTRO DE ASOCIACIÓNS
LugoXa
https://lugoxa.com/news/o-encontro-de-asociacions-culturais-reforza-os-lazos-entre-colectivos-galegos/125038/
O Progreso

02/06/2026

01/06/2026

BREVE RESUMO- XVI ENCONTRO DE ASOCIACIÓNS

30-06-2026



Segundo tiñamos previsto, pola mañá, saímos de Castroverde no horario establecido, recollendo a socios/as de Arumes do Corgo, parada no Carqueixo para recoller outros socios/as de Amigos do Patrimonio de Castro Verde. Chegando a Cabanas arredor das 9:30 h., como estaba previsto. Pouco despois chegaron os socios/as de A Canteira de Neda

Ali agardábanos Luisa e Tino da Agrupación de Caamouco para dar as instrucións da andaina. Aproveitamos para dar as grazas a toda a Xunta Directiva e demais socios/as da Agrupación de Caamouco polo seu bo facer, moitos parabéns.

Desde Cabanas baixamos á praia da Madanela onde fixemos a foto de rigor, contiuamos pola beira do mar ata o río Castro, onde o propio río fai linde entre o concello de Cabanas e Fene, este río tivo varios muíños e na desembocadura quedan restos dun muíño que funcionaba coa auga do río e /ou das mareas, muíño de maré.

Continuou a andaina polas praias de Chamoso, Coido, río Sandeu que fai de lindeiro entre Fene e Ares, praia de Redes onde puidemos ver a intervención que fixera Paco Pestana, hai uns quince anos, co gallo da festa, encontro dos arquitectos, e que no lo lembrou Tino e Dani no folleto que nos tiña enviado.

Visita a Redes e a Agrupación Instructiva de Caamouco, onde Dani nos explicou a historia da escola, lembremos que en 2011 celebrárase o seu centenario e foramos convidados polo anterior presidente (Ernesto Naveiras) e xunta directiva daquel momento. Logo das pertinentes explicacións arredor do que fora a escola de nenas e nenos, e como actualmente a Agrupación ten uns 420 socios/as e múltiples actividades culturais e de todo tipo (que envexa). Seguidamente uns pinchos variados, foto de rigor na parte traseira da Agrupación, por certo, que están rehabilitando, mellor dito continúa rehablitación desde a primeira vez que estiveramos nela.

Continuamos por Punta de Castelo, Liñares, Prais do Raso,Praia da Campa, xa en Ares. Vila de Ares ata o restaurante.

No restaurante fomos recibidos polo artista Geno Fernández con (música e voz en directo, lembrándonos cancións dos anos 1970-80) e outras interpretacións, que nos acompañou na sobremesa. A seguir a Rondalla Trovadores de Ares.

Graciñas a Geno e componentes da Rondalla. Tamén houbo intercambio de agasallos, a nosa Asociación este ano non tiña que ofrecer.

Para o vindeiro ano, o Encontro de Asociacións, terá lugar en O Corgo.



Tedes outro resume máis completo en; https://leriasdebea.blogspot.com/ (blog de Bea Pin. Graciñas Bea.

Moi bo día!

Antes de nada, trasladarvos o agradecemento de toda a Directiva da Agrupación Instrutiva de Caamouco por ter participado no Encontro. Foi unha xornada de convivencia estupenda, da que nos queda un gran recordo.

Agardamos que todas as persoas que participaron gozaran da xornada tanto como nós.

No seguinte enlace para descarga, enviamos fotografías.
https://we.tl/t-yRuSgyPmcpTmRkut

De novo, moitas grazas por todo. Vémonos no Encontro de 2027.
Apertas.

Referencia https://www.caamouco.net/portal2/aic-novas



Saúde, Terra, Lingua e Patrimonio.

Manolo

24/05/2026

Referencia de prensa. XVI ENCONTRO DE ASOCIACIÓNS

14/05/2026

Letras Galegas 2026

Letras Galegas 2026 - Real Academia Galega

08/05/2026

ROTEIRO PACO PESTANA.
Graciñas ao serizo de Audiovisuais.
https://www.facebook.com/share/18gfJq8n6P/

02/05/2026

XVI ENCONTRO DE ASOCIACIÓNS (30-05-2026)
COMUNICAR ASISTENCIA ANTES DO 15 DE MAIO.
Ás 7:45 h. Saída da praza do concello
8:00:Gasolineira do Carqueixo
9.15 a 9.45 h. Recepción en Cababanas: Os participantes chegarán de forma graduada, por lugar de proce¬dencia, á parada de bus da avenida Areal de Cabanas (N-651) para trasladarse á oficina de tu¬rismo situada na mesma avenida onde se lles daráa benvida a cada grupo antes de iniciar con eles a andaina.
LOCALIZACIÓN OFICINA TURISMO:
https://maps.app.goo.gl/tFZzHbZMEdTtkJes5
10 h. Inicio da andaina na oficina de turismo desde Cabanas.
Aclaracións:
- Ide preparados segundo sexa, estea o tempo.
- Prezo da viaxe: 30 (xantar)+10 (bus)= 40€
- Compartiremos autobús cos de Arumes do Corgo.

22/04/2026

REFERENCIAS DE PRENSA.
SEGUNDA VISITA AOS FORNOS DO CAL E ACTUACIÓN DE SON DE CORDA "NA CASA DELAS"
LUGO XA
https://lugoxa.com/.../amigos-do-patrimonio-de.../120957/
A VOZ DE LUGO

19/04/2026

BREVE RESUMO- SEGUNDA VISITA AOS FORNOS DO CAL
E ACTUACIÓN DE SON DE CORDA “NA CASA DELAS”
(19-04-2026)

Segundo tiñamos previsto, pola mañá, saímos de Castroverde ata Rebordaos, onde comezamos a visita ao forno do cal do Piago, ao pé da croa de Rebordaos, continuamos ata o centro do lugar, facendo unha parada na fonte que leva o mesmo nome, do Piago. Desde aquí continuamos polo camiño da Ventosa que nos leva a Souto de Torres e, á altura de Silvaldes visitamos outros dous fornos que se conservan bastante ben, necesitando unha limpeza de toda a contorna e por dentro, mais terían unha doada recuperación. Continuamos por Souto de Torres pasando por medio da aldea ata o Mesón de Souto onde cruzamos a estrada de A Fonsagrada e pola estrada vella que nos levaba a Castroverde e O Empalme volvemos ata a estrada de Fonsagrada, nesa zona encóntrase o forno de Outeiro.
Pola tarde, actuación do grupo Son de Corda, “NA CASA DELAS”, coa axuda de Raúl Rodríguez ao piano, o cuarteto, interpretou pezas das autoras; María Mariño, Olga Novo, Xela Arias, Ma**ca Campo, Olalla Cociña e Luz Pozo.
Agradecer a Vicepresidencia da Deputacuón de Lugo, Área de Cultura, que fixera posible a actuación de Son de Corda e acompañantes, sen esa axuda sería imposible realizar o devadito acto.
Agradecer tamén á Reserva da Biosfera que nos axudou no traballo dos fornos e ao Concello de Castroverde.
Saúde, Terra, Lingua e Patrimonio