Asociación Montes e Vales Orientais- GDR3

  • Home
  • Asociación Montes e Vales Orientais- GDR3
Directions Website

Asociación Montes e Vales Orientais- GDR3 A asociación Montes e Vales Orientais da Provincia de Lugo, GDR 3, nace co obxectivo de converterse

Hoxe celebramos o Día Internacional das Reservas da Biosfera, territorios que demostran que a conservación da natureza e...
03/11/2026

Hoxe celebramos o Día Internacional das Reservas da Biosfera, territorios que demostran que a conservación da natureza e o desenvolvemento sostible poden avanzar da man 🌿 😊.

No Xeodestino Ancares-Terras de Burón temos a sorte de contar con tres Reservas da Biosfera, espazos que destacan pola súa riqueza natural, paisaxística e cultural, pero tamén polas persoas que os habitan e contribúen a manter viva a súa identidade.

💚 Unha oportunidade para lembrar a importancia de coidar o noso patrimonio natural, valorar os recursos do territorio e seguir construíndo un futuro sostible para as nosas aldeas e comunidades.

E ti, saberías responder á pregunta que formulamos dende o Xeodestino? 😉👇.

O pasado sábado, no marco da Feira do Mel da Montaña, houbo tempo para xogar e manter vivas tradicións a través dos xogo...
31/10/2026

O pasado sábado, no marco da Feira do Mel da Montaña, houbo tempo para xogar e manter vivas tradicións a través dos xogos populares.

Aquí tamén houbo espazo para o II Torneo de Billarda.

Compartimos con vós estas fotografías dos gañadores! 😉.

A Feira do Mel da Montaña reuniu en Baleira esta pasada fin de semana a persoas produtoras, visitantes e amantes dos pro...
29/10/2026

A Feira do Mel da Montaña reuniu en Baleira esta pasada fin de semana a persoas produtoras, visitantes e amantes dos produtos da nosa terra nunha nova edición chea de actividades, degustacións e encontros 🐝🍯.

A feira contou tamén coa visita da conselleira do Medio Rural, María José Gómez e da directora xeral de AGADER, Paz Rodríguez, que puideron coñecer de preto o traballo das persoas produtoras e a importancia de iniciativas que poñen en valor os recursos do territorio.

No marco da feira entregáronse tamén os premios da V edición do Concurso Comarcal de Meles:

🥇 Primeiro premio: Álvaro Álvarez, de Pico do Mel (Paradela, Navia de Suarna).

🥈 Segundo premio: Iago Dorado, de Mel a Ruta Primitiva (Vilar dos Adrios, Baleira).

🏅 Mellor expositor: Mel Casa Príncipe (Navia de Suarna).

Parabéns ás persoas premiadas e grazas a todas as persoas expositoras, participantes e visitantes por facer posible esta cita coa apicultura, os produtos locais e a vida no rural 🙂🙌.

As fotografías dos expositores son de Pablo Fernández para La Voz de Galicia.

28/10/2026

🎥 Presentamos "Voces da Biosfera", o vídeo promocional da Reserva da Biosfera Río Eo, Oscos e Terras de Burón.

Unha peza que nos achega ao territorio, ás persoas que o habitan e aos valores naturais, culturais e patrimoniais que fan desta Reserva un lugar único 🙂.

Este vídeo forma parte das accións do proxecto de cooperación interautonómica entre GDR para dinamizar e reforzar a gobernanza participativa da Reserva da Biosfera, desenvolvido en colaboración co Ceder OscosEo e o GDR Terras de Miranda 🤝.

Animádevos a descubrir a Reserva con nós! 💚.

27/10/2026

Un bo resumo da novena Feira do Mel de Montaña do Concello Baleira 🥳.

Agardamos que todos degustarades produtos de proximidade e mel, que como di Fe, a nosa xerente, é mel de excelente calidade e que aporta boas cualidades á saúde 🍯🐝.

Esta semana puxemos a proba dous dos itinerarios turísticos que estamos a deseñar na Reserva da Biosfera Río Eo, Oscos e...
22/10/2026

Esta semana puxemos a proba dous dos itinerarios turísticos que estamos a deseñar na Reserva da Biosfera Río Eo, Oscos e Terras de Burón, en colaboración con Cris, de Volta Montana - Ecoturismo: "O Eo, do mar á montaña", centrado na natureza, e "Ferro, auga e oficio", dedicado ao patrimonio etnográfico.

Dúas xornadas para percorrer o territorio, descubrir os seus recursos e recoller impresións e achegas que nos axuden a mellorar estas propostas e convertelas en novas experiencias para coñecer a Reserva 🙂.

📅 E o vindeiro luns, 26 de outubro, temos unha nova cita: "Sabores da Reserva", o itinerario dedicado á gastronomía e aos produtos do territorio.

Agardámosvos para seguir descubrindo a Reserva a través dos seus sabores! 😋.

Desde a Reserva da Biosfera Río Eo, Oscos e Terras de Burón estamos a traballar no deseño de tres novos itinerarios turí...
13/10/2026

Desde a Reserva da Biosfera Río Eo, Oscos e Terras de Burón estamos a traballar no deseño de tres novos itinerarios turísticos vinculados á natureza e á paisaxe, á historia e ao patrimonio, e aos sabores e á gastronomía do territorio 💚.

Durante o mes de outubro realizaremos tres xornadas de probas:

👉 19 de outubro - O Eo, do mar á montaña: Itinerario de natureza.
👉 20 de outubro - Ferro, auga e oficio: Itinerario etnográfico.
👉 26 de outubro - Sabores da Reserva: Itinerario gastronómico.

Gustaríanos contar coa participación de empresas turísticas, entidades locais, persoal municipal e de turismo, asociacións, produtores, axentes do territorio, medios de comunicación e outras persoas vinculadas ao desenvolvemento turístico da Reserva.

A participación é gratuíta e as prazas son limitadas. Podedes inscribirvos nesta ligazón: https://forms.gle/LTAoDUUSXPbJQjPt8

Será un pracer contar coa vosa participación e coas vosas achegas 🤝.

🐝 Por aquí vos deixamos o cartel da IX Feira do Mel da Montaña!Os días 24 e 25 de outubro agardámosvos para compartir un...
09/10/2026

🐝 Por aquí vos deixamos o cartel da IX Feira do Mel da Montaña!

Os días 24 e 25 de outubro agardámosvos para compartir unha fin de semana arredor do mel, os produtos da montaña e as nosas tradicións.

🍯 Obradoiros, catas, xogos populares, degustacións e moitas máis propostas para desfrutar durante os dous días.

Botádelle un ollo ao cartel, consultade a programación e organizade a vosa visita. Hai plans para toda a fin de semana! 😉.

Agardámosvos! 🙂.

Concello Baleira

ℹhttps://www.montesevalesorientais.gal/a-feira-do-mel-da-montana-regresa-os-dias-24-e-25-de-outubro-cunha-fin-de-semana-dedicada-ao-mel-e-aos-produtos-da-montana/

Xa temos debuxos gañadores da Feira do Mel! 🐝🎨 .Parabéns aos dous pequenos artistas que resultaron gañadores do concurso...
08/10/2026

Xa temos debuxos gañadores da Feira do Mel! 🐝🎨 .

Parabéns aos dous pequenos artistas que resultaron gañadores do concurso! Os seus debuxos serán os protagonistas do cartel e do programa da Feira do Mel deste ano.

Foi moi difícil escoller, porque recibimos propostas estupendas e detrás de cada debuxo hai moita ilusión e creatividade. Noraboa a todos e todas as participantes! 😊.

E aínda que só dous debuxos podían resultar gañadores, todos terán o seu espazo na Feira do Mel da Montaña. Poderedes achegarvos á feira para visitar a exposición e ver de preto todas as obras participantes 😉.

Agardámosvos os días 24 e 25 en Baleira! 🍯.

Concello Baleira

🌿 Tes un negocio, aloxamento, servizo ou proxecto no noso territorio? Fai da imaxe da Reserva a túa mellor aliada! Os Gr...
08/10/2026

🌿 Tes un negocio, aloxamento, servizo ou proxecto no noso territorio? Fai da imaxe da Reserva a túa mellor aliada!

Os Grupos de Desenvolvemento Rural da Reserva da Biosfera Río Eo, Oscos e Terras de Burón convídante a participar nesta xornada formativa telemática impartida por Arela Marketing Sostible.

Un espazo práctico e participativo concibido para dotar a produtores, aloxamentos, empresas de servizos e sector do ecoturismo das ferramentas necesarias para poñer en valor os seus negocios e avanzar cara a unha estratexia de comunicación unificada.

📌 Que traballaremos na sesión?
🔹 Bloque 1: Identidade, Valores e Uso Correcto da Imaxe. Abordaremos como a imaxe territorial actúa como un elemento de cohesión e impulso para o tecido empresarial local.
🔹 Bloque 2: Recursos dixitais para o día a día. Centrarémonos no uso práctico das ferramentas e materiais promocionais para facilitar a difusión da imaxe da Reserva de forma autónoma.

📅 Data: Mércores, 21 de outubro de 2026
⏰ Horario: De 12:30 a 14:00 h
💻 Modalidade: En liña (vía telemática)
💶 Inscrición: Gratuíta (prazas limitadas)
👉 Completa o formulario antes do 19 de outubro premendo aquí:
https://forms.gle/b5eRM44NdLjMwFZH9

Address


Alerts

Be the first to know and let us send you an email when Asociación Montes e Vales Orientais- GDR3 posts news and promotions. Your email address will not be used for any other purpose, and you can unsubscribe at any time.

Shortcuts

  • Want your organization to be the top-listed non profit organization?

Share