06/11/2026
Hai unhas semanas tivemos a oportunidade de visitar o centro hípico Casas Novas, nunha saída moi especial (e moi esperada) coas persoas usuarias do noso programa de estimulación físico-cognitiva.
Alí puidemos achegarnos ao mundo dos cabalos: darlles de comer, pasealos, cepillalos e coñecer de preto os seus coidados e a súa forma de vida dentro do centro.
🐴🌱 A terapia asistida con animais pode ser unha ferramenta moi enriquecedora para as persoas con alzhéimer e outras demencias, e é un feito que cada vez está máis en auxe gracias aos beneficios que se demostran con este tipo de terapias non farmacolóxicas. Entre eles: redución do estrés e da ansiedade, a mellora da atención ou o adestramento da memoria mediante a evocación de recordos dunha infancia labrega e unha mocidade no rural, historia de vida que comparten moitas das persoas usuarias de AFABER.
Unha experiencia do máis enriquecedora que estamos desexando repetir!!!
Especiais agradecementos a Casas Novas por recibirnos cos brazos abertos e deixarnos formar parte do seu mundo por un día!
🧠🫂💚
