29/10/2026
II Memorial Felipe «Pantera» Rodríguez
Despois de 25 anos, chega o segundo Memorial Felipe «Pantera» Rodríguez. Moitos dos que compartiron cartel con el e colaboraron naqueles tempos, como Amoedo, Luis Torrado ou Tono da Silva, xa non están entre nós. Ao igual que Felipe, permanecen agora no noso recordo.
Pero estamos seguros de que todos eles, alí onde estean, contemplarán este segundo memorial coa mesma ilusión coa que o viviron en vida.
Agárdanos unha velada de apenas dúas horas, pero cargada de emoción e bo boxeo, con cinco combates amateur, unha exhibición de boxeo adaptado e dous títulos Neo.
Unha gran oportunidade para render homenaxe a todos aqueles que fixeron grande o noso deporte e, ao mesmo tempo, comprobar como a comarca do Salnés e a zona de Arousa se converteron nunha auténtica canteira de campións.
Porque o boxeo é moito máis ca combates e títulos: é historia, compañeirismo, paixón e memoria. E mentres sigamos lembrando a quen abriu o camiño, o seu legado seguirá vivo entre nós.
Por Felipe, polos que xa non están e por todos os que manteñen viva a chama do boxeo.
