Amigas e Amigos dos Museos de Galicia - Portas Ártabras

17/06/2026

O venres 19 de xuño ás 20:00 horas, terá lugar en Portas Ártabras, a presentación do poemario “Tríade” de Francisco Vázquez Chantada, editado por Toxosoutos.

O acto contará coas intervencións de:

Felipe - Senén (Museólogo)
Francisco Xabier Vázquez (Autor)
Jesús ArtÉxtasis (Artista)
Susana de Lorenzo (Soprano)

Entrada libre ata completar aforamento.

-------

Tríade é un proxecto de evolución poética, que abarca unha década de creación, a través de tres poemarios escolmados.
Dende "A forza das cousas" (1996): poesía que atende o cotián, o ritmo vital dos días e das cousas. Em "A historia que sabemos é vivir" (2000), os poemas acadan un perfil intimista. Vestixios que falan de periplos sentimentais e do mundo.Ata os que marcan un cambio de estilo, máis conciso e incisivo, en "De a diario e de leóns" (2006). Hai nestes poemas breves unha formulación imperativa que conclúe os versos.

15/06/2026

O xoves 18 de xuño, ás 20:00 horas, terá lugar en Portas Ártabras a presentación do último poemario de Francisco X. Fernández Naval, titulado: “VAL TAN DOCE E SOMBRÍO”, editado por Kalandraka (Tambo).

Intervirán no acto:
Eva Veiga (Poeta)
Luís Rei Núñez (Director da colección Tambo)
Francisco X. Fernández Naval (Autor)

Entrada libre ata completar aforamento.

15/06/2026

O mércores 17 de xuño, ás 20:00 horas terá lugar en Portas Ártabras a presentación do novo libro – disco LUBRE que celebra o 40 aniversario de Luar na Lubre. O acto contará coa intervención de Dolores González (filóloga), Lois Ladra (antropólogo), Felipe - Senén amais dos membros de Luar na Lubre.
Entrada libre ata completar aforamento.
_______

30 persoeiros do mundo do eido da cultura nas súas distintas modalidades ofrécennos as súas respectivas achegas, relacionadas co 40 aniversario de Luar Na Lubre e/ou a voz lubre e a súa inclusión, por fin, no Dicionario da Real Academia.

Neste traballo, a palabra LUBRE elévase como un ritual escrito e sonoro deseñado para abrir as portas do bosque sagrado. Todo gravita arredor da forza do seu significado, arroupado por unha colección de textos e imaxes fascinantes, onde a música deixa de ser unha simple escoita para ser habitada. Unha transmutación do sentido cara a liturxia espiritual na que Galicia se reencontra, finalmente, co seu mito ancestral.

09/06/2026

08/06/2026

O xoves 11 de xuño, ás 20:00 horas, Portas Ártabras acollerá unha nova sesión do ciclo “Paganismo e Cristianismo na arte”.
Nesta ocasión, José Luis García Dornelas falará, apoiándose en máis dun centenar de imaxes, sobre a utilización da crueldade para captar a atención dos fieis, fixar historias sacras na memoria e transmitir leccións morais de xeito instantáneo, sen necesidade de recorrer a textos escritos.
Entrada libre ata completar aforamento.

06/06/2026

O martes 9 de xuño, ás 20:00 horas, terá lugar en Portas Ártabras a actuación da formación teatral CasaHamlet que presentarán: “PODE SORRIR E SER UN BELLACO”

Esta montaxe, dirixida por Santiago Fernández, é unha viaxe emocionante a través de pequenas pezas ensambladas que exploran as aparencias e a dualidade humana, inspirándose na célebre frase do Hamlet de Shakespeare.

Entrada de balde e libre ata completar aforamento.

02/06/2026

O xoves 4 de xuño, ás 20 horas terá lugar en Portas Ártabras unha moi interesante conferencia arredor dos “ALICERCES EXIPCIOS DA CULTURA CELTA GALAICA”, pronunciada polo artista, escritor e investigador especializado no mundo celta, Javier Mareas, que será presentado polo historiador da cultura galega Felipe – Senén.

As raíces da cultura galaica son descoñecidas para o gran público, perdidas no decurso da prehistoria. Nesta conferencia daremos a coñecer como as lendas e a arqueoloxía deste territorio amosan un pasado exuberante e mesmo exótico patrimonio dun grupo celta, os Gaélicos, que habitou Galicia perante a idade do ferro. Eles foron os responsables de introducir unha linguaxe técnica e simbólica allea e novedosa proveniente de oriente.

Entrada libre ata completar aforamento.





Actividade subvencionada por: Cultura da Deputación da Coruña

25/05/2026

O xoves 28 de maio ás 20 horas terá lugar en Portas Ártabras unha nova conferencia pronunciada por José Carlos Alonso (cronista gráfico da Coruña e creador do proxecto “Flujos”), titulada: “GERMÁN CRUZ, FOTÓGRAFO, CORUÑA 60s E 70s”

Germán Cruz naceu na pequena aldea de Braña ao lado da Granxa Agrícola (Monelos). Todo ese mundo desapareceu nos anos 60 e 70. Gustoulle a fotografía e fotografar a vida da súa familia pola cidade co que, por esa razón, atopámonos cunha reportaxe da cidade e a súa contorna de máximo interese xa que a lente da súa cámara fixouse en lugares (algúns tamén hoxe desaparecidos) que ningunha outra persoa parece documentar.

O seu fillo Samuel Cruz foi o responsable de que o inxente material fotográfico do seu pai vise a luz nas redes sociais. Está prevista a súa presenza na charla.

Entrada libre ata completar aforo.





Actividade subvencionada por

18/05/2026

O xoves 21 de maio, ás 20 horas terá lugar en Portas Ártabras  a conferencia da xornalista e arqueóloga Nieves García Centeno que presentará “ARSÍNOE, REINA DE ALEJANDRÍA”.

Nieves García Centeno, reside na Coruña, é xornalista, e traballou en cabeceiras como La Voz de Galicia (correspondente en Costa da Morte); no Ideal Gallego, e na Cadena Ser-Radio Coruña (Radio Nordés) e Punto Radio (Costa da Morte), alén de en distintas axencias e consultorías. Tamén é historiadora e arqueóloga, polo que, con este debut literario, García Centeno consegue axuntar a súa paixón polo Antigo Exipto, onde foi escavar en xaneiro de 2024, e a investigación histórica.

16/05/2026

Este luns 18 de maio Día Internacional dos Museos, ás 20 horas en Portas Ártabras teremos un acto no que reflexionaremos sobre o papel dos museos hoxe, fronte á idea confusa de que a calquera exposición ou reunión de cousas se lle chama museo. Acto guiado por Felipe-Senén e ao final do que, como noutras ocasións darase a coñecer o PREMIO PEDRA DO DESTINO 2026, como sempre dedicado a aquelas persoas colectivos ou museos preocupados na salvagarda e difusión do patrimnio cultural de Galicia.