14/06/2026
🤍🩵🤍 Maio Cultural de Aguiño 2026 realizado!
🎶 Coa participación do grupo de cantareiras As Sete Linguas da AFLM no día das Letras Galegas pola mañá en Ribeira xunto a e pola tarde a celebración da xornada de debuxo infantil, espectáculo de 🪄 maxia de Don Gelati de Dani García, 🐸 xogos tradicionais, inchables e animación musical, entrega de agasallos e lotes de libros en galego e actuación das pandeireteiras de Bailadela e a nosa asociación no que participaron ao longo da xornada, un milleiro de persoas de todas as idades, familias con avoas, nais e netas que realizaron xogos populares, 🎨 alusivos a Begoña Caamaño e as letras galegas, etc.
🍬 Houbo tamén refrescos e auga fresca, agasallos da asociación serigrafiados para todos os participantes e lotes de libros infantís e xuvenís na nosa lingua; tamén se entregaron xoguetiños, chocolate e lambetadas doadas polo Gadis Ribeira.
🧐 Con estas accións rematamos as actividades de primavera que levamos a cabo; en abril a presentación literaria de “A Forcadiña” de Carmen González na Casa do Mar; en maio a actuación das Sete Linguas na Porta do Sol en Ribeira e a celebrar do Día das Letras Galegas e xornada de debuxo infantil, cantareiras, espectáculo de maxia con inchables e xogos tradicionais na Casa da Cultura e parque da Tasca en Aguiño e en xuño o mural en homenaxe a Ayaso e Lucía Rivas.
‼️ Tamén agora o vindeiro 27 deste mes, celebraremos o IX Festival de Música e Canto Tradicional Son’s en Aguiño, do que xa daremos conta e no que agardamos contar coa vosa participación.
🌱 Seguimos sementando cultura en Aguiño tras 21 anos de existencia da Nosa asociación en Nadal de 2005! 💪🏼💪🏼💪🏼
🔵 Agradecemos á Cultura da Deputación da Coruña e Cultura e Festexos Ribeira a súa colaboración a través das liñas de subvencións anuais para actividades culturais que impulsan.
