Festas de Aguiño 2024

10/08/2025

🔥 A FESTA DA NAVALLA 2025 FOI UNHA AUTÉNTICA EXPLOSIÓN DE SABOR E ALEGRÍA! 🔥

Non temos palabras para describir o que vivimos hoxe en Aguiño… pero imos intentar:
📅 Data histórica.
⏰ Ás 14:30, e ante a mirada incrédula de todos… Esgotamos as navallas!
🐚 Máis de media tonelada desfrutada entre risas, brindes e encontros que quedarán para o recordo.

A Comisión de Festas quere dar GRAZAS con maiúsculas:
💙 A todos os veciños e veciñas de Aguiño, que como sempre estiveron ao pé do canón.
💙 A todos e todas as que viñestes dende diferentes recunchos de Galicia, algúns facendo centos de quilómetros, só para compartir esta xornada connosco.
💙 Aos nosos incansables colaboradores, que fixeron posible que esta festa se vivise con tanta intensidade e sabor.

Hoxe, Aguiño foi un punto de encontro, un lugar onde a tradición mariñeira se mesturou coa hospitalidade e a festa, onde cada prato servido levaba un anaco do noso corazón.

Grazas por ser parte desta historia. Grazas por facer grande a Festa da Navalla. Grazas por poñer o nome de Aguiño no mapa da festa e do bo comer.

E xa sabedes…
📣 O ano que vén, máis e mellor!
💥 Porque cando Aguiño celebra… celébrase a lo grande! 💥

09/08/2025

✨AGRADECEMENTO ESPECIAL – FESTAS DE AGUIÑO 2025✨

Unha vez rematadas as Festas de Aguiño 2025, queremos render unha mención especial aos bares colaboradores que, ademais de aparecer no libro das festas, fixeron un donativo voluntario para apoiar a súa organización.

📌 O cartel que acompaña esta publicación recolle unicamente a estes establecementos.

💛 Grazas pola vosa xenerosidade, por apostar por Aguiño e por manter vivo o espírito das nosas festas. Cada achega conta e fai que todos poidamos desfrutar.

07/08/2025

FESTA DA NAVALLA 2025

👉 Este 10 de agosto de 2025, a partir das 12:00 h, vén ao Porto de Aguiño e desfruta da IX Festa da Navalla!

💙 Mar, sabor e tradición únense nun día cheo de bo ambiente, música e, por suposto… navallas fresquiñas da nosa ría, cun sabor auténtico e de calidade suprema.

🦪 Navallas da Praia da Catía, colleitadas polos nosos navalleiros e navalleiras de xeito tradicional, co mimo e o saber de sempre. ¡Un auténtico manxar que non atoparás en ningún outro lugar!

🎶 Actuacións musicais en directo con:
🎤 Chiña
🎻 Habelas Hailas

🎈 Degustacións, música, tradición e un entorno mariñeiro incomparable.

📍 Porto de Aguiño – Concello de Ribeira
🗓️ 10 de agosto de 2025, ás 12:00 h

💬 Comparte, etiqueta e convida aos teus!

22/07/2025

🎉🏖️ Xa apareceu a persoa gañadora! 🏖️🎉

Temos unha boa nova: xa apareceu a persoa premiada no sorteo da viaxe ás Illas Canarias! 🌞✈️🌊

Parabéns! Agora tócache g***r dunha experiencia inesquecible de sol, mar e paisaxes espectaculares. 😍
Moitísimas grazas a todas as persoas que participastes — estade atentos/as, que pronto haberá máis sorpresas! 😉

18/07/2025

⚽ Solteiros vs Casados 2025
Resultado: Casados 7 - Solteiros 2

Os solteiros puxeron o estilo… os casados puxeron os goles (e os xeonllos).

💬 “Perdemos, si… pero con flow”, dixo un solteiro.
💬 “Gañamos, e mañá traballamos. A vida real é así”, respondeu un casado mentres se botaba Voltaren.

🔁 Para o ano, revancha asegurada… se nos dan permiso na casa 😅

18/07/2025

🎉 Xogo das Cucañas 🎉

Hoxe gozamos a tope co tradicional xogo das cucañas, un momento cheo de emoción, caídas divertidas e moita habilidade!

👏 Noraboa a todos os valentes que participaron, que demostraron espírito de xogo e bo humor en cada intento.
🥇 Parabéns especiais ao gañador, que conseguiu a bandeira 3 veces !

Grazas a todas as persoas que viñestes a animar e compartir este momento connosco. A festa continúa! 💃🕺

17/07/2025

Non podedes perder o grupazo que traemos para esta noite!! O grupo América de Vigo ❤️

Tropa, este Xoves estaremos en Aguiño dando caña a partir das 00:00 en dous pases. Dende as 22:30 estará Atenas.

Vémonos.

17/07/2025

Bo día! Xa temos número gañador para a viaxe a Canarias!!! ❤️❤️🫶🏻🫶🏻 Compartide para que aparezca o/a gañador/a 😊😊

16/07/2025

Queridos veciñas/os por fin imos a revelar o máis agardado!!

O pregoeiro das Festas do Carme 2025 en Aguiño é nada máis e nada menos que…

🌟 LUIS IGLESIA 🌟
Gran actor galego, querido polo público e orgulloso embaixador da nosa cultura 🎭💙

👉 Hoxe, ás 00:00h, no porto de Aguiño, dará o pregón que marcará o inicio dunha das festas máis sentidas da nosa terra 🌊⚓️

Non volo perdades! Vai ser unha noite moi especial ✨