Fundación Olga Gallego

Casa
España
A Coruña
Fundación Olga Gallego

Organización sen ánimo de lucro que nace co desexo de contribuir á difusión e á protección dos arquivos e do patrimonio documental

A VISIÓN: A Fundación Olga Gallego nace coa vontade de ser un espazo participativo e solidario que permita fomentar a reflexión e o intercambio de ideas sobre todos os aspectos que preocupan á comunidade arquivística galega, mantendo como referente o espíritu de compromiso cos arquivos, arquiveiros e arquiveiras que practicou Olga Gallego ao longo da súa vida profesional.. A MISIÓN: A Fundación Ol

ga Gallego pretende co seu labor contribuír á difusión e protección dos arquivos e do patrimonio documental mediante o fomento dos estudos e da investigación sobre arquivística e arquivos, e mediante o desenvolvemento de actividades de formación
OS OBXECTIVOS:
•Crear canles permanentes de comunicación con institucións e profesionais relacionados cos arquivos.
•Colaborar para a consecución dos seus fins con outras entidades, organismos, institucións ou persoas de calquear ámbito territorial, de forma especial, con aqueles países que teñen unha forte vinculación con Galicia, como Portugal ou os de América.
•Promocionar e difundir actividades de impulso e protección dos arquivos e do patrimonio documental doutras entidades ou institucións.
•Fomentar a investigación no ámbito da arquivística e comunicar á sociedade todos os resultados que se obteñan, favorecendo o ben xeral da sociedade.
•Impulsar actividades de formación no ámbito dos arquivos e do patrimonio documental que axuden á xeración e transmisión de coñecemento.

10/06/2026

Programa das Xornadas Días de Labor

Os días 25 e 26 de setembro de 2026 terán lugar as Xornadas Días de labor: a memoria do traballo e a súa pegada na sociedade e no territorio na Aula Magna da Facultade de Humanidades e Documentación de Ferrol. As Xornadas están organizadas conxuntamente por BAMAD Galicia e a Fundación Olga Gallego, coa colaboración da Facultade de Humanidades e Documentación de Ferrol da Universidade da Coruña.

Toda a información pode consultarse na páxina web de Memoria Documental de Galicia, onde xa está dispoñible o programa, unha breve presentación das relatoras e relatores e o formulario de inscrición. Tedes ata o 1 de setembro para inscribirvos mantendo a cota de 25€. Dende esa data e ata o 25 de setembro a cota increméntase ata os 35€ . Para as persoas asociadas a BAMAD, o resto de asociacións de FESABID e o alumnado da Facultade de Humanidades e Documentación a inscrición é gratuíta, así como para as entidades coas que BAMAD ten subscrito convenio de colaboración.

Tamén atoparades as instrucións para a presentación de comunicacións.

05/06/2026

Artigo de Montserrat Canela no IV Encontro Olga Gallego de Arquivos

24/05/2026

Brais

Conferencia inaugural de Brais Lamela nas xornadas "Á procura do pasado para armar o futuro: o rural e as institucións da memoria".

13/05/2026

Memoria documental de Galicia

Xa están publicadas as actas dunha nova edición do proxecto ", que desenvolvemos en colaboración con Bamad Galicia.

As xornadas "Á procura do pasado para armar o futuro: o rural e as institucións da memoria", celebráronse en Lugo o 28 e 29 de novembro de 2024.

https://fundacionolgagallego.gal/fog/publicacions-2/

Actas e vídeos das Xornadas – Memoria Documental de Galicia https://share.google/HZiRi14CkktrhKc2O

05/05/2026

Continuamos a explorar o contido da nosa última publicación, as Actas do IV Encontro Olga Gallego de Arquivos. Hoxe miramos o relatorio de Arsenio Sánchez Hernanpérez, prestixioso profesional do Instituto de Patrimonio Histórico Español.

Podemos ler o artigo baixando as actas do noso portal: https://fundacionolgagallego.gal/fog/publicacions-2/ #

ou ver a súa intervención na nosa canle de YouTube:https://youtu.be/Ztm5VobKWSM?si=4dG7P5CtlqbPYwAM

28/04/2026

Artigo de Merche Rojas nas Actas do IV Encontro da Fundación Olga Gallego.

Mira tamén a súa intervención no Encontro na nosa canle de YouTube: https://youtu.be/SauWAaGLzZk?si=5GRcFVMv5EFM0k27

22/04/2026

Xa están publicadas as Actas do IV Encontro Olga Gallego de Arquivos:

https://fundacionolgagallego.gal/fog/download/actas-do-iv-encontro-olga-gallego-de-arquivos-os-arquivos-e-os-desastres/

Con contribucións de Merche Rojas, Montserrat Canela, Arsenio Sánchez, Beatriz Franco, Lluís-Esteve Casellas, Anahí Casasdesús, Mar García Miraz e María José García Sector.

15/04/2026

Compartimos a información sobre estas xornadas sobre a pel que terán lugar de forma simultánea en Barcelona e en Madrid os días 8 e 9 de maio.

15/04/2026

Moitos parabéns para Rosa Crujeiras, a primeira muller que acada a reitoría da Universidade de Santiago desde a súa fundación, hai máis de 500 anos. Desexámoslle moito éxito na súa xestión!

25/03/2026

Presentación

O luns 23 de marzo tivemos a presentación en Ourense, no Arquivo Histórico Provincial, o segundo volume da Biblioteca Dixital Olga Gallego.

Pedro López, presidente da Fundación, glosou o contido da publicación. Máis de 900 páxinas que reúnen os traballos de Olga no Boletín Auriense desde 1971 ata 2006 (máis outro traballo póstumo editado en 2013).

Interviñeron tamén no acto Bieito Pérez, presidente do Grupo Marcelo Macías de Colaboradores do Museo e Arquivo Provinciais de Ourense, que participou na edición, e Pablo Sánchez, director do arquivo.

Dirección

Rúa Rosalía De Castro, Nº 13, Bajo
A Coruña
15004

Página web

http://www.fundacionolgagallego.gal/

Notificaciones

Sé el primero en enterarse y déjanos enviarle un correo electrónico cuando Fundación Olga Gallego publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.