21/05/2026
#7660
Female
"سؤال بس هو لما اهلي في البيت اللي ماليش غيرهم في الدنيا يعاملوني وحش ويكسرو بخاطري ،انا المفروض استنى الغريب يعاملني ازاي
اروح فين بجد جوه البيت شقاء وبره البيت شقاء والناس معظمها بقت صعبه اوي
بسبب كده انا مش بثق في اي حد في الحياه اي حد بيقول انه بيحبني مش بصدقه وبخاف اتعامل مع الناس
بتخنق لما يحصل مشاكل في البيت ببقا مش عارفه اروح فين وبحزن اوي لان المفروض اختي تكون اكتر حد أقرب ليا ،كلامها صعب واسلوبها صعب وبتكسر بخاطري كتير و حاولت كتير معاها اوي
بقيت اتجنبها و مش بتعامل معاها بس ده صعب جدا عليا وهي بتصعب عليا بردو لأن هي اكيد بتزعل من كده بس برجع اتعامل معاها ف تكسر بخاطري بردو
ده مأثر جدا بمعاملتي مع صحابي انا حاسه ان محتاجه اتعالج نفسيا انا مش عارفه اتعامل مع اي حد ولا حتى نفسي
دايما بلجأ ان انعزل عن الناس واقعد لوحدي بس انا اكتر حد بيحب الناس والتجمعات ف الوحده ديه بتوجعني بردو انا مش ببقى مبسوطه وانا منعزله كده و واخده جنب
ادور على دكتور واتعالج نفسيا ولا اعمل ايه وهل بتفرق العلاج النفسي ده؟"
