احداث المطريه القاهره ٢٤ ساعه

28/09/2026

25/09/2026

الشاب دا فاتح ورشه المنتوال في شارع الرشاد إلي في مدرسه الرشاد جه عملي شغلانه صغيره بس لقيته ابن حلال ومش جشع في وقت الجشع بقي مالي السوق بيتعامل بما يرضي الله في الأسعار وبيطلع الشغل بريمو ومعندوش حتت الإستغلال والله العظيم ياجماعه دي الشباب الي تستاهل الواحد ينزلها بوست يشكر فيها لما تكون شغلانه واحد جه وقالي فيها 1000 وهو يقولي 650 وهي هي نفس الشغل بنفس الإكسسور يبقي لسه في خير في الناس .....ربنا يصلح حالك ياعبدالرحمن ويوسع عليك ويزيدك من نعيم الله ويرزق اي شاب شقيان وماشي بما يرضي الله ElHosiny Elsaeed ElHosiny أدمن

25/09/2026

اقسم بالله أنا لما بنزل بوست مافي حد بيبقي قايلي أنزله انا بعمل كده اولا لما بكون جربت بنفسي ثانيآ لما ميكونش هو طلب مني أعمل كده ....سيد شاب صغير ومجتهد وابن حلال ونضيف في اكله وعامل يوم الجمعه والسبت والأحد عظمه علي عظمه وعامل كمان التوصيل مجانآ. ..... الفسيخ بره بيتباع ب٤٠٠ جنيه والرنجه ب٢٥٠ لازم نجرب الشاب المحترم دا Sayed Fadl Daebes
وربنا يكرم الجميع ElHosiny Elsaeed ElHosiny أدمن

25/09/2026

حد يعرف مين الراجل المحترم دا وبيبيع اي ElHosiny Elsaeed ElHosiny أدمن

23/09/2026

بطل من أبطال الداخلية يستحق كل الدعم والتشجيع
هاجموه.. شوهوا صورته.. وحكموا عليه في كام ساعة ظلم..!؟ عشان وحده بتعيط زي التماسيح 🐊

لكن لما ظهرت تفاصيل جديدة في الواقعة الصورة بدأت تختلف تمامًا

الساعات اللي فاتت اسم النقيب أحمد مختار، معاون أول مباحث قسم شرطة مدينة نصر، اتصدر السوشيال ميديا، وتعرض لهجوم واسع من ناس كتير قبل ما تفاصيل الواقعة كاملة تظهر.

لكن المفاجأة؟

التحقيقات أكدت أن تحليل الطب الشرعي لزوج دينا عزت، المتهم في القضية، جاء إيجابيًا لتعاطي مخـ.ـدر الحشيش، وفقًا لنتيجة العينة التي تم تحليلها.

وبحسب المعلومات، كان النقيب أحمد مختار ضمن القوة التي تمكنت من ضبط المتهم أمام الحديقة الدولية بمدينة نصر، بعد ورود معلومات بشأن حيازته والاتجار في مواد مخـ.ـدرة.
يعني لازم نشكره لانه ساهم في القضاء علي تاجر بيدمر صحة ولادنا مليون تحية وشكر وكل الدعم للرائد أحمد مختار وشكرا لكل رجال الداخلية علي دورهم المشرف على مدار سنين.

22/09/2026

الاستاذه دي اسمها هدي سلطان Hüdä Sültän بتعمل بازار في منتزه الحلميه .....اقسم بالله عمرى ما شوفتها وجه لوجه ...بس كل الي راح البازار قال اشعار ...وبعيد عن البازار لما تكون انسانه متعلمه ومتحضره وفاهمه ...هيكون الكلام صادق واي عروض بتتقال هتروح تلاقيها بجد ....انا متفائل إنك هتكوني في حتا تانيه لانك مثقفه وطريقتك للدعايه راقيه جدآ وحقيقيه ....انا هكون اول الناس إلي هتيجي وتستفيد بالعروض من البازار في منتزه الحلميه .....وربنا يصلح حالك ويصلح حال اي واحده مجتهده وبتفيد الناس مش بتأذي الناس ElHosiny Elsaeed ElHosiny أدمن

22/09/2026

ربنا يرزق الناس كلها بس المحل زودها حبتين لإني بقيت مدمن المجمدات من عنده
كميه نضافه موجوده في المكان دا غير طبيعيه دا غير الاسعار إلي مش هتلاقي زيها
مجمدات العمده انا والله ما بجيب مجمدات الا من عنده وبلأخص الاكل البيتي زي مثلآ الممبار ....كفته الرز ....السجق الإسكندراني ....كفته الشوي ...اي مصنوعات بيتي تحفه والسعر أقل من بره بكتير والله علي ما اقول شهيد عنوان المكان شارع البلسم أمام عيادات الكرداسه وبجانب البوسطه ربنا يراضي الناس كلها ElHosiny Elsaeed ElHosiny أدمن

21/09/2026

البنت دي اسمها استاذه مروه بنت حلال وشقيانه بجد فاتحه في شارع عزت قدام عصير تبارك وجمب أوكازيون المحل اسمه فانيليا وبتبيع جبن ومعلبات ومواد غذائيه والله من احسن الناس الي عندها ضمير في شغلها ومع ربنا ..... أنا والله لما بنزل لحد حاجه بيكون عن تجربه دي تستاهل بدل ما تدخل سوبر ماركت كبير او هايبر أسعاره اغلا منها كمان .... وبنت زوء بجد ووالدها كان معلمي ومربي أجيال ....ربنا يرزقك يابنت الحلال وتشوفي خير الدنيا كله ElHosiny Elsaeed ElHosiny أدمن

18/09/2026

ابن البلد بس الي هيعرف المحل ده فين في المطريه وبيبيع اي ElHosiny Elsaeed ElHosiny أدمن