Wie lautet die Website?

https://www.facebook.com/1485875571440497/

Somalis in Deutschland - Soomaalida Jarmalka

Startseite
Deutschland
Kassel
Somalis in Deutschland - Soomaalida Jarmalka

Wegbeschreibung

Waa Bog loo sameeyay in uu ka hadlo Arimaha Soomaalida Jarmalka ku nool, Talooyina ka siiyo Noloshooda, Sharciyadooda & Howlahooda wadankaan Jarmalka.
(1)

Wax ama arrin dalkan ka dhacay oo aad dooneysid inaad nala wadaagtid haddii uu jiro, fadlan linkan hoose riix https://form.jotform.com/kadiye/inakadiye
Admins: Ahmed Kadiye & Tahlil Olad 🇸🇴🇩🇪

03/11/2026

Xilliga aaska iyo Janaasada Marxuumadda.
Allaha u naxariisto Maama Luul Geesey Goomey (L*l Autenrieb), oo Soomaaliya ku dhalatay 24.07.1960, kuna dhimatay magaalada Bonn 01.11.2026.

Qofkii awooda haka qeyb galo:
Waxaa salaadda Janaaso lagu tukanayaa
Arbaco 4.11.2026 Salaadda Maqrib kaddib
Masjidka Al-Muhajirin-Moschee
Brühler Straße 28
53119 Bonn

Waxaa lagu aasayaa xabaalaha
Friedhof Heiderhof Bad Godesberg ee magaalada Bonn, maalinta Khamiista ah 05.11.2026
Gaar ahaan 11-ka barqanimo.

إِنَّا لِلَّهِ وَإِنَّا إِلَيْهِ رَاجِعُونَ

Rabbi SWT ha u naxariisto
Jannadiisa Firdowsana haka waraabiyo
Ehelka, asxaabteeda & Soomaalida Jarmalkaba waan uga tacsiyaynaynaa.

Ilaahay ha u naxariisto Maama Luul
Qof wanaagsan bay aheyd.

— Ahmed Kadiye

03/11/2026

Ma ogtahay 2020 illaa iyo hadda inaan bixino cashiro Jarmal ah oo Af-kaaga hooyo lagugu barayo. Tani waa koorso cusub oo A2 ah oo aan habeen danbe bilaabeyno insha Allah. Si aan faahfaahin dheeraad ah kaaga siino.
Nagala soo xariir WhatsAppkan
+49 1521 0728922
Maalin wanaagsan — Ahmed Kadiye

02/11/2026

Waxay bilaabeen in shukulaatada carruurta cirbad lagu dhex qariyo.
Booliiska Jarmalka wuxuu ka digayaa inay soo baxeen dad cirbado iwm dhex geliya shukulaatooyinka inta aanan lasoo gadan kahor, dantooduna ay tahay qofka markii uu cuni tago, inay cirbaddu dhib gaarsiiso.

Gobollo kala duwan oo Jarmalka ku yaalla ayay dhacdadaasi ka dhacday, ilmo badan ayaa shukulaatooyinkooda cirbadahaasi iwm ka dhex helay, booliiskana u sheegay.

Ka feejignaada awooweyaan & ayeeyooyin.

Sawiradan hoose waa qaar kamid ah oo la ogaaday.
Habeen wanaagsan - Ahmed Kadiye

02/11/2026

War saxaafadeed ama farriin ka timid dallada Jaaliyadaha Soomaaliyeed ee dalkan Jarmalka, oo ku saabsan dhanka arrimaha tarxiilka. Guddoomiye Ibraahim Isxaaq ayaa farriintan idin la wadaagaya.

02/11/2026

Magaalada Melk ee dalka Austria. 1-dii November Booliiska ayaa waxay arkeen baabuur meel lagu nasto lagu baakimay (la dhigay), oo matoorkiisa uu shidan yahay, qofka darawalka ahna uu gudaha ku jiro asigoo miyir beelay.

Darawalka waa nin Soomaali ah oo 23 sano jir ah, waxay sheegeen inuu gaaska buufinta leh cabay, sidaasna ku miyir beelay. Waxay gargaraaceen daaqadda, illaa uu gadaal danbe kasoo naaxay, kana furay. Gaaskiina agtiisa ayay ku arkeen, baaritaan ay ku sameeyeenna positive ayuu noqday.

Waxay ka qaateen leesinkii baabuurka lagu wadayay, wixii cawaaqib ahna way sugayaan.

Muhiimadda qoraalka aan usoo qaadanay:
Awooweyaal iyo ayeeyooyin balwad iyo daroogo ha laga fogaado, siiba waxyaabaha uu qofka ku miyir beelayo ama ku waalan karo xataa, haddii uu iska badiyo. Adinkoo baabuur wadana kumaba sii jirto, ka fogaada maandooriyaha.

FG: Sawirkan hoose waa gaaskaas laga hadlayo iyo buufintiisa, waana tusaale un.

Fiid wanaagsan - Ahmed Kadiye

02/11/2026

Koorso cusub oo A2 ah oo arbacadan aan bilaabeyno insha Allah, macluumaadka dhan dhageyso, haddii aad u baahan tahay oo aad ku qanacdidna nala soo xariir WhatsApp ahaan:
+49 1521 0728922
Dadka u baahan ee aad taqaanidna gaarsii.
Maalin wanaagsan — Ahmed Kadiye

02/11/2026

Allaha u naxariisto Maama Luul Autenrieb — Luul Geesey — (66 sano jir) oo shalay ku geeriyootay magaalada Bonn.

Taariikh kooban oo ku saabsan maamada.

1977 ayadoo gabar yar ah oo Soomaaliya joogta, oo 17 sano jir ah ayaa waagaas waxaa 28 mar mindi geliyay nin ay waalidkeeda ku dareen oo ka weynaa.

Baralleys ayay noqotay, waxaa waqtigaas loo soo qaaday Jarmalka, sababtuna waa nin adeerkeed ama abtigeeda ahaa oo Wasiirka Gaashaandhigga ee Soomaaliya xilligaasi ahaa.

Ninkaasi Wasiirka ah ayaa lasoo xariiray Manfred Opländer oo waqtigaasi ahaa Af-hayeenka xisbiga CDU, xisbiga CDU waagaas waxaa Guddoomiye ka ahaa Helmut Kohl oo gadaal danbe Ra'iisul Wasaaraaha Jarmalka noqday.

Isbitaal Jarmalka ku yaalla ayaa Luul lagu daweeyay, waxaana loo sheegay inaysan weligeed danbe istaagi doonin.

1984 ayaa waxay is guursadeen nin Jarmal ah oo Oskar Autenrieb la dhaho, kaasoo ay Isbitaalka isku barteen, ninkaasi wuxuu dhintay 1988 ayadoo uur u leh oo gabar u wada.

Gadaal danbe waxaa guursaday nin Cumar la dhaho, dukaan yar ayay magaalada Duisburg ku lahaayeen, waxayna u dhashay 2 wiil.

Kedibna waxay gadaal danbe u guurtay magaalada Bonn.

Waxay ahayd qof wanaagsan oo dadkeeda Soomaaliyeed caawisa.

Taariikhda maamada waxay ku jirtaa Internet-ka, oo waxay ahayd qof abaalmarinno kala duwan ku guuleystay.

Rabbi SWT ha u naxariisto
Danbigeeda ha dhaafo
Jannadii Firdowsana haka waraabiyo

Innaa lillaahi wa innaa ilayhi raajicuun

— Ahmed Kadiye

01/11/2026

Allaha u naxariisto Mohamed Abdi Kulmiye oo ku geeriyooday magaalada Bonn, ee gobolka NRW.

Meydkiisa ayaa gurigiisa laga helay, halkaas oo uu 3 maalmood asigoo meyd ah ku jiray, booliiska ayaa 4 maalin kale heystay, wayna soo fasaxeen.

Waa sida walaasheen Safiyo Kaynaan oo dadka halkaasi degan ah ay noogu soo warrantay.

Waxaa marxuumka la aasayaa Arbacada 04/11/2026 insha Allah
11:00 barqanimo

Goobta aaska:
Xabaalaha Waldfriedhof ee magaalada Bonn

Adreeska:
Waldfriedhof, Breiter Weg 1,
53177 Bonn-Bad Godesberg

Qofkii agagaarkaasi jooga haka qeyb qaato aaska marxuumka. Xaqa qofka Muslimka ah uu kugu leeyahay ayay kamid tahay inaad janaasadiisa raacdo, u duceyso, kuna soo tukato haddii aad awoodid.

Innaa lillaahi wa innaa ilayhi raajicuun
Rabbi ha u naxariisto marxuumka
Danbigiisa dhan Allaha dhaafo
Jannada Firdowsana Allaha ka waraabiyo

— Ahmed Kadiye

01/11/2026

Nin & haweeneey isla socdo oo aanan la aqoon ayaa nin Soomaali ah oo 41 sano jir ah, xalay fiidkii ku dhaawacay magaalada Reutlingen ee gobolka Baden-Württemberg.

Ninka la garan la' yahay ee haweeneyda la socday ayaa ugu hanjabay ninka Soomaaliga ah inuu mindi dhuunta ka gelinayo.

Ninka Soomaaliga ah wuu iska difaacay mindida, balse dhaawaca gacanta ayaa laga gaarsiiyay.

Dad meesha joogay ayaa soo dhex galay, kuwii falka geystayne way carareen, lamana yaqaano cid ay yihiin & meel ay ku sugan yihiin.

Ninka Soomaaliga ah Isbitaalka ayaa la geeyay.

Illaa & hadda booliiska waxay raadinayaan qofka falka geystay & marqaatiyaal arrinka wax ka ogaa.

Arrinka yaabka leh: Qof Soomaali ah markii dhib la gaarsiiyo badanaa sahal lagumaba helo qofkii wax gaarsiiyay, xataa magaalada dhexdeeda haddii ay ka dhacdo.

Allaha caafiyo ninkaas.

- Ahmed Kadiye

29/10/2026

Maalinta Sabtida ah ee 31.10.2026 insha Allah waxaa la filayaa banaanbaxyo waaweyn inay dalkan ka dhacaan.

34 magaalo ayaa la qorsheeyay in laga dibad baxo.
Magacyada magaalooyinkaas ka eeg sawirkan hoose, inay magaaladaada ku jirto iyo inkale.

Waxaa banaanbaxaya dhalinyarada Gen Z.
Waa da' yarta 1995 illaa iyo 2010 dhalatay.

Booliiska waxay sheegeen inay suura gal tahay in tii Faransiiska ka dhacday oo kale ay Jarmalka meello kamid ahna ka dhacdo, diyaar garoow weyn ayayna galeen.

Dukaamada lagu gado alaabaha qaaliga ah qaar baa darbiyada dhalooyinka ah alwaaxyo ka kor mariyay, cabsi awgeed.

Dad baa group chatskooda ku ballamay inay moolal waaweyn Sabtida soo bililiqeystaan.
Booliiskana wuu u diyaar garoobay.

Marka Sabtida ka fogoow bartamaha magaalooyinkaasi hoos ku xusan, carruurtana ka ilaalso.

1. Kiel
2. Hamburg
3. Bremen
4. Berlin
5. Hannover
6. Magdeburg
7. Bielefeld
8. Gladbeck
9. Essen
10. Duisburg
11. Dortmund
12. Göttingen
13. Düsseldorf
14. Wuppertal
15. Kassel
16. Leipzig
17. Köln
18. Dresden
19. Erfurt
20. Chemnitz
21. Aachen
22. Bonn
23. Frankfurt
24. Mainz
25. Mannheim
26. Nürnberg
27. Karlsruhe
28. Regensburg
29. Stuttgart
30. Augsburg
31. Ulm
32. München
33. Freiburg
34. Lörrach

Jimco wanaagsan — Ahmed Kadiye

Adresse

Kassel
34117

Website

facebook.com

Benachrichtigungen

Erfahren Sie als Erste/r von Neuigkeiten und Aktionen: Wir schicken Ihnen eine E-Mail, wenn Somalis in Deutschland - Soomaalida Jarmalka etwas veröffentlicht. Ihre E-Mail-Adresse wird für keinen anderen Zweck verwendet, und Sie können sich jederzeit abmelden.