17/06/2026
Den e edicion di awe di โKico ley ta bisaโ mi kier para keto un rato na โbelastingโ y bo derecho.
Bo a yega di haya un cobransa di belasting, di cual bโa pensa, wel, nan a calculโe, e lo ta bon, y te ey mi caminda ta yega?
Wel mi kier informa bo cu esey no ta e caso.
Ora bo ricibi un cobransa di belasting y bo no ta di acuerdo cunโe, bo tin caminda pa cana.
Importante ta pa bo manda bo carta di obhecion dentro di 2 luna di e fecha di e cobransa, pues ta hopi importante pa bo wak e fecha di e cobransa. Dentro di 2 luna bo tin cu entrega e carta.
Con bo ta entrega e carta aki? Via di e website di Departamento di Impuesto, via di BOI, Bo Impuesto. Eynan bo ta yena bo informacion, bo ta duna kico ta e motibo cu bo no ta di acuerdo cu e cobransa, of bo ta pidi nan revisโe pa bo, repasโe pa bo, y asina bo carta di obhecion ta wordo entrega.
Pues bo ta haci obhecion na e Inspector di Impuesto. Despues bo ta haya un contesta, y si ainda bo no ta di acuerdo cu e decision, bo por apela esaki na Corte di belasting. Esaki tambe bo mester haci dentro di 2 luna. Con bo ta haci esey? Bo ta skirbi un carta, den cual bo ta splica pakico bo no ta di acuerdo, y bo ta entrega esaki na Corte di Husticia dentro di 2 luna di e fecha di e decision di e Inspector di Impuesto.
Con abo mes por controla si e cobransa ta corecto si of no? Ban pone cu ta e cobransa di โgrondbelastingโ, di propiedad. Riba e cobransa nan ta skirbi e adres di e cas cu bo ta doรฑo di dje, y nan ta skirbi e balor di e cas cu bo ta doรฑo di dje. Pues eynan bo por controla si e adres ta corecto , of si nan ta cobrabo pa un otro adres cu no ta corecto. Y bo por wak e balor y compara esey cu e balor cu bo a paga pโe of cu por ehempel ta den e taxatierapport. Asina bo por controla.
Un otro ehempel: p.e., inkomstenbelasting, cu ta un belasting riba bo entrada. Riba e cobransa nan ta skirbi cual ta e entrada cu nan ta cobrabo pโe. Esaki mester cuadra cu e formulario di inkomstenbelasting cu abo mes a entrega. Si e cifranan ta cuadra cu otro, e ta corecto. Si e cifranan no ta cuadra cu otro, e ora e no ta mescos y bo por haci e ora un obhecion contra e cobransa.
Pakico bo tin oportunidad pa haci un obhecion? Pasobra caminda hende ta traha erornan por wordo cometi, y den e caso aki na Departamento di Impuesto tambe tin erornan por wordo cometi. Talves nan no a tene cuenta cu tur circumstancia di bo caso, nan no a tene cuenta cu tur e gastonan cu bo tin, of nan a haci un eror den calculacion, y pโesey bo tin e ora e derecho di pidi nan pa nan revisa e caso. Pero ta hopi importante pa bo haci esaki dentro di e periodo.
Tin hopi hende cu ta perde nan derecho, no pasobra cu nan no tabata tin rason, pero simplemente pasobra nan ta laat sea pa entrega e carta di obhecion of e carta di apelacion na Corte. Pโesey ta asina importante pa bo ta na tempo cu esaki. Pues, mi mensahe di awe ta sensiyo: bo tin caminda di cana ora bo haya un cobransa y bo no ta di acuerdo cunโe. Controla e informacion bon, tuma accion dentro di 2 luna. Bo no mester conoce tur aspecto di leynan di belasting, pero bo mester sa si cu bo tin derecho ora bo ta sinti cu un cobransa no ta corecto. Pa cualkier informacion, tuma contacto libremente cumi, y mi ta spera cu e seccion di awe di โkico ley ta bisaโ tabata util pabo.
