31/03/2026
 🏳️⚧️ Dia di Visibilidad Transgenero ta marca un victoria historico na Aruba  🏳️⚧️
Awe, riba Dia di Visibilidad Transgenero, nos ta celebra un logro importante: Corte di apelacion a confirma e derecho di personanan transgenero pa cambia nan s**o den acta di nacemento, asina aki reafirmando e decision anterior como un paso firme pa igualdad y dignidad.
Cu e veredicto aki, e corte a reafirma cu identidad di genero mester wordo respeta y proteha, basa riba articulo 8 di EVRM (European Convention on Human Rights) unda tur hende tin e derecho di un bida priva, y cu tur hende tin derecho di biba segun ken nan ta.
Cambia s**o den acta di nacemento no ta solamente un detaye administrativo. E ta esencial pa e bida diario di personanan transgenero: pa evita situacionnan di humiliacion, discriminacion of confusion ora nan tin cu mustra documento oficial, manera na trabou, ora di viaha etc. E ta duna reconocimento legal na ken nan ta realmente, y contribui na nan seguridad, bienestar mental y dignidad.
Esaki no ta solamente un victoria legal, pero un mensahe fuerte: Aruba ta move den direccion di mas respet, inclusion y derecho humano pa tur su ciudadano.
Nos lo sigui traha pa un sociedad unda tur persona, sin importa identidad di genero por sinti nan mes sigur, reconoci y respeta.
Pabien!  🏳️⚧️ 🇦🇼
