Shoqata „Shqiponja Traisen“ - Faqja Zyrtare

23/03/2026

01/12/2025

Shoqata “Shqiponja” festoi ditën e shtunë me krenari Festën e Flamurit, një ngjarje që nuk ishte vetëm një festë kombëtare, por edhe një mbrëmje e ngrohtë familjare ku u bashkuan zemrat dhe traditat shqiptare.

Mbrëmja u hap me performancën e ëmbël të vogëlushes Alena Drashi, e cila me veshjen e saj të bukur tradicionale shqiptare me motive tiranase i dha aktivitetit një emocion të veçantë dhe solemn.

Atmosfera festive u pasurua edhe më shumë nga këngët e këngëtarit të njohur Hamdi Hysenaj (Hamdi Uça), i cili me zërin dhe repertorin e tij ngjalli gëzim e nostalgji tek të pranishmit. Po ashtu, ritmet dhe energjia e DJ Blendit e mbajtën mbrëmjen plot gjallëri deri në orët e vona.

Një vend të rëndësishëm në këtë festë zuri edhe ushqimi tradicional shqiptar, të cilin disa familje e sollën si dhuratë për të gjithë pjesëmarrësit, duke e bërë tryezën edhe më të pasur dhe mikpritëse.

Në fund, një falënderim i veçantë shkon për të gjithë anëtarët e Shoqatës “Shqiponja”, të cilët me përkushtimin dhe angazhimin e tyre bënë të mundur organizimin e kësaj feste të mrekullueshme.