Lorva Dzor LAG TD NGO - Լոռվա Ձոր ՏԱԽ ՏԶ ՀԿ

20/09/2026

Այսօր Լոռվա Ձոր ՏԱԽ֊ում կրկին հանդիպել ենք մեր Կանանց խմբին, ում հետ միասին, ամեն ամիս կազմակերպում ենք տարբեր դասընթացներ, վարպետաց դասեր և թեմատիկ քննարկումներ։

Այս անգամ գոբելենագործ Սոֆյա և Նազիկ Պարանյանները անցկացրին կարպետագործության վարպետաց դաս։
Մասնակիցները ծանոթացան կարպետագործության պատմության ու ավանդույթներին, թելերի ընտրության նրբություններին ու գործեցին իրենց փոքրիկ կարպետները։

Մեր հանդիպումները կարևոր հարթակ են ստեղծում տարածքի կանանց համար` ուսումնասիրելու տարբեր թեմաներ և շփվելու համայնքի կանանց հետ։

11/08/2026

10/08/2026

Մեղրաքամի Տոն Լոռվա Ձոր ՏԱԽ֊ում

#մեղրաքամիտոն

10/08/2026

Օգոստոսի 8-ին Լոռվա Ձոր ՏԱԽ-ի նախաձեռնությամբ կրկին տոնեցինք Մեղրաքամը Լոռվա չքնաղ անկյուններից մեկում՝ Լեռնաջուրում` որպես Տոն, որպես մարդու, բնության ու կենդանական աշխարհի փոխհարաբերակցության համեղ և արդյունավետ գործընթաց։

Մեղվաբուծությունը որքան էլ մեր տարածաշրջանի ամենազարգացող ուղղություններից է, այնուամենայնիվ, ունի դեռ շատ չլուծված խնդիրներ։ Ավելին, յուրաքանչյուր տարի առաջանում են նորանոր բնակլիմայական խոչընդոտներ, հիվանդություններ, որոնք պահանջում են գրագետ ու համապարփակ լուծումներ՝ հիմքում ունենալով շրջակա միջավայրը չվնասելու սկզբունքը։

Միջոցառման ընթացքում պանելային քննարկման ժամանակ մեր բանախոսները անրադարձան ոլորտում առկա հիմնախնդիրներին։ Քննարկման ուշագրավ հարցերից էր նաև տեղական և ներմուծվող մայր մեղուների տեսակների պահպանման կարևորության և ռիսկերի հետ կապված խնդիրները։ ՀՀ Էկոնոմիակայի նախարարության անասնաբուծության վարչության ձկնաբուծության և մեղվաբուծության բաժնի ավագ մասնագետը ընդգծեց պետության հետաքրքրվածությունը ոլորտի զարգացման վերաբերյալ, խոսեց դրան ուղղված առաջարկվող ծրագրերի ու մեխանիզմների մասին։ Հատկապես ուշագրավ էր ծավալված բուռն քննարկումը ներմուծվող մայրերի դիմադրողականության, հիվանդությունների վերահսկողությանն ուղղված քայլերի ու մեխանիզմների շուրջ։

Հայտնում ենք մեր խորհին շնորհակալությունը պանելային քննարկման բանախոսներին՝ Ջոն Սիմոնյանին (ՀՀ Էկոնոմիակայի նախարարության անասնաբուծության վարչության ձկնաբուծության և մեղվաբուծության բաժնի ավագ մասնագետ), Օլեգ Դուլգարյանին (Համայնքային համախմբման և աջակցության կենտրոն ՀԿ նախագահ, բնապահպան ակտիվիստ), Հենրիկ Մխիթարյանին (Փամբակ Ապիպարկ ՀԿ նախագահ, մեղվաբույծ), Սվետլանա Հովակիմյանին (Վանաձորի Ազգային Ագրարային Համալսարանի դասախոս) իրենց ակտիվ ներգրավվածության ու կարևոր քննարկման համար։

Մեղրքամի Տոնին հյուրընկալել էինք Հայաստանում Հունգարիայի դեսպանության հյուպատոս և տնտեսական կցորդ՝ պարոն Պետեր Տարչային, Հունգարիայի դեսպանության դիվանագետ՝ տիկին Ալեքսանդրա Չիզմադիային և ՀՀ-ում Չեխիայի հանրապետության արտակարգ և լիազոր դեսպան՝ պարոն Պետր Պիրունչիկին։ Դեսպանությունների ներկայացուցիչները մեծ հետաքրքրություն ցուցաբերեցին մեղրաքամի կազմակերպման նկատմամբ՝ անձամբ ակտիվորեն ներգրավվելով փեթակներից օղակների դուրսբերման և բուն մեղրի քամելու գործընթացում։

Լոռվա Ձոր ՏԱԽը, կարևորելով տարածաշրջանում մեղվաբուծության զարգացումը, իր գործունեությամբ նպաստելու է ոլորտի շահառուների աշխատանքի հանրահռչակմանը, նոր կապերի ձևավորմանն ու աջակցելու է տարածաշրջքնում մեղվապահության բնականոն զարգացմանը։

Լոռվա Ձոր ՏԱԽ-ի աշխատակազմն իր շնորհակալություն է հայտնում միջոցառման հյուրերին իրենց հետաքրքրության և ներկայության համար։

Առանձնահատուկ շնորհակալություն ՏԱԽ գործընկեր և անդամ՝ Հենրիկ և Սամվել Մխիթարյաններին, իրենց տարածքում մեզ հյուրընկալելու համար, ՏԱԽ գործընկեր՝ Կենտրոնական Շիրակ ՏԱԽ-ին իր համեղ խոհանոցով ներկայանալու և մեր հյուրերին սննունդով ապահովելու համար, ինչպես նաև՝ մեր երաժիշտներին, լուսանկարիչներին և կամավորներին կազմակերպչական հարցերով մեզ աջակցելու և միջոցառման անխափան ընթացքն ապահովելու համար։

07/08/2026

Պատրաստվում ենք վաղվա մեղրաքամի տոնին. կամ ինչպես սարերում սուրճ վայելել։
Վաղը համեցեք, բոլոր տարբերակներին ծանոթացնենք

04/08/2026

եթե ցանկանում եք գալ Մեղրաքամի տոնին, կարող եք գրանցվել և մենք ձեզ անվճար կտեղափոխենք Վանաձորից Լեռնաջուր և հակառակը

Ցանկանում եք մասնակցել Մեղրաքամի Տոնին, բայց չգիտեք ինչպես հասնել Լեռնաջուր, Լոռվա Ձոր ՏԱԽը կազմակերպում է անվճար փոխադրում Վանաձոր-Լեռնաջուր-Վանաձոր ուղղությամբ։

Գրանցվելու համար անցեք հղումով,
գրանցման վերջնաժամկետն է Օգոստոսի 6-ը

https://docs.google.com/forms/d/e/1FAIpQLSds5PTGnPo7qo7LJsRf39YyD5OdT7Rq0OdFfg4GVCBL04_s4Q/viewform?usp=pp_url

03/08/2026

Լոռվա Ձոր ՏԱԽի կողմից կազմակերպվող Մեղրաքամի Տոնի Պանելային քննարկման բանախոսներն են՝

Ջոն Սիմոնյան – ՀՀ Էկոնոմիակայի նախարարության անասնաբուծության վարչության ձկնաբուծության և մեղվաբուծության բաժնի ավագ մասնագետ
Օլեգ Դուլգարյան – Համայնքային համախմբման և աջակցության կենտրոն ՀԿ նախագահ, բնապահպան ակտիվիստ
Վիգեն Մնացականյան – Արմ բիի հանի ֆարմի հիմնադիր, մեղվաբույծ
Հենրի Մխիթարյան – Փամբակ Ապիպարկ ՀԿ նախագահ, մեղվաբույծ
Սվետլանա Հովակիմյան – Վանաձորի Ազգային Ագրարային Համալսարանի դասախոս

Քննարկումը նվիրված է Հայաստանում մեղվաբուծության կենսաբազմազանության, խնդիրների և ոլորտի հնարավոր զարգացումներին։

Մեղրաքամի Տոնը տեղի է ունենալու Օգոստոսի 8-ին, ժամը 12:00-17:00, Լեռնաջուր բնակավայրում։ Մուտքն ազատ է