Sytze Wierda Voortrekkers

Sytze Wierda Voortrekkers ‘n Aktiewe Voortrekker kommando in Centurion. Maandae 17:00 - 18:00

Kolskoot Spesialisasie – Hiënas Die Hiënas het die Kolskoot spesialisasie behoorlik geniet!Elke kind het die geleentheid...
15/06/2026

Kolskoot Spesialisasie – Hiënas

Die Hiënas het die Kolskoot spesialisasie behoorlik geniet!

Elke kind het die geleentheid gehad om met windbukse, .22’s, pistole en haelgewere te skiet.

Hier het ons nie net teikens getref nie, dit was ook ’n kans vir baie van hulle om hul vrese te oorwin en te besef hoe trots hulle op hulself is. Die blink oë en groot glimlagte het alles vertel, hulle was trots!

’n Groot dankie aan van die pa’s in ons span en 'n offisier wat dit alles moontlik gemaak het. Al die patrone is geskenk, wat beteken het die kinders kon lekker baie rondtes skiet en regtig oefen.

Wat ’n ongelooflike belewenis vir elkeen!

Kolskoot Spesialisasie - Hiënas (vervolg1)
15/06/2026

Kolskoot Spesialisasie - Hiënas (vervolg1)

Kolskoot Spesialisasie - Hiënas (vervolg)
15/06/2026

Kolskoot Spesialisasie - Hiënas (vervolg)

Fakkelloop & HemelvaartOns het van klein tot groot met fakkels en liggies deur ons omgewing gestap om mense bewus te maa...
15/05/2026

Fakkelloop & Hemelvaart

Ons het van klein tot groot met fakkels en liggies deur ons omgewing gestap om mense bewus te maak van Hemelvaart.

Daarna het ons almal saam ’n diens bygewoon by NG Kerk Wierdapark.

Dit was werklik ’n spesiale geleentheid om as Kommando saam te kon deelneem, saam te stap en saam stil te word.

Hemelvaart 2026Die hemelvaart van Christus was nie ’n einde nie - dit was ’n troonbestyging.Die dissipels het opgekyk en...
14/05/2026

Hemelvaart 2026

Die hemelvaart van Christus was nie ’n einde nie - dit was ’n troonbestyging.

Die dissipels het opgekyk en gewonder waarom Hy gaan, maar Hemelvaart wys vir ons: Jesus het nie verdwyn nie - Hy regeer.

Tussen hemel en aarde leef ons dikwels met vrae, onsekerheid en swaarkry.
Ons verstaan nie altyd die pad nie, maar Hemelvaart herinner ons daaraan dat die Een wat vir ons gesterf het, ook die Een is wat nou vir ons intree.

🎨 Sprayathon vir ’n goeie doel🎗️Baie dankie aan Laerskool Swartkop - Amptelik vir die geleentheid om fondse vir CANSA ...
29/04/2026

🎨 Sprayathon vir ’n goeie doel🎗️

Baie dankie aan Laerskool Swartkop - Amptelik vir die geleentheid om fondse vir CANSA in te samel.

Al was baie leerders op uitstappies, het dit ons steeds nie gekeer nie. Saam het ons 'n ongelooflike R7 305,00 ingesamel!

Baie dankie aan elke leerder en onderwyser wat deel was van hierdie dag.

Julle betrokkenheid en entoesiasme maak ons trots!





Baie geluk Daniël Basson met die suksesvolle voltooiing van jou Hoofleierswag-eksamen!Ons is opreg trots op jou prestasi...
24/04/2026

Baie geluk Daniël Basson met die suksesvolle voltooiing van jou Hoofleierswag-eksamen!

Ons is opreg trots op jou prestasie. Hierdie eksamen is nie net nóg ’n toets nie, dit is ’n bewys van jou karakter, deursettingsvermoë en groei as jong leier. Jy het gewys dat jy nie net die waardes verstaan nie, maar dit ook uitleef; dat jy vaardig is, verantwoordelik kan optree en ander met oorgawe kan lei en dien.

Die Hoofleierswag-eksamen is ’n belangrike mylpaal, ’n teken dat jy gereed is om met selfvertroue die volgende tree te gee. Dit vorm ook ’n deel van die pad na die Presidentverkenner toekenning, en bring jou nóg nader aan hierdie besonderse prestasie.

’n Spesiale dankie ook aan Adéle Olckers wat die pad saam met jou gestap het.

Daniël, mag jy aanhou groei, dien en ’n positiewe invloed wees waar jy ook al gaan.

Hou Koers!

Sterkte Daniël Basson met jou Hoofleierswag-eksamen vanmiddag!
13/04/2026

Sterkte Daniël Basson met jou Hoofleierswag-eksamen vanmiddag!

13/04/2026

Hoofleierswag-eksamen vir Suid-Afrika 🇿🇦📚

Vandag is ’n groot dag vir ons PV-kandidate reg oor Suid-Afrika! Elke uur van voorbereiding, elke stukkie moeite en elke opoffering bring julle by hierdie oomblik.

Gaan skryf met ’n rustige hart, ’n helder verstand en die wete dat julle gereed is. Onthou: dis nie net ’n eksamen nie, dis ’n mylpaal op julle Voortrekkerpad.

Ons d**k aan julle en hou duim vas – wys wat in julle steek! 💪

Kontak ons gerus vir meer inligting oor Die Voortrekkers:
📧 [email protected]
📞 012 329 6011




Ons harte is seer saam met julle.Sytze Wierda Voortrekkers betuig ons innige meegevoel en simpatie aan die familie van Z...
03/04/2026

Ons harte is seer saam met julle.

Sytze Wierda Voortrekkers betuig ons innige meegevoel en simpatie aan die familie van Zané de Jager, asook die breër gemeenskap, met haar afsterwe.

Ons gedagtes en gebede is by julle, en ons dra julle in ons harte in hierdie besonder moeilike tyd.

Mag die Here se troos en vrede julle omvou en krag gee vir elke dag.

Address

149 Friederiche Street
Florida
0157

Opening Hours

Monday 17:00 - 18:00

Website

Alerts

Be the first to know and let us send you an email when Sytze Wierda Voortrekkers posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Sytze Wierda Voortrekkers:

Shortcuts

Share

Category