Tunisian American Association

09/06/2026

السلام عليكم

كلنا قاعدين نتابعو الوضع في تونس و الصعوبات اللي تمر بيها الناس. العايلات اللي عندها مورد رزق صارت تكافح باش توفر ضروريات الحياة، فما بالك بالعائلات اللي دخلها ضعيف، و اللي عندها أيتام.

تواصلت معنا سيدة فاضلة مديرة جمعية خيرية تعاون في الأيتام و العايلات المحتاجة في تونس، كانت تحكي لنا كيفاش أنو برشة صغيرات انقطعوا على القراية بسبب الفقر.

حكات على زوز بنيات انقطعوا عن الدراسة لأنهم من عايلة فقيرة كانوا يمشيو للمدرسة بشلايك بلاستيك في عز الشتاء، حتى صار التلاميذ يتنمّرو عليهم، و البنيات تأثرت نفسيتهم و اضطروا باش ينقطعوا عن الدراسة.

السيدة الفاضلة تنشط ضمن جمعية خيرية اسمها "المنظمة التونسية للتربية و الأسرة" اللي تحاول تعاون الأيتام و الأطفال المحتاجين حتى يواصلوا دراستهم و ما يبطلوش.

الجمعية حاليا تحاول مساعدة 43 طفل يتيم و 77 طفل محتاج، بدون مساعدة، ممكن ينقطعوا عن الدراسة في اي وقت. خاصة مع قرب العودة المدرسية اللي تكاليفها قاعدة ترتفع من عام لعام… و العام هذا بالذات، الأسعار خرجت عن المعقول.

السيدة الفاضلة تقول انو بعض الكراسات صار ثمنها عشرة دينارات، و كل معلّم يطلب كراسة خاصة بمادّته!

الجمعية قدّرت تكلفة العودة المدرسية ب300 دينار لكل طفل، لتغطية ثمن المحفظة، و الكتب و الكراسات، الزي المدرسي، الأقلام، الأغلفة و كتب الدعم المدرسي.

و إذا نحب نعطي التلميذ اليتيم أو المحتاج لبسة بسيطة تحفظ كرامته امام زملائه، تكون التكلفة الإضافية تقريبا 200 دينار.

الجمعية قدمت نداء للدعم من جاليتنا التونسية في أمريكا. خاصة خاصة للأطفال الأيتام، الذين ليس لهم سند بعد الله إلا أصحاب الخير أمثالكم.

نرجو من كل أخ و أخت يقرأ الكلام هذا ان يساهم باللي يكتب ربي لمساعدة أبنائنا الأيتام في تونس خلال هذه الضروف الاستثنائية، و نسأل الله أن يكتب لنا جميعا أجر كفالة يتيم، و صحبة نبيه صلى الله عليه وسلم في الآخرة.

قال رسول الله صلى الله عليه و سلم:
"أنا و كافل اليتيم هكذا في الجنّة"
و أشار بالسبّابة و الوسطى ✌️ ا

لمن يريد ان يساهم في تخفيف معاناة هؤلاء الأطفال، يمكنكم التواصل مباشرة مع السيدة الفاضلة نجاة الملايكي، رئيسة المكتب المحلي للجمعية على رقم الوتساب، و هي مستعدة للإجابة على أي تساؤل و إعطائكم معلومات التبرع.

يمكنكم التبرع عن طريق إرسال MoneyGram أو Remitly أو اي وسيلة تحويل أخرى لتونس. و السيدة نجاة تعطيكم إسم عضو الجمعية الذي ترسلون إليه و تعطيكم وصل تبرّع إذا كنتم تحتاجون ذلك.

المبلغ المقترح لكل طفل:

ا 300 دينار (~100 دولار)
للمستلزمات المدرسية

ا 500 دينار (~172 دولار) للمستلزمات المدرسية و بدلة جديدة.

يمكنكم كفالة أكثر أو أقل من طفل، حسب إمكانياتكم.

رقم وتساب السيدة نجاة الملايكي للتبرع و الإستفسار:

(+216) 54243119

نسأل الله أن يتقبل منكم و يبارك فيكم و أن يخفف عن أبنائنا الأيتام و المحتاجين و أن يخفف المعاناة عن بلادنا العزيزة.

09/01/2026

انا لله وانا اليه راجعون انتقل إلى رحمة الله تعالى اخونا
معز عبدالعزيز موعاتي
المقيم بي آن آربر مشيغان
الجنازة غدا الأربعاء على الساعة 1:50 ظهرا (العنوان في الصورة).

اللهم ارحمه واغفر له وجعل مثواه الفردوس الأعلى وجعل قبره روضة من رياض الجنة اللهم ثبته عند السؤال اللهم آمين يارب العالمين.

تعازينا الحارة لعائلة الفقيد، رزقهم الله جميل الصبر و السلوان و إنا لله و إليه راجعون.

08/25/2026

تنعى الجمعية التونسية الأمريكية وفاة إبن الجالية الغفور له بإذن الله رضوان الطبوبي، من متساكني اورنج كاونتي - كاليفورنيا.

سيقام موكب الجنازة و الدفن غدا الثلاثاء 25 أوت على الساعة 1:00pm في المقبرة على العنوان التالي:

1305 118th St W, Rosamond, CA 93560

الدعوة موجهة لأبناء الجالية في أورنج كاونتي للحضور و الصلاة على أخونا رضوان.

بهذه المناسبة الأليمة تتقدم الجمعية التونسية الأمريكية بأحر التعازي إلى عائلة الفقيد، راجين من الله أن يتقبله برحمته و مغفرته و يرزق أهله جميل الصبر و السلوان، و إنا لله و إنا إليه راجعون.

08/19/2026

ربي يبارك في كل أفراد الجالية اللي عاونوا أختنا اللي هربت من عنف راجلها و اضطرت تمشي للملجأ هي و بنتها الرضيعة.

الحمد لله، الأخت مؤخرا خذات موافقة على سكن حكومي شبه مجاني بما أنها ما عندهاش دخل، لكن لازمها تدفع deposit و عندهم move-in fee مع بعضهم يجيو 800$ و بعدها ترتاح هي و بنيتها في دار آمنة و محترمة.

ربي يبارك لكم نحاولوا مع بعضنا نعاونوها بالمبلغ هذا باش تنجم تاخذ الدار. المبلغ موش كبير، و ان شاء الله في ميزان حسنات كل من عاون و وقف مع محتاج.

التبرعات تمشي مباشرة للأخت، موش للجمعية. و اللي عندو اي سؤال على وضعيتها يتواصل معانا و نعطيه اللي يحتاج من معلومات.

08/06/2026

عندنا أخت تونسية تعرضت للعنف و راجلها خرّجها من دارها هي و صغيراتها (مازالو صغار)، و لقات روحها في الشارع بحيث اضطرت باش تمشي بيهم لملجأ.
حاليا راجلها رافع بيها قضية طلاق و طالب باش يفك الصغار من أمهم و هاذي مصيبة بالنسبة لأم ما عندها حد في هالبلاد كان ربي ثم صغيراتها.

دعوة لأهل الخير من جاليتنا للمساعدة، كل قدير و قدره، و ان شاء الله في ميزان حسناتكم و الله لا تحرم أم من صغيراتها.

اللي عندو اي سؤال على حالة الأخت يتصل بالجمعية و نعطيه اي معلومات يحب عليها.
رابط التبرع هذا يمشي للأخت مباشرة موش للجمعية.
ربي يحفظكم و يبقي الستر الجميع.

I’m a victim of domestic violence, and my husband evicted me from my h… omm enawarat needs your support for Support a Mother Fighting for Her Kids' Custody

05/01/2026

عندنا أخت تونسية تعرضت للعنف و اضطرت باش تهرب هي و بنتها الصغيرة و حاليا قاعدين في ملجأ متاع مشردين، حتى ربي يسهل لها و تلقى حل.
بنيتها صغيرة عمرها عام، و الأم ما عندهاش فلوس معاها و لا مورد رزق.
حاليا تحاول توفر مبلغ صغير باش تغطي حاجياتها الأساسية هي و بنتها حتى تلقى حل و تاقف على ساقيها.

دعوة لأهل الخير للمساعدة، كل قدير و قدره، و ان شاء الله في ميزان حسناتكم. المبلغ اللي طالبتو موش كبير، نتعاونوا عليه باللي يكتب ربي.

ربي يحفظكم و يحفظ أحبابكم، و اللي عندو اي سؤال على حالة الأخت يتصل بالجمعية و نعطيه كل المعلومات.
رابط التبرع للأخت مباشرة (التبرعات تمشي لها طول، موش للجمعية).

04/04/2026

تنويه: تجينا برشا طلبات مساعده و حالات مستعجلة لكن الجمعية معندهاش مداخيل و أعضائها متطوعين، نرجو من أعضاء الجالية و خاصة إلي ساعدتهم الجمعية في ضرف ما و معضمهم موجودين معانا في الڤروب هذا ، انهم يدعمو الجمعية و نعاونو بعضنا . إن شاء الله ميستحق حتى حد أما نشوفو في حالات صعيبة برشا برشا ونحنا عاجزين ، راهو مولى التاج يحتاج و ياما شفنا من حالات تغيرت ضروفهم لذا إذا أنعم عليك ربي تبرعو و ربي يباركلهم .

Support Our Mission to Build a Stronger Tunisian Community! 0.00% Goal $5,000.00 Donate Today At the Tunisian American Association (TAA), we are dedicated to creating a vibrant and supportive community for Tunisians living in the United States. 0.00% Raised $0.00 donated 0 Donors XX Days Left Donate...