Grow & Glow

05/04/2026

Having More or Being More

ရုပ်ဝတ္ထုတွေကြားမှာ စိတ်ဝိညာဉ်ကို ရှာဖွေခြင်း

ကျွန်မတို့ နေထိုင်နေတဲ့ ဒီနေ့ခေတ်ကြီးက ကျွန်မတို့ကို အမြဲတမ်း ပြိုင်ဆိုင်မှုတွေထဲ တွန်းပို့နေတတ်ပါတယ်။ "ပိုကောင်းတဲ့ဖုန်း၊ ပိုမြင့်တဲ့ရာထူး၊ ပိုကြီးတဲ့အိမ်၊ ပိုများတဲ့ဝင်ငွေ" စတဲ့ Having More (ပိုပြီးပိုင်ဆိုင်နိုင်ရေး) နောက်ကို အမောတကော လိုက်ရင်းနဲ့ပဲ ကျွန်မတို့ဟာ ကိုယ့်ကိုယ်ကိုယ် ပျောက်ဆုံးနေတတ်ကြပါတယ်။
တကယ်တော့ “ပိုရှိခြင်း"ဆိုတာက ခဏတာ သာယာမှုကိုပဲ ပေးနိုင်တာပါ။ အသစ်တစ်ခုရလိုက်ရင် ခဏပဲ ပျော်ရမယ်၊ ပြီးရင် နောက်ထပ် အသစ်တစ်ခုကို ထပ်မက်မောဦးမယ်။ ဒီသံသရာက အဆုံးမရှိပါဘူး။ ဒီလိုနဲ့ပဲ ကျွန်မတို့ရဲ့ စိတ်အင်အားတွေဟာ အပြင်ဘက်က အရာဝတ္ထုတွေအပေါ်မှာပဲ မူတည်ပြီး လွင့်ပါးနေခဲ့ရပါတယ်။

Being More ဆိုတာ ဘာလဲ?
Being More (ပိုပြီးပြည့်စုံတဲ့ဖြစ်တည်မှုရှိခြင်း) ဆိုတာကတော့ မိမိကိုယ်ကိုယ် ပြန်လည်ရှာဖွေခြင်းပါ။ ဒါဟာ ရုပ်ဝတ္ထုတွေ စုဆောင်းတာမဟုတ်ဘဲ မိမိရဲ့ စိတ်ပိုင်းဆိုင်ရာ အရည်အသွေးတွေကို စုဆောင်းတာဖြစ်ပါတယ်။

- သတိရှိခြင်း (Mindfulness):လက်ရှိအခိုက်အတန့်မှာ စိတ်ကိုအေးအေးချမ်းချမ်း ထားရှိနိုင်ခြင်း။
- မေတ္တာရှိခြင်း (Compassion): မိမိကိုယ်ကိုယ်ရော အခြားသူတွေကိုပါ နားလည်စာနာနိုင်ခြင်း။
- ခံနိုင်ရည်ရှိခြင်း (Resilience): ဘဝရဲ့ အခက်အခဲတွေကို တည်ငြိမ်တဲ့စိတ်နဲ့ ရင်ဆိုင်ကျော်ဖြတ်နိုင်ခြင်း။
ကျွန်မတို့ဟာ "ဘာတွေ ပိုင်ဆိုင်ထားလဲ" ဆိုတာထက် "ငါဟာ ဘယ်လိုလူမျိုး ဖြစ်နေသလဲ" ဆိုတာကို ပိုအလေးထားလာတဲ့အခါမှာ စစ်မှန်တဲ့ ငြိမ်းချမ်းမှု (Inner Peace) ကို စတင်ခံစားရမှာ ဖြစ်ပါတယ်။
ဘယ်လိုစတင်မလဲ?
၁။ အရှိကို အရှိအတိုင်း ကျေးဇူးတင်ပါ (Gratitude)
"ဘာမရှိသေးဘူးလဲ" လို့ ရှာဖွေမယ့်အစား "ငါ့မှာ ဘာတွေရှိနေပြီလဲ" ဆိုတာကို အရင်ကြည့်ပါ။ မိသားစု၊ ကျန်းမာရေး၊ အခုရှူနေတဲ့ လေတစ်ရှူစာကအစ ကျေးဇူးတင်တတ်တဲ့စိတ်က "Being More" ရဲ့ ပထမဆုံးခြေလှမ်းပါ။

၂။ အနားယူဖို့ အချိန်ပေးပါ (Stillness)

တစ်နေ့တာရဲ့ အချိန်အနည်းငယ်ကို ဖုန်းတွေ၊ အလုပ်တွေနဲ့ ဝေးရာမှာထားပြီး ငြိမ်ငြိမ်လေး ထိုင်နေကြည့်ပါ။ ကိုယ့်ရဲ့ ဝင်လေထွက်လေကို သတိပြုပါ။ ဒီလို ငြိမ်သက်မှုကနေတစ်ဆင့် ကိုယ့်ရဲ့ စစ်မှန်တဲ့ အသံကို ပြန်ကြားရပါလိမ့်မယ်။

၃။ အနှစ်သာရကို ရွေးချယ်ပါ (Intentional Living)
တစ်ခုခုကို ပိုင်ဆိုင်ချင်လို့ ကြိုးစားတဲ့အခါ "ဒါဟာ ငါ့ကို တကယ်ပျော်ရွှင်စေမှာလား" ဒါမှမဟုတ် "သူများတွေ ရှိလို့ လိုက်ရှိချင်တာလား" ဆိုတာကို ကိုယ့်ကိုယ်ကိုယ် ပြန်မေးပါ။ လူအများသတ်မှတ်ထားတဲ့ အောင်မြင်မှုစံနှုန်းတွေထက် ကိုယ့်စိတ်ဝိညာဉ်ကို ရှင်သန်စေမယ့်အရာတွေကိုပဲ ဦးစားပေး ရွေးချယ်ပါ။

နိဂုံးချုပ်အနေနဲ့ မျှဝေချင်တာက

ကျွန်မတို့ဟာ လောကကြီးထဲမှာ "ပစ္စည်းတွေ စုဆောင်းဖို့" ရောက်လာတာမဟုတ်ဘဲ "လူသားပီသတဲ့ အလှတရားတွေကို ခံစားဖို့နဲ့ ရှင်သန်ဖို့" ရောက်လာတာပါ။
"ပိုရှိဖို့" ထက် "ပိုပြီး ပြည့်စုံတဲ့လူတစ်ယောက်ဖြစ်ဖို့" ကြိုးစားရင်းနဲ့ပဲ ခိုင်မြဲတဲ့ စိတ်ချမ်းသာမှုကို တည်ဆောက်ကြပါစို့ရှင်။
နွေးထွေးစွာဖြင့်
Julia Zaw (Mindfulness & Leadership Coach)


Grow & Glow Community

04/27/2026

When everything moves in real time, leadership is the ability to create clarity under pressure.

04/16/2026

မရေရာမှုတွေ၊ အပြောင်းအလဲမြန်မှုတွေနဲ့ ရှုပ်ထွေးမှုတွေပြည့်နှက်နေတဲ့ ဒီနေ့ခေတ် (VUCA) ကမ္ဘာကြီးထဲမှာ... တကယ်တမ်း ရှေ့ဆက်ဖို့ သင် ဘယ်လိုပြင်ဆင်ထားသလဲ။
ဒီအဖွဲ့လိုက် ဆွေးနွေးသင်ကြားမှု (Workshop) ကိုပြန်လည်ဖွင့်လှစ်ပေးမှာ ဖြစ်ပါတယ်။
ဒီသင်တန်းမှာ သင့်ကို ပုံသေမြေပုံတစ်ခု ပေးမှာမဟုတ်ပါဘူး။
VUCA world (Volatility , Uncertainty, Complex, Ambiguity) မှာ သင့်ဘဝလမ်းကြောင်းမပျောက်ဖို့ ကိုယ်ပိုင် သံလိုက်အိမ်မြှောင် ကို ကိုယ်တိုင်ဖန်တီးနိုင်အောင်ပဲ လမ်းပြပေးသွားမှာပါ။
✨ အပြောင်းအလဲတွေ
✨ မရေရာမှုတွေ
✨ ရှုပ်ထွေးမှုတွေ
✨ ဝေဝါးမှုတွေကြားမှာ ယုံကြည်ချက်ရှိရှိလမ်းကြောင်းမှန်ကို ရှာဖွေနိုင်ဖို့ အထောက်အကူပေးမယ့် သင်တန်းပါ။
အရာအားလုံးကို ကြိုတင်တွက်ဆထားဖို့ မလိုပါဘူး။
ကိုယ့်လမ်းကိုယ် ဘယ်လိုရှာရမလဲဆိုတာ သိနေဖို့ပဲ လိုတာပါ။
သင့်ရဲ့ကိုယ်ပိုင်သံလိုက်အိမ်မြောင်ကို ပြန်လည်ရှာဖွေဖို့ အဆင်သင့်ဖြစ်ပြီလား။
နေ့ရက် ။ ၂၀၂၆ ဧပြီလ ၁၉ရက်နေ့ (မြန်မာနှစ်ဆန်း ၃ရက်နေ့)
အချိန် ။ မြန်မာစံတော်ချိန် မနက် ၉နာရီ
နေရာ ။ Zoom (Register လုပ်ပြီး Zoom Link ရယူပါ)
Register here > https://gformsapp.com/.../1dT1LLM.../en/

04/13/2026

International Coaching Federation Los Angeles,
Monthly BOD meeting.

04/13/2026

04/12/2026

ဘဝဆိုတာ တကယ်တော့ မနက်ဖြန်ရှိမယ်လို့ ကြိုတင်ချိတ်ပိတ်ထားတဲ့ စာချုပ်မျိုး မဟုတ်ပါဘူး။ ကျွန်မတို့အားလုံးဟာ ဘယ်အချိန်၊ ဘယ်နေရာမှာ ဇာတ်သိမ်းခန်း ရောက်သွားမလဲဆိုတာ ဘယ်သူမှ အသေအချာ မသိနိုင်ကြပါဘူး။

တကယ်လို့များ စကားပြောခွင့် မရှိတော့တဲ့ နောက်ဆုံးအချိန်ကို ရောက်လာခဲ့ရင် "ငါ ဒါလေးတော့ ပြောခဲ့သင့်တယ်" ဆိုတဲ့ နောင်တမျိုးနဲ့ ထွက်ခွာသွားရမှာ တော်တော်လေး ပင်ပန်းဖို့ကောင်းပါတယ်။ သံသရာတစ်လျှောက် အမုန်းတရားတွေ၊ အာဃာတတွေနဲ့ သောကဗျာပါဒတွေကို ထုပ်ပိုးသယ်ဆောင်သွားမယ့်အစား အခု လက်ရှိ အခွင့်အရေးရှိနေတုန်းမှာပဲ စိတ်ပေါ့ပေါ့ပါးပါးနဲ့ လက်လွှတ်လိုက်တာ အကောင်းဆုံးပါ။

ကိုယ့်ဘက်က မှားခဲ့တာရှိရင် ဝန်ချတောင်းပန်ဖို့ ဝန်မလေးပါနဲ့။ ကိုယ့်အပေါ် တစ်ပါးသူက မှားခဲ့တာရှိရင်လည်း အေးချမ်းတဲ့ စိတ်နဲ့ ခွင့်လွှတ်ကြောင်းပြောပေးလိုက်ပါ။ အခုလို အသက်ရှူနေခွင့်ရတဲ့ အခိုက်အတန့်မှာတင် တောင်းပန်စရာရှိတာ တောင်းပန်၊ ခွင့်လွှတ်စရာရှိတာ ခွင့်လွှတ်လိုက်ခြင်းက နောင်တကင်းတဲ့ ထွက်ခွာခြင်းအတွက် အကောင်းဆုံး ပြင်ဆင်မှုပါပဲ။

ဘဝရဲ့ နောက်ဆုံးခရီးမှာ အမုန်းတွေ မပါဘဲ မေတ္တာတွေနဲ့ပဲ ပေါ့ပေါ့ပါးပါး အနားယူနိုင်ကြပါစေရှင်။

04/06/2026

ကိုယ့်ကတိ ကိုယ်တည်မှ လောကဓံကို ခံနိုင်ရည်ရှိမယ်

လောကကြီးကတော့ သူ့ထုံးစံအတိုင်း မုန်တိုင်းထန်ချင် ထန်မယ်၊ နေပူချင် ပူမယ်။ ဒါတွေက ကိုယ်က တားဆီးလို့ရတာမျိုး မဟုတ်ဘူး။ ဘဝဆိုတာ ကိုယ်မပိုင်တဲ့၊ ကိုယ်စီမံလို့မရတဲ့ လောကဓံတရားတွေကြားမှာ ဝဲလည်နေကြရတာပဲ။ ဒါပေမဲ့ အဲဒီလို လောကဓံတွေကြားမှာပဲ မိမိလက်ခုပ်ထဲက ရေလို စိတ်ကြိုက် စီမံပိုင်ခွင့်ရှိတဲ့ အရာတွေလည်း ရှိသေးတယ်ဆိုတာ မမေ့နဲ့ဦး။ အဲဒါကတော့ "ကိုယ့်စိတ်နဲ့ ကိုယ့်ကတိ" ပေါ့။

ကိုယ့်ကိုယ်ကိုယ် ပေးထားတဲ့ ကတိလေးတွေကိုတောင် တည်အောင်မစောင့်နိုင်ဘဲ ခဏခဏ ဖောက်ဖျက်ပြီး ထွက်ပြေးနေမယ်ဆိုရင်တော့၊ တကယ့်တမ်း လောကဓံမုန်တိုင်းကြီး တိုးဝင်လာတဲ့အခါ ဘယ်မှာ ခံနိုင်ရည်ရှိပါတော့မလဲ။ အလဲလဲအပြိုပြိုနဲ့ ဝမ်းနည်းပက်လက် ဖြစ်ရုံပဲ ရှိမှာပေါ့။

မနက်စောစောအိပ်ယာကထမယ်၊ ဘာသာတရားနဲ့စိတ်ကို တည်ငြိမ်အောင်လေ့ကျင့်မယ်၊ ကျန်းမာအောင် နေထိုင်မယ်၊ လူနတ်သတ္တဝါအပေါ် မေတ္တာထားမယ်... ဒါတွေဟာ ပြင်ပအခြေအနေတွေပေါ်မှာ မှီတည်မနေဘူး။ ကိုယ်တိုင်ရွေးချယ်ပြီး ကိုယ်တိုင်လုပ်မှရမယ့် အလုပ်တွေ။ ကိုယ့်အလုပ်ကိုယ် တာဝန်ကျေဖို့ပဲ လိုပါတယ်။

ဒါ့ကြောင့်မို့ လောကကြီးက အတင်းအကျပ် သင်ခန်းစာတွေ မပေးခင်၊ ကိုယ့်ရဲ့ ခံနိုင်ရည်အင်အားတွေ တောင့်တင်းလာအောင် ကိုယ့်ကိုယ်ကိုယ် အရင်ဆုံး စိန်ခေါ်ပြီး လေ့ကျင့်ထားရမယ်။ ကိုယ့်စိတ်ကို ကိုယ်နိုင်မှလည်း လောကကြီးက ဘာပဲပေးပေး ပြန်လည်တုံ့ပြန်နိုင်တဲ့ အင်အားတွေ ရှိလာမှာပါ။
ကဲ... ကိုယ့်ကိုယ်ကိုယ် ပေးထားတဲ့ ကတိတွေထဲက ဘယ်နှစ်ခုကို တည်အောင် စောင့်ထိန်းပြီးပြီလဲ?
ကိုယ့်ကိုယ်ကိုယ် ပြန်မေးကြည့်ပါဦး။

03/31/2026

မုန်ညှင်းစေ့တစ်ဆုပ်နှင့် VUCA ကမ္ဘာမှ အံကြိတ်သံများ

အခုပြောပြမယ်ပုံပြင်လေးကို ကြားဖူးနားဝ ရှိကြမှာပါ။ မကြားဖူးသေးတဲ့သူတွေအတွက်လည်း အခုလို အားလုံးပင်ပန်းနေကြတဲ့ ခေတ်ပျက်ကြီးထဲမှာ သတိလေးတစ်ခု ရစေချင်လို့ ကျမ ပြန်ပြောပြပါရစေဦး။

ဟိုးရှေးတုန်းက ကိသာဂေါတမီ ဆိုတဲ့ မိန်းမသား။ သူ့ခမျာ အသည်းအသက် သားလေးဆုံးတော့ ရူးမတတ်ပါပဲ။ သားအလောင်းလေး ပိုက်ပြီး "ငါ့သားလေးကို ကုပေးကြပါဦး" လို့ တစ်ရွာလုံး ပတ်အော်တာ။ နောက်ဆုံး ဘုရားရှင်ဆီ ရောက်သွားတော့ မြတ်စွာဘုရားက မိန့်တယ်။ "ကဲ... သမီး၊ သားလေးအတွက် ဆေးရဖို့ဆိုရင် လူမသေဖူးတဲ့ အိမ်ကနေ မုန်ညှင်းစေ့တစ်ဆုပ် ယူခဲ့ချေဦး" တဲ့။

သူခမျာ အားတက်သရောနဲ့ တစ်အိမ်တက်ဆင်း လိုက်မေးတာပေါ့။ ဒါပေမဲ့ ဘယ်အိမ်သွားသွား "မုန်ညှင်းစေ့ကတော့ ရှိပါရဲ့အေ၊ ဒါပေမဲ့ တို့အိမ်မှာလည်း အဖေဆုံးဖူးတယ်၊ အမေဆုံးဖူးတယ်၊ သားသမီး ဆုံးဖူးတယ်" ဆိုတာချည်းပဲ။ နောက်ဆုံးတော့ "သေခြင်းတရားဆိုတာ ငါ့အိမ်တင် မဟုတ်ပါလား၊ လောကကြီးတစ်ခုလုံး ဒီဒုက္ခကို ထမ်းထားရတာပါလား" ဆိုတဲ့ အရှိတရားကို မြင်သွားမှပဲ သူ့သောကတွေ ငြိမ်ကျသွားခဲ့ရတာ။

VUCA ကမ္ဘာနှင့် ကျမတို့၏ ဦးနှောက်

အခုခေတ်ကို VUCA ကမ္ဘာ (မရေရာ၊ မသေချာ၊ ရှုပ်ထွေး၊ ပြောင်းလဲလွယ်သော ကမ္ဘာ) လို့ ခေါ်ကြပါတယ်။ နည်းပညာတွေက မြန်လွန်းတယ်၊ စီးပွားရေးက ခန့်မှန်းရခက်တယ်၊ နိုင်ငံရေးက မတည်ငြိမ်ဘူး။ ဒီလို အခြေအနေမှာ ကျမတို့ရဲ့ ဦးနှောက်ထဲက Amygdala (အန္တရာယ်ကို စောင့်ကြည့်တဲ့အပိုင်း) က အမြဲတမ်း Alarm ပေးနေသလို ဖြစ်နေတော့တာပါ။ ဒါကြောင့်ပဲ လူတိုင်းဆီက "ပင်ပန်းလိုက်တာ"၊ "ခက်ခဲလိုက်တာ" ဆိုတဲ့ ညည်းညူသံတွေက ပွက်လောရိုက်နေတာပေါ့။

တစ်ခါတလေကျတော့လည်း ဖုန်းမျက်နှာပြင်ထက်က တစ်စုံတစ်ဦးရဲ့ အဆင်ပြေပြေ ဟန်ပန်တွေကို မြင်လိုက်ရပြန်ရင် "သူကျတော့ အဆင်ပြေနေလိုက်တာ၊ ငါကျမှ ဘာလို့ ဒီလောက် ရုန်းကန်နေရတာလဲ" ဆိုပြီး ကိုယ့်ဘဝကို စိတ်တိုင်းမကျ ဖြစ်မိတတ်ကြပြန်တယ်။
ဒါပေမဲ့ Logic ကျကျ စဉ်းစားကြည့်စမ်းပါ။ ဟိုတုန်းက "လူမသေဖူးတဲ့အိမ်" ရှာရခက်သလိုပဲ၊ ဒီနေ့ခေတ်မှာလည်း "ဘဝတိုက်ပွဲ မရှိတဲ့သူ" ဆိုတာ မရှိပါဘူး။ အောင်မြင်နေတယ်လို့ ထင်ရသူလည်း ညဘက်ဆို လူမသိအောင် သက်ပြင်းတွေ ခိုးချနေရတာပါပဲ။

Mindfulness Lesson: ဘယ်လိုစိတ်ထားမျိုး မွေးမြူမလဲ?

ဒီ VUCA challenge တွေကြားမှာ ကျမတို့ လေ့ကျင့်ထားရမယ့် စိတ်သဘောထား (Mindset) ကတော့ "လက်ခံခြင်း (Acceptance)" ပါပဲ။ လက်ခံတယ်ဆိုတာ အရှုံးပေးတာ မဟုတ်ပါဘူး။ အခြေအနေကို အရှိအတိုင်း (Reality) ကို အသိအမှတ်ပြုလိုက်တာပါ။

1. နှိုင်းယှဉ်ခြင်းကို ရပ်ပါ: သူများရဲ့ "အိမ်ရှေ့ဧည့်ခန်း" (Public image) နဲ့ ကိုယ့်ရဲ့ "မီးဖိုချောင်" (Behind the scenes) ကို မနှိုင်းယှဉ်ပါနဲ့။ လူတိုင်းမှာ သင်မမြင်နိုင်တဲ့ တိုက်ပွဲတစ်ခုကို ကိုယ်စီ တိုက်နေကြရတာ ဖြစ်ပါတယ်။

2. မိမိကိုယ်ကိုယ် ကြင်နာပါ (Self-Compassion): "ပင်ပန်းနေတာဟာ သဘာဝပဲ၊ ငါ့အမှားမဟုတ်ဘူး" လို့ ကိုယ့်ကိုယ်ကိုယ် ပြန်ပြောပေးပါ။ အခြေအနေတွေက ရှုပ်ထွေးနေတာမို့ စိတ်ပင်ပန်းနေတာဟာ Logic ကျပါတယ်။

3. ကိုယ်ချင်းစာတရား (Compassion): သူတစ်ပါးအပေါ်မှာလည်း "ဪ... သူလည်း ငါ့လိုပဲ သူ့နည်းသူ့ဟန်နဲ့ ရုန်းကန်နေရရှာတာပဲ" ဆိုတဲ့ စိတ်လေး မွေးကြည့်ပါ။ ဒါဟာ ကျမတို့ကို အထီးကျန်မှုကနေ ကယ်တင်ပေးပါလိမ့်မယ်။

ဒီအမှန်တရားကို လက်ခံနားလည်လိုက်ရင် ကိုယ့်စိတ်လေးလည်း အေးချမ်းသွားသလို၊ တစ်ယောက်နဲ့တစ်ယောက် အပြစ်တင်တာတွေထက် "စာနာပေးမှု" ခွန်အားလေးတွေ ရလာပါလိမ့်မယ်။
သတိလေးနဲ့ ကြည့်ရင် အပူတွေ ငြိမ်းပါတယ်။ သင်တစ်ယောက်တည်း ပင်ပန်းနေရတာ မဟုတ်ဘူးဆိုတာကိုလည်း အမြဲသတိရပေးပါဦးနော်။

03/21/2026

မရေရာမှုတွေ၊ အပြောင်းအလဲမြန်မှုတွေနဲ့ ရှုပ်ထွေးမှုတွေပြည့်နှက်နေတဲ့ ဒီနေ့ခေတ် (VUCA) ကမ္ဘာကြီးထဲမှာ... တကယ်တမ်း ရှေ့ဆက်ဖို့ သင် ဘယ်လိုပြင်ဆင်ထားသလဲ။

ဒီအဖွဲ့လိုက် ဆွေးနွေးသင်ကြားမှု (Workshop) ကိုပြန်လည်ဖွင့်လှစ်ပေးမှာ ဖြစ်ပါတယ်။
ဒီသင်တန်းမှာ သင့်ကို ပုံသေမြေပုံတစ်ခု ပေးမှာမဟုတ်ပါဘူး။
VUCA world (Volatility , Uncertainty, Complex, Ambiguity) မှာ သင့်ဘဝလမ်းကြောင်းမပျောက်ဖို့ ကိုယ်ပိုင် သံလိုက်အိမ်မြှောင် ကို ကိုယ်တိုင်ဖန်တီးနိုင်အောင်ပဲ လမ်းပြပေးသွားမှာပါ။
✨ အပြောင်းအလဲတွေ
✨ မရေရာမှုတွေ
✨ ရှုပ်ထွေးမှုတွေ
✨ ဝေဝါးမှုတွေကြားမှာ ယုံကြည်ချက်ရှိရှိလမ်းကြောင်းမှန်ကို ရှာဖွေနိုင်ဖို့ အထောက်အကူပေးမယ့် သင်တန်းပါ။
အရာအားလုံးကို ကြိုတင်တွက်ဆထားဖို့ မလိုပါဘူး။
ကိုယ့်လမ်းကိုယ် ဘယ်လိုရှာရမလဲဆိုတာ သိနေဖို့ပဲ လိုတာပါ။
သင့်ရဲ့ကိုယ်ပိုင်သံလိုက်အိမ်မြောင်ကို ပြန်လည်ရှာဖွေဖို့ အဆင်သင့်ဖြစ်ပြီလား။

နေ့ရက် ။ ၂၀၂၆ ဧပြီလ ၁၉ရက်နေ့ (မြန်မာနှစ်ဆန်း ၃ရက်နေ့)
အချိန် ။ မြန်မာစံတော်ချိန် မနက် ၉နာရီ
နေရာ ။ Zoom (Register လုပ်ပြီး Zoom Link ရယူပါ)

Register here > https://gformsapp.com/f/1dT1LLM_wCRQYI7KPgvRYBV0A7j6wlKcR2CoNRDJflrY/en/

03/09/2026

Grateful for the ICFLA Board of Directors today. 🤍 There is nothing like a professional community that prioritizes empathy and lifts you up, even when life keeps you away from the table. So honored to serve as an Associate Director of Programming is a joy, but the real gift is being part of a Board of Directors that leads with such deep empathy and kindness. Thank you for lifting me up whenever I needed.

03/07/2026

🧠 "ဖြစ်ကြောမရှည်ခြင်း" ရဲ့ လျှို့ဝှက်ချက် - သတိ (Mindfulness) နဲ့ NLP ကို ပေါင်းစပ်ခြင်း
စိတ်ရှုပ်ထွေးစရာတွေ ကြုံလာရရင် ကိုယ့်ကိုယ်ကိုယ် ပြန်လည် Regulate လုပ်ဖို့ အကောင်းဆုံး Coaching Tool တစ်ခုအကြောင်း ဒီနေ့ ဝေမျှပေးချင်ပါတယ်။
"ဖြစ်ကြောမရှည်ဘူး" ဆိုတာ စိတ်ဓာတ်ကျလို့ လက်လျှော့လိုက်တာ မဟုတ်သလို၊ ခဏတာ စိတ်ပါပြီး လုပ်တဲ့ ကောက်ရိုးမီးလည်း မဟုတ်ပါဘူး။ ဒါဟာ တကယ်တော့ ရင့်ကျက်တဲ့ သတိ (Mindfulness) နဲ့ အရှိကိုအရှိအတိုင်း လက်ခံတတ်လာတာပါ။ 🧘‍♂️✨
ကျွန်မတို့ စိတ်ထဲမှာ တစ်ခုခုဖြစ်နေတာကို သတိလေးနဲ့ ကပ်ကြည့်လိုက်တဲ့အခါ အဲဒီ "ဖြစ်နေတဲ့စိတ်" က ခဏအတွင်းမှာပဲ ပျက်သွားတာကို တွေ့ရပါလိမ့်မယ်။ အဲဒီမှာတင် ဖြစ်ကြောက မရှည်တော့ဘူး။
• ဒေါသဖြစ်လား? ဖြစ်မှန်းသိလိုက်တာနဲ့ ဒေါသရဲ့ Power က လျော့သွားပြီး ပျောက်ကွယ်သွားရော။
• ဝမ်းနည်းနေလား? "ဪ... ငါ ဝမ်းနည်းနေပါလား" လို့ သိလိုက်တဲ့အခါ ဝမ်းနည်းမှုက အတောမသတ် ဆက်မဖြစ်တော့ဘူး။
• မာန်တက်နေလား? ကိုယ့်ကိုယ်ကိုယ် အထင်ကြီးစိတ်ကို သတိပြုမိလိုက်တာနဲ့ အဲဒီမာန်က အလိုလို ပြေလျော့သွားတယ်။
သတိရှိနေတဲ့အခါ ဘယ်စိတ်ပဲဖြစ်ဖြစ် "ဖြစ်ကြောမရှည်" တော့ပါဘူး။ ဒီအသိလေးက နေ့စဉ်ဘဝရဲ့ မုန်တိုင်းတွေကြားထဲမှာ ကိုယ့်ကိုယ်ကိုယ် ငြိမ်းအေးအောင် ထိန်းကျောင်းပေးနိုင်တဲ့ အကောင်းဆုံး လက်နက်ပါပဲ။
💡 NLP မှာ ဘယ်လိုသုံးလဲ? (Name it to Tame it)
ဒါကို NLP (Neuro-Linguistic Programming) ရဲ့ Coaching Technique တွေမှာဆိုရင် "Name your emotion" လို့ ခေါ်လေ့ရှိပါတယ်။ အဲဒီရဲ့ သဘောတရားက "Name it to Tame it" — ကိုယ့်စိတ်ထဲမှာ ဖြစ်နေတဲ့ ခံစားချက်ကို နာမည်တပ်ပြီး ခွဲခြားသိလိုက်တာနဲ့ အဲဒီခံစားချက်ကို ထိန်းချုပ် (Tame) နိုင်သွားတာပါ။ 🧠💡
ဘယ်လို အလုပ်လုပ်သလဲ?
1. သတိကပ်လိုက်တယ် (Observing): စိတ်ထဲမှာ တစ်ခုခု ဖြစ်နေပြီဆိုတာ သိလိုက်တယ်။
2. နာမည်တပ်လိုက်တယ် (Naming): "ဪ... ဒါ ဒေါသစိတ်ပဲ"၊ "ဒါကတော့ ဝမ်းနည်းစိတ်ပဲ" လို့ သိလိုက်တာနဲ့ အဲဒီစိတ်ရဲ့ Power က ချက်ချင်း ကျသွားပါတယ်။
ကျွန်မတို့ရဲ့ အသိစိတ် (Conscious mind) က "ဒါက ဘာစိတ်" လို့ သတိပြုမိလိုက်တဲ့ ခဏမှာတင် ဖြစ်နေတဲ့စိတ်က ပျက်သွားပြီး ဖြစ်ကြောမရှည်တော့ပါဘူး။ 🌊
ဒေါသဖြစ်ဖြစ်၊ ဝမ်းနည်းမှုဖြစ်ဖြစ်၊ မာန်တက်တာပဲဖြစ်ဖြစ်... ဖြစ်တာနဲ့ "သိ" လိုက်ပါ။ သိလိုက်တာနဲ့ အဲဒီစိတ်ဟာ ရှေ့ဆက်ပြီး လွှမ်းမိုးလို့ မရတော့ဘဲ ငြိမ်းအေးသွားပါလိမ့်မယ်။
ဒီနည်းလမ်းလေးက စိတ်ရှုပ်ထွေးစရာတွေ ကြုံလာရရင် ကိုယ့်ကိုယ်ကိုယ် ပြန်လည် Regulation လုပ်ဖို့ အကောင်းဆုံး Coaching Tool တစ်ခုပါပဲ။ ❤️