11/09/2026
بنلاقي نفسنا طالع عيننا في مية حاجة.. بنجري بين الشغل، والبيت، والتفاصيل اللي ما بتنتهيش، ومع كل ده بنحس إننا مضغوطين ومش ملاحقين، والأسوأ إننا بنفقد سلامنا في وسط الزحمة دي.
مرثا كانت بتعدي بنفس الشعور ده بالضبط.
كانت مشغوله وسط زحمه الخدمة والتفاصيل، بتجري عشان تعمل أحسن حاجة، وفجأة لقت نفسها متوترة ومضغوطة، وراحت تشتكي إن محدش بيساعدها.
المسيح لما رد عليها، ما انتقدش تعبها ولا قال إن اللي بتعمله مالوش قيمة، بس شاور على الحتة اللي وجعاها وقالها بكل حنية: ""مرثا، مرثا.. أنت تهتمين وتضطربين لأجل أمور كثيرة، ولكن الحاجة إلى واحد"".
مشكلتنا مش إن التفاصيل كتيرة.. المشكلة إننا بننسى نقعد ونرتاح في وسط الزحمة دي. بننشغل بالطريق عن صاحب الطريق، وبالخدمة أو الشغل عن الشخص اللي بنعمل كل ده عشانه.
#نور ؟
