31/07/2026
جمعية صوت الطفل بالقيروان يقتصر دورها فقط على رعاية الرضع فاقدي السند فقط و ربي يسهل للجميع❤️
📌 ربي يفرح الناس الكل و ربي يسهل الي فيه الخير للجميع
📌توضيح حول مطالب التبني والكفالة: إخوتنا الي يسألوا كفاش ينجموا ياخذوا صغير في اطار الكفالة أو التبني ، أولا لازم تتصلوا بالادارة الجهوية للشؤون الاجتماعية إلي في ولايتك و تشوف معاهم الوثائق اللازمة لتكوين الملف متاعك و تقدم الملف ليهم هوما و يتم التنسيق مع الاخصائيين الاجتماعيين والاخصائيين النفسنيين باش يكتمل الملف متاعك بالتقارير و ما ننسوش إلي راهي فمة شروط أساسية لازم تكون متوفرة باش يتقبل الملف ، ( شروط الكفالة و التبني يتم توضيحها للعائلة المترشحة من قبل الاخصائي الاجتماعي المتعهد بالوضعية و اهمها سن المترشحين و وضعيتهما المادية و السكنية و مستوى العلاقة داخل المحيط الاسري و الاجتماعي و خلوهما من السوابق العدلية و الاحكام القضائية......) الخطوة الي بعدها يتبعث الملف للمعهد الوطني لرعاية الطفولة بمنوبة و تصير لجنة للتثبت من الملف و لأخذ القرار إما بالموافقة أو بالرفض و يتم مراسلة العائلة بالقرار الي صدر على اللجنة و يتم ابلاغهم اذا بالموافقة باش ينتظروا دورهم للحصول على طفل والي بالرفض باش يعطوهم سبب الرفض، المرحلة الي بعدها يتم الاتصال من قبل المعهد بالعائلة مباشرة للتواصل مع إحدى الجمعيات للتنسيق و للحصول على طفل و يكون هذا الطفل يعني ملفه قانوني أي فيه قرار قضائي في الايداع النهائي يخوله باش يتم ادماجه في عائلة تبني أو كفالة ،
📌 يعني الجمعية دورها فقط انها تستقبل الصغيرات و ترعاهم و تتعهد بحمايتهم و متابعة ملفاتهم الى حين يتم ايداعهم نهائيا لفائدة الولاية العمومية ووقتها يتم التنسيق مع المعهد الوطني لرعاية الطفولة الي باش يقوم بالتواصل مع العائلات الي عندهم الموافقة.
