10/05/2026
हिजो, मिति २०२६-०५-०९ का दिन नेपाल राष्ट्रिय तामाङ घेदुङ संघ पोर्तुगलका अध्यक्ष श्री भिम लामा ज्युको अध्यक्षतामा लिस्बोनस्थित मण्डला रेस्टुरेन्टमा बसेको पहिलो बैठकमा निम्न विषयहरूमाथि छलफल तथा निर्णय गरियो।
बैठकका विषय / प्रस्ताव
१. संस्थामार्फत धन्यवाद ज्ञापन सम्बन्धमा।
२. नेपाल राष्ट्रिय तामाङ घेदुङ संघ पोर्तुगलले आधिकारिक मान्यता प्राप्त गरिसकेको हुँदा संस्थाको नाम दुरुपयोग नगर्न सम्बन्धित सबैमा विज्ञप्तिमार्फत जानकारी गराउने तथा कुनै व्यक्ति वा संस्थाले संस्थाको नाम प्रयोग गरी अनधिकृत गतिविधि गरेको पाइएमा सार्वजनिक रूपमा कारबाही गरिने सम्बन्धमा।
३. केन्द्रीय कार्यालय, काठमाडौं, नेपालबाट प्राप्त आधिकारिक पत्रमाथि छलफल।
४. बाँकी पदाधिकारी पदपूर्ति सम्बन्धमा।
५. सदस्यता वितरण तथा लेबी शुल्क सम्बन्धमा।
६. अन्य विविध।
छलफल तथा निर्णय
निर्णय नं. १
नेपाल राष्ट्रिय तामाङ घेदुङ संघ, काठमाडौं, नेपाल केन्द्रबाट प्राप्त बधाई तथा आधिकारिक पत्रप्रति बैठकले स्वागत तथा धन्यवाद व्यक्त गरेको छ। साथै, नेपाल राष्ट्रिय तामाङ घेदुङ संघ पोर्तुगल पोर्तुगलमा आधिकारिक रूपमा रहेको एकमात्र संस्था भएको स्पष्ट पार्दै, कुनै व्यक्ति वा संस्थाले संस्थाको नाम प्रयोग गरी चन्दा उठाउने, कार्यक्रम सञ्चालन गर्ने वा संस्थालाई बदनाम हुने गतिविधि गरेको पाइएमा आवश्यक कारबाही गरिने निर्णय गरियो। आवश्यक परे सार्वजनिक रूपमा तामाङ समुदायको भेला आयोजना गरी नामसहित जानकारी सार्वजनिक गरिनेछ।
निर्णय नं. २
नेपाल राष्ट्रिय तामाङ घेदुङ संघ पोर्तुगलको सचिव पदमा श्रीमती सवि लोप्चन ज्युलाई नियुक्त गर्ने निर्णय गरियो।
निर्णय नं. ३
नेपाल राष्ट्रिय तामाङ घेदुङ संघ पोर्तुगलका सम्पूर्ण पदाधिकारीज्यूहरूसँग सदस्यता शुल्क तथा लेबी शुल्क आगामी जुन महिनाको पहिलो हप्तादेखि अनिवार्य रूपमा संकलन तथा कार्यान्वयन गर्ने निर्णय गरियो।
निर्णय नं. ४
संस्थाको आगामी गतिविधि, सदस्यता विस्तार, संगठन सुदृढीकरण तथा समुदाय हितका कार्यक्रमहरूलाई थप प्रभावकारी रूपमा अगाडि बढाउने विषयमा छलफल गरिएको छ।
बैठक सफलतापूर्वक सम्पन्न भएको घोषणा अध्यक्षज्यूबाट गरियो।
अध्यक्ष
श्री भिम लामा
महासचिव
राजु मोक्तान
नेपाल राष्ट्रिय तामाङ घेदुङ संघ पोर्तुगल
मिति: २०२६-०५-०९
