गैरआवासीय नेपाली संघ, पोर्चुगल - NRN Portugal

10/06/2026

https://www.facebook.com/share/r/1CsCewehQQ/?mibextid=wwXIfr

08/06/2026

Nepalese Women Association Portugal द्वारा आयोजित बनभोज तथा भेटघाट कार्यक्रममा गैरआवासीय नेपाली संघ राष्ट्रिय समन्वय परिषद् (NRNA NCC) पोर्चुगल को सहभागिता रह्यो।

महिला सशक्तीकरण, सामाजिक एकता तथा समुदायको हितका लागि Nepalese Women Association Portugal ले सञ्चालन गर्दै आएका विभिन्न गतिविधिहरूमा गैरआवासीय नेपाली संघ राष्ट्रिय समन्वय परिषद् पोर्चुगल सधैं सहकार्य र साथमा रहने प्रतिबद्धता व्यक्त गर्दछ।

निमन्त्रणा तथा आत्मीय आतिथ्यका लागि अध्यक्ष गीता रेउले ज्यूलाई हार्दिक धन्यवाद। कार्यक्रमको सफल आयोजनाका लागि सम्पूर्ण आयोजक टिम तथा सहभागीहरूलाई हार्दिक बधाई तथा शुभकामना।

08/06/2026

गैरआवासीय नेपाली संघ राष्ट्रिय समन्वय परिषद् पोर्चुगलको ११औँ कार्यसमिति बैठक मिति २०२६/०६/०७ मा संस्थाका अध्यक्ष श्री बमबहादुर जी.सी.को अध्यक्षतामा सफलतापूर्वक सम्पन्न भएको छ।

एकता प्रक्रियाको थालनीस्वरूप युवा संयोजक पद यथावत् रहने गरी श्री पेम्बा शेर्पा ज्यूलाई कार्यसमितिमा हार्दिकताका साथ स्वागत गरिएको छ।

05/06/2026

नेपालमा पोर्तुगलको स्थायी दूतावास स्थापना गर्न हस्ताक्षर अभियान

गैरआवासीय नेपाली संघ, राष्ट्रिय समन्वय परिषद् पोर्तुगल (NRNA Portugal) नेपालमा पोर्तुगलको स्थायी दूतावास स्थापना गर्ने उद्देश्यले सञ्चालन भइरहेको हस्ताक्षर अभियानमा सम्पूर्ण नेपाली समुदायलाई सहभागी हुन हार्दिक अनुरोध गर्दछ।

नेपाल र पोर्तुगलबीच बढ्दो सम्बन्ध, व्यापार, पर्यटन, शिक्षा तथा आवागमनलाई सहज बनाउन नेपालमा पोर्तुगलको स्थायी दूतावास स्थापना आवश्यक देखिएको छ। यसले नेपाल र पोर्तुगलका नागरिकहरूलाई थप प्रभावकारी तथा सहज सेवा प्रदान गर्न मद्दत गर्नेछ।

📝 हस्ताक्षर गर्ने तरिका बुझ्न:
📹 https://youtu.be/KcGoZKj_Mxs

🖊️ हस्ताक्षर गर्न:
🔗 http://participacao.parlamento.pt/initiatives/6009

तपाईंको सानो सहभागिताले ठूलो परिवर्तन ल्याउन सक्छ। आउनुहोस्, सबै मिलेर यो अभियानलाई सफल बनाऔं।

तपाईंको २ मिनेट समयले सम्पूर्ण नेपाली समुदायको भविष्यमा सकारात्मक योगदान पुर्‍याउन सक्छ।

🇳🇵🇵🇹

Exmo. Senhor Presidente da Assembleia da República Face ao aumento do número de cidadãos nepaleses a trabalhar e residir em Portugal, que se estima ser cerca de 50 mil e dada a dependência da Embaixada em Nova Deli que torna os processos de vistos e documentos lentos e dispendiosos, visto que o ...

01/06/2026

“हिजो जे भन्यौं, त्यो गरेर देखाउँदैछौं!”

नारी सशक्तीकरणलाई केन्द्रमा राखेर सञ्चालन गरिएको ब्यूटी पार्लर प्रशिक्षण कार्यक्रमले आफ्नो उद्देश्यलाई सफलतापूर्वक पूरा गरेको महसुस गरेका छौं।

प्रशिक्षणमा सहभागी दिदीबहिनीहरू आज सीप सिकेर सक्षम र आत्मनिर्भर बन्नुभएको छ। यो केवल एउटा कार्यक्रमको सफलता मात्र होइन, सम्पूर्ण नेपाली समुदायको खुसी र गर्वको क्षण हो।

NRNA ले केही गर्दैन भन्ने धारणा भन्दा पनि, NRNA एउटा यस्तो पुल हो जसले अवसर र सम्भावनासम्म पुग्ने बाटो बनाउँछ। त्यो पुल तरेर आफ्नो लक्ष्यमा पुग्ने जिम्मेवारी भने हामी सबैको हो भन्ने हामिले बुझ्नु जरुरी छ ।

विदेशमा रहेका हरेक नेपालीको साझा संस्था NRNA हो। आउनुहोस्, एकअर्काप्रति सकारात्मक सोच, सहयोग र सद्भाव फैलाऔं।

“एकता, सहकार्य र सशक्तीकरणमार्फत समृद्ध नेपाली समुदाय निर्माण गरौं।” 🇳🇵❤️

01/06/2026

वैदेशिक रोजगारीको क्रममा विदेशमा मृत्यु भएमा शव नेपाल कसरी ल्याउने?

यदि वैदेशिक रोजगारीमा गएका कुनै नेपाली श्रमिकको विदेशमा मृत्यु भएको छ र उहाँसँग वैध श्रम स्वीकृति थियो भने, शव नेपाल ल्याउने प्रक्रियामा नेपाल सरकार तथा सम्बन्धित निकायहरूले आवश्यक समन्वय र सहयोग प्रदान गर्छन्।

के गर्नुपर्छ?

✅ सबैभन्दा पहिले सम्बन्धित देशस्थित नेपाली दूतावास वा कन्सुलर विभागमा निवेदन दिनुहोस्।

✅ त्यसपछि वैदेशिक रोजगार बोर्डको वेबसाइटबाट आवश्यक फाराम डाउनलोड गर्नुहोस्।

आवश्यक फारामहरू:

फाराम नं. १२ – मृतकको शव नेपाल झिकाउन अनुरोध गर्ने निवेदन।
फाराम नं. १३ – शव नेपाल आएपछि परिवार वा परिवारले चाहेको स्थानसम्म पुर्‍याउन अनुरोध गर्ने निवेदन।

आवश्यक हुन सक्ने कागजातहरू:

मृतकको राहदानी (पासपोर्ट) को प्रतिलिपि
नागरिकताको प्रतिलिपि
नाता प्रमाणित कागजात
मृत्यु प्रमाणपत्र
निवेदकको परिचयपत्र

यी प्रक्रिया पूरा भएपछि सम्बन्धित निकायले शव नेपाल ल्याउने र परिवारको जिम्मा लगाउने कार्य अगाडि बढाउँछन्। साथै, कानुन बमोजिम उपलब्ध हुने राहत तथा अन्य सुविधाका लागि पनि प्रक्रिया सञ्चालन गर्न सकिन्छ।

थप जानकारीका लागि वैदेशिक रोजगार बोर्ड वा सम्बन्धित नेपाली दूतावासमा सम्पर्क गर्नुहोस्।

27/05/2026

एपमार्फत विदेशमा समस्या परेका/अलपत्र परेका/हराएका नेपाली नागरिकहरूको खोजतलास तथा उद्धारका लागि अनलाइन निवेदन दर्ता, मृत्यु भएको अवस्थामा शव व्यवस्थापन, बीमा तथा क्षतिपूर्ति रकम दाबी लगायत अन्य गुनासो तथा समस्या दर्ता गर्न सकिन्छ ।

26/05/2026

सहयोगको लागि हार्दिक अपिल

विगत केही समयदेखि पोर्चुगललाई कर्मथलो बनाएर काम गर्दै आउनुभएका लोकेन्द्र खड्का की श्रीमती तारा ठाकुराठी खड्का को विगत केही समयदेखि क्यान्सर (Stage T4) जस्तो गम्भीर रोगसँग संघर्ष गरिरहनुभएको छ। हाल उहाँको उपचार नेपालको भक्तपुर क्यान्सर अस्पताल (Bhaktapur Cancer Hospital) मा भइरहेको छ।

उहाँको उपचारका लागि ठूलो रकम आवश्यक परेको छ, जुन एक श्रमिक परिवारले मात्र जुटाउन अत्यन्त कठिन भएको छ। यस कठिन समयमा उहाँहरूलाई हाम्रो आर्थिक सहयोग र भावनात्मक साथको अत्यन्त आवश्यकता रहेको छ।

हजुरहरूको सानो सहयोगले कसैको अमूल्य जीवन बचाउन मद्दत गर्न सक्छ। त्यसैले पोर्चुगल तथा देश-विदेशमा रहनुभएका सम्पूर्ण मनकारी नेपाली दाजुभाइ तथा दिदीबहिनीहरूमा आफ्नो तर्फबाट सक्दो आर्थिक सहयोग गरिदिनुहुन हृदयदेखि नै विनम्र अनुरोध गर्दछौं।
साथै शिघ्र स्वास्थ्य लाभको कामना गर्दै यो अपिललाई बढी भन्दा बढी सेयर (Share) गरिदिनुहोला। तपाईंको एउटा सेयरले पनि यो सन्देश कुनै सहयोगी मनसम्म पुग्न सक्छ।

सहयोग विवरण

नाम : [TARA THAKURATHI KHADKA]
बैंक: [GLOBAL IME BANK]
खाता नं. : (27507010042981]
-थप जानकारीका लागि सम्पर्क : (+9779804610149) यहाँहरूको माया, साथ र सहयोगको अपेक्षासहित धन्यवाद।🙏

मानवीय सहयोगको विनम्र अनुरोध म, लोकेन्द्र खड्का, हाल पोर्च… lokesh khadka needs your support for मेरी श्रीमतीलाई चौथो चरणको क्यानसर जित....

25/05/2026

ब्रम्हाकुमारी राजयोग सेवाकेन्द्रद्वारा आयोजित ईश्वरीय स्नेह मिलन कार्यक्रम , २०२६/०६/२५

18/05/2026

मगर सङ्घ पोर्तुगलको मिति १७ मे २०२६ मा सम्पन्न आठौँ ऐतिहासिक अधिवेशनबाट सर्वसम्मत रूपमा निर्वाचित अध्यक्ष श्री युग बहादुर राना ज्यु लगायत सम्पूर्ण नव निर्वाचित कार्यसमिति पदाधिकारी तथा सदस्यज्यूहरूलाई हार्दिक बधाई तथा सफल कार्यकालको शुभकामना व्यक्त गर्दछौँ।

नवनिर्वाचित कार्यसमितिले मगर समुदायको हक, हित, पहिचान, भाषा, कला, संस्कृति तथा सामाजिक एकताको प्रवर्द्धन गर्दै संस्थालाई अझ सशक्त, मर्यादित र उन्नत दिशातर्फ अगाडि बढाउने विश्वास व्यक्त गर्दछौँ। आगामी कार्यकाल सफल, उपलब्धिमूलक तथा ऐतिहासिक रहोस् भन्ने शुभेच्छा व्यक्त गर्दछौँ।

अध्यक्ष
श्री युग बहादुर राना

वारिष्ठ उपाध्यक्ष
श्री पुरण घर्ति मगर

उपाध्यक्षहरू
श्री तिल बहादुर पुन मगर
श्री गगन बहादुर आले मगर
श्रीमती तारा देवी मेघाले
श्री यम बाबु आले

महासचिव
श्री अजय गलामी मगर

सचिव
श्री लोकराज रोका मगर

सह-सचिव
श्री सुजन बुढा मगर

कोषाध्यक्ष
श्रीमती विना घर्ति मगर

सह-कोषाध्यक्ष
श्रीमती तुलसी पुर्जा मगर

सदस्यहरू
श्री गणेश बहादुर थापा
श्री ओम प्रसाद पुन
श्री विरेन्द्र पुन मगर
श्री सूर्य थापा मगर
श्री सौगात थापा मगर
श्रीमती ज्ञानु घर्ति मगर
श्री भिमराज मगर
श्रीमती नविना घर्ति मगर
श्रीमती दुर्गा थापा मगर